ტრენინგი აჭარის რეგიონის ჟურნალისტებისა და აქტივისტებისთვის

სიახლეები | ტრენინგები | მედია, ინტერნეტი და ინოვაციები | პუბლიკაციები | სტატია 7 აგვისტო 2019

ინფორმაციის თავისუფლების განვითარების ინსტიტუტის (IDFI) ტრენინგების სერია გრძელდება. 2019 წლის 2 აგვისტოს, IDFI-ის გუნდი ქალაქ ბათუმს ეწვია და აჭარის ავტონომიურ რესპუბლიკაში მოღვაწე ჟურნალისტებისა და აქტივისტებისთვის (22 მონაწილე) ტრენინგი ჩაატარა, რომელიც საჯარო მონაცემებთან მუშაობის ტექნიკასა და არსებულ პრაქტიკას ეხებოდა. განსახილველ თემებს შორის იყო:

 

- როგორ აღმოვაჩინოთ და გადავამოწმოთ საეჭვო გარემოებები სახელმწიფო შესყიდვებში;

 

- როგორ ვაკონტროლოთ სახელმწიფო ბიუჯეტის მიზნობრივი განკარგვა;

 

- როგორ მოვიპოვოთ საჯარო მონაცემები ხელისუფლების საქმიანობის შესახებ; და

 

- როგორ გამოვითხოვოთ საჯარო ინფორმაცია.

 

მონაწილეებმა ასევე მიიღეს პრაქტიკული რჩევები ვიზუალიზაციების მომზადების შესახებ, რაც მათ დაეხმარება საზოგადოებისთვის მონაცემების ეფექტურ კომუნიკაციაში.

 

„დარწმუნებული ვარ, რომ ჩვენი ტრენინგი მონაწილეებს დაეხმარება ხელისუფლების საქმიანობის ეფექტურ კონტროლში,“ – აღნიშნა თეონა ტურაშვილმა, IDFI-ის მედიის, ინტერნეტისა და ტელეკომუნიკაციების მიმართულების ხელმძღვანელმა.

 

„IDFI-ის ტრენინგი ძალიან საინტერესო იყო. მის შედეგად ვისწავლე საჯარო ინფორმაციის სწორად გამოთხოვა. ასევე, როგორ გადავამოწმო მიღებული ინფორმაცია და დავამუშაო/გამოვსახო მონაცემები. ჩემთვის ასევე ძალიან საინტერესო იყო ბიუჯეტთან დაკავშირებული საკითხები,“ – ტრენინგის მონაწილე სტუდენტ/აქტივისტი.

 

„ვისწავლე, თუ რამდენად დიდ ბაზებზე მაქვს წვდომა, როგორც ჟურნალისტს, ჩემი მასალის დასამტკიცებლად. როგორ უნდა დავადგინო, ამა თუ იმ პიროვნების ან კომპანიის მონაცემები მარტივად სხვადასხვა გზებით და, ყველაზე მთავარია, მე, როგორც ჟურნალისტს, როგორ შემიძლია ხელისუფლების და სხვა სახელმწიფო უწყებების ეფექტური კონტროლი. ამ ტრენინგს სამომავლოდ უფრო მეტი პრაქტიკული ნაწილით დავტვირთავდი. დრო იმ ინფორმაციის მისაღებად და აღსაქმელად, რაც ამ ტრენინგზე მივიღე, ჩემთვის არ იყო საკმარისი. ვისურვებდი, თქვენთან ამ ზღვა ინფორმაციისა და შესაძლებლობების არსებობის შესახებ მოწოდებული ცოდნის უკეთ გასააზრებლად, ტრენინგის რამდენიმე დღეზე გადანაწილებას, რათა უკეთ „შემესრუტა“ თქვენს მიერ მოწოდებული ცოდნა,“ხატია გოგრაჭაძე, TV 25.

 

ტრენინგს უძღვებოდნენ IDFI-ის გუნდის წევრები: თეონა ტურაშვილი, მედიის, ინტერნეტისა და ტელეკომუნიკაციების მიმართულების ხელმძღვანელი; მარიამ გოგიაშვილი, ანალიტიკოსი; და გოგა თუშურაშვილი, ეკონომიკისა და სოციალური პოლიტიკის მიმართულების ხელმძღვანელი.


ტრენინგი ხორციელდება პროექტ „სადამკვირვებლო ჯგუფების გაძლიერება მთავრობის ანგარიშვალდებულებისთვის“ ფარგლებში. პროექტი დაფინანსებულია ვიშეგრადის საერთაშორისო ფონდის მიერ, ვიშეგრადის გრანტების პროგრამით, ჩეხეთის, უნგრეთის, პოლონეთისა და სლოვაკეთის მთავრობების თანადაფინანსებით. ფონდის მისიაა ცენტრალურ ევროპაში მდგრადი რეგიონული იდეების წახალისება.

სხვა ტრენინგები ამ თემაზე
სიახლეები

უზენაესი სასამართლოს მოსამართლეების დანიშვნა: რა იცის საქართველოს მოსახლეობამ და რა დამოკიდებულება აქვს ამ პროცესის მიმართ

29.03.2020

საქართველო კანონის უზენაესობის 2020 წლის ინდექსში

26.03.2020

ინფექციური დაავადებების სტატისტიკა საქართველოში

25.03.2020

საქართველოში საგანგებო მდგომარეობის ვადის განმავლობაში ელექტრონული საქმისწარმოების, ადმინისტრაციული წარმოებისა და საჯარო ინფორმაციის გაცემის განსხვავებული წესები იმოქმედებს

23.03.2020
განცხადებები

საზოგადოებრივი ორგანიზაციები აჭარის მაუწყებელში მიმდინარე საგანგაშო პროცესებზე საერთაშორისო ორგანიზაციებს კოლექტიურად მიმართავენ

17.03.2020

კოალიცია უზენაესი სასამართლოს თავმჯდომარის თანამდებობაზე ასარჩევად ნინო ქადაგიძის წარდგენას ეხმიანება

13.03.2020

კოალიციის განცხადება მოსამართლეთა დისციპლინურ სამართალწარმოებასთან დაკავშირებული ხარვეზების თაობაზე

05.03.2020

კოალიცია აჭარის საზოგადოებრივ მაუწყებელში მიმდინარე პროცესების თაობაზე საერთაშორისო ორგანიზაციებს კიდევ ერთხელ მიმართავს

14.02.2020
ბლოგპოსტები

უზენაესი სასამართლოს მოსამართლეების დანიშვნა: რა იცის საქართველოს მოსახლეობამ და რა დამოკიდებულება აქვს ამ პროცესის მიმართ

29.03.2020

ემოციური უსაფრთხოება საქართველოს ზოგადსაგანმანათლებლო დაწესებულებებში - მოსწავლეთა დარღვევებისა და ჩაგვრის შემთხვევების სტატისტიკის ანალიზი

20.03.2020

ქალაქ ფოთში ატმოსფერული ჰაერის დაბინძურებასა და თევზის გადამუშავებასთან დაკავშირებული ეკოლოგიური პრობლემების ანალიზი - ანუ ცხოვრება ზღვისპირა ქალაქში ჰაერის გარეშე

20.03.2020

არაგადამდები (ქრონიკული) დაავადებების სამკურნალო მედიკამენტებით უზრუნველყოფის სახელმწიფო პროგრამის მიმოხილვა

20.03.2020