პასუხისმგებლიანი ხელოვნური ინტელექტის გლობალური ინდექსის პროექტის ფარგლებში IDFI, როგორც რეგიონული ჰაბი, აქტიურად იყო ჩართული გლობალური ინიციატივის რამდენიმე მნიშვნელოვანი ღონისძიების განხორციელებაში. 

GIRAI წარმოადგენს ინიციატივას, რომელიც ქმნის ინკლუზიურ და გაზომვად ინდიკატოერებს, რათა თვალი ვადევნოთ მთავრობებისა და დაინტერესებული მხარეების მიერ პასუხისმგებლიანი AI პრინციპების განხორციელებას/დანერგვას. 2023 წლის მარტიდან ივნისამდე IDFI ჩართული იყო მეთოდოლოგიის გადახედვაში და პროექტის გლობალურ ჯგუფს აწვდიდა უკუკავშირს. მეთოდოლოგიის დამტკიცების შემდეგ, ორგანიზაცია კვლევის საპილოტე ფაზაში ჩაერთო, რომელიც ივლისიდან სექტემბრამდე გაგრძელდა.

კვლევის საპილოტე ეტაპზე IDFI-მ შეაგროვა და დაამუშავა პირველადი მონაცემები საქართველოში არსებულ საკანონმდებლო და პოლიტიკის დოკუმენტებზე, სამთავრობო ინიციატივებსა და არასამთვრობო სექტორის აქტივობებზე, რომლებიც ხელოვნურ ინტელექტს ეხება. პოსტ-საპილოტე ფაზაში ზუსტად ამ მონაცემებზე დაყრდნობით ფასდება საქართველოში რა მდგომარეობაა ხელოვნური ინტელექტის სისტემების პასუხიმგებლიანი გამოყენების კუთხით როგორც საკანონმდებლო, ასევე პოლიტიკის დონეზე.

საპილოტე ფაზის დროს ასევე გამოიცადა კვლევის მეთოდოლოგიის ეფექტურობა და მისი შესაბამისობა იმ რეგიონებთან, რომლებზეც IDFI არის პასუხისმგებელი - აღმოსავლეთ ევროპა და ცენტრალური აზია. ამგვარად, ორგანიზაციამ საკუთარი წვლილი შეიტანა მეთოდოლოგიის დახვეწაში. 

რეგიონის ქვეყნებიდან 12 ეროვნული მკვლევრის აყვანის შემდეგ, 2023 წლის 23-26 ოქტომბერს მათ გაიარეს ტრეინინგი, რომელიც ფოკუსირებული იყო პასუხისმგებლიან ხელოვნურ ინტელექტსა და მათი მუშაობისთვის აუცილებელ კვლევის მეთოდებზე. ტრენინიგების შემდეგ ეროვნულმა მკვლევრებმა, IDFI-ის ზედამხედველობის ქვეშ,  საკუთრივ თავიანთ ქვეყნებში დაიწყეს GIRAI-ის კვლევის ჩატარება. საჭიროების ფარგლებში, ორგანიზაცია ჩაერთული იქნება მონაცემების შეგროვებასა და კვლევის შედეგების ანალიზში. 

კვლევის დასრულების შემდეგ 2024 წლის პირველ ნახევარში გამოქვეყნდება გლობალური ანგარიში პასუხისმგებლიან ხელოვნურ ინტელექტზე. საკუთრივ IDFI დაწერს აღმოსავლეთ ევროპისა და ცენტრალური აზიის რეგიონების შედეგების ანალიზს.