IDFI-ის ტრენინგი ქალაქ ქუთაისში

სიახლეები | ტრენინგები | კარგი მმართველობა | პუბლიკაციები | სტატია 5 ოქტომბერი 2019

2019 წლის 5 ოქტომბერს, IDFI-მ ჟურნალისტებისა და სამოქალაქო აქტივისტებისთვის ქუთაისში ტრენინგი ჩაატარა, თემაზე: საჯარო მონაცემებთან მუშაობა ხელისუფლების საქმიანობის ეფექტური კონტროლისთვის.

 

მონაწილეებს (22 ჟურნალისტი და აქტივისტი) საშუალება ჰქონდათ გაეგოთ მეტი, იმის შესახებ თუ, როგორ აღმოაჩინონ და გადაამოწმონ საეჭვო გარემოებები სახელმწიფო შესყიდვებში, გააკონტროლონ ბიუჯეტის მიზნობრივი განკარგვა, მოიპოვონ საჯარო მონაცემები ხელისუფლების საქმიანობის შესახებ და ა.შ.

 

„ჩვენი ტრენინგები სერიულ სახეს ატარებს და მოიცავს საქართველოს სხვადასხვა ქალაქს. ტრენინგის მონაწილეებს გავუზიარეთ ის გამოცდილება, რაც 10 წლიანი მუშაობის შედეგად IDFI-ის დაუგროვდა. მიგვაჩნია, რომ რაც უფრო მეტი მოქალაქე იქნება აღნიშნულ თემებში გათვითცნობიერებული, მით უფრო გაადვილდება სახელმწიფო ხარჯების რაციონალური განკარგვის მონიტორინგი.“ - გოგა თუშურაშვილი, ტრენერი / IDFI -ის სოციალური და ეკონომიკური მიმართულების ხელმძღვანელი.

 

თეონა ტურაშვილი, ტრენერი / IDFI-ის მედია, ინტერნეტი და ტელეკომუნიკაციების მიმართულების ხელმძღვანელი: „მონაწილეებს იმ პლატფორმებისა და მექანიზმების შესახებ ვესაუბრეთ, რომლებიც მონაცემების დამუშავების კუთხით შეუძლიათ რომ გამოიყენონ. გარდა ამისა, ტრენინგი ეხებოდა საჯარო ინფორმაციის პროაქტიულად გამოქვეყნებასაც, თუ რა ტიპის მონაცემებია ხელმისაწვდომი საზოგადოებისთვის სხვადასხვა დაწესებულებების ვებგვერდებზე. გარდა საჯაროდ განთავსებული მონაცემებისა, მონაწილეებს ის პრაქტიკული რჩევები გავუზიარეთ, რომლის მეშვეობითაც ისინი მონაცემებს ვიზუალიზაციების/გრაფიკების სახით გამოსახვას შეძლებენ. ტრენინგის დროს ყურადღება გამახვილდა იმ საერთაშორისო ინიციატივებსა და მონაცემთა პლატფორმებზე, რომლებიც არსებობს ვიშეგრადის ქვეყნებში.“

 

„თანამედროვე ტექნოლოგიების ეპოქაში ჟურნალისტს ხშირად უხდებათ ონლაინ სივრცეში მუშაობა. როგორ იმუშაოს ღია მონაცემებზე? როგორ მოიპოვოს ინფორმაცია? როგორ აღმოაჩინოს პრობლემა და შემდეგ გამოიკვლიოს? - ამისთვის აუცილებელია, რომ მათ, იმ ონლაინ პლათფორმების შესახებ იცოდნენ, რაც დღეს არსებობს. ეს არის ძალიან მნიშვნელოვანი ტრენინგი არამარტო ჟურნალისტებისთვის, არამედ აქტივისტებისთვისაც; და მე, როგორც მოქალაქეს, მაინტერესებს ვიცოდე, თუ როგორ ხარჯავს ჩემი ხელისუფლება იმ ფულს, რომელსაც მე ვიხდი ჩემი ხელფასიდან,“ - აღნიშნა ტრენინგის მონაწილემ/ჟურნალისტმა მზია თადუმაძემ. 

 

ტრენინგი ხორციელდება პროექტ „სადამკვირვებლო ჯგუფების გაძლიერება მთავრობის ანგარიშვალდებულებისთვის“ ფარგლებში. პროექტი დაფინანსებულია ვიშეგრადის საერთაშორისო ფონდის მიერ, ვიშეგრადის გრანტების პროგრამით, ჩეხეთის, უნგრეთის, პოლონეთისა და სლოვაკეთის მთავრობების თანადაფინანსებით. ფონდის მისიაა ცენტრალურ ევროპაში მდგრადი რეგიონული იდეების წახალისება.

სხვა ტრენინგები ამ თემაზე
სიახლეები

IDFI-იმ ოზურგეთის მერიისა და საკრებულოს თანამშრომლებს ღია მონაცემებზე ტრენინგი ჩაუტარა

21.10.2020

IDFI-მ პროექტის „კოვიდ-19-თან დაკავშირებული სახელმწიფო ხარჯების და ადამიანის უფლებების მდგომარეობის მონიტორინგი“ პრეზენტაცია გამართა

20.10.2020

Freedom House: საქართველოს ქულა ინტერნეტის თავისუფლების რეიტინგში გაუმჯობესდა

16.10.2020

მსოფლიო მმართველობის ინდიკატორები - საქართველო მსოფლიო ბანკის 2020 წლის შეფასებით

15.10.2020
განცხადებები

არასამთავრობო ორგანიზაციები საქართველოს საგამოძიებო და უსაფრთხოების უწყებებს, ასევე აუდიტის სამსახურს „პატრიოტთა ალიანსის“ შესახებ „დოსიეს“ მიერ გასაჯაროვებულ ინფორმაციაზე ადეკვატური რეაგირებისკენ მოუწოდებენ

02.10.2020

IDFI-ს განცხადება სასამართლოს გადაწყვეტილებების ხელმისაწვდომობის თაობაზე

24.09.2020

არასამთავრობოები მოქმედი მოსამართლეების წინააღმდეგ წარმოებული სისხლის სამართლის საქმეებზე ინფორმაციის გაასაჯაროებას მოითხოვენ

11.09.2020

კოალიცია საქართველოს პარლამენტში ინიცირებულ „საერთო სასამართლოების შესახებ” საქართველოს ორგანულ კანონში შესატან ცვლილებათა კანონპროექტს ეხმიანება

08.09.2020
ბლოგპოსტები

1930-იანი წლების რეპრესიების მეხსიერება - რას და რატომ ვიხსენებთ?

13.10.2020

კიბერშეტევა ჯანდაცვის სამინისტროზე და რუსული კვალი

03.09.2020

გამჭვირვალე სახელმწიფო შესყიდვების რეიტინგში უკრაინის წამყვანი პოზიცია საშიშროების წინაშე დგას

02.09.2020

რუსული სპორტი და პოლიტიკა

13.08.2020