2023 წლის 17-19 მარტს,ინფორმაციის თავისუფლების განვითარების ინსტიტუტის ანალიტიკოსმა, დავით ერისთავმა, მონაწილეობა მიიღო აზია-წყნარი ოკეანის სამოქალაქო რეგისტრაციისა და დემოგრაფიული სტატისტიკის (CRVS) კვლევების ფორუმში. საერთაშორისო კონფერენცია ორგანიზებული იყო გაეროს აზიისა და წყნარი ოკეანის ეკონომიკურ და სოციალური კომისიის (ESCAP) მიერ. ონლაინ ღონისძიებაზე მონაწილეებს შესაძლებლობა მიეცათ წარედგინათ კვლევები, მიეღოთ ინფორმაცია სექტორში მიმდინარე მოვლენებზე, და ჩართულიყვნენ შესაძლებლობების ამაღლების აქტივობებში.

კონფერენციაზე დავით ერისთავმა წარმოადგინა ანგარიში აღმოსავლეთ ევროპისა და ცენტრალური აზიის რეგიონში CRVS მონაცემებისეკოსისტემების შესახებ. ანგარიში მომზადდა ინფორმაციის თავისუფლების განვითარების ინსტიტუტის მიერ, გაეროს მოსახლეობის ფონდის (UNFPA) აღმოსავლეთ ევროპისა და ცენტრალური აზიის რეგიონული ოფისის ფინანსური მხარდაჭერით, და ეხებოდა აღმოსავლეთ ევროპასა და ცენტრალურ აზიაში დემოგრაფიული და ჯანდაცვის მონაცემების ხარისხსა და ხელმისაწვდომობას.

ეს ანგარიში ეფუძნება მონაცემთა გლობალური ბარომეტრის (GDB) შედეგებს, პროექტი, რომელიც ერთიანი მეთოდოლოგიითაფასებს 108 ქვეყანას, სხვადასხვა ინდიკატორების საფუძველზე,  მათ შორის დემოგრაფიულ, ჯანდაცვისა და Covid-19-თან დაკავშირებულიმონაცემების ხელმისაწვდომობას. ანგარიში მოიცავს აღმოსავლეთ ევროპისა და ცენტრალური აზიის ქვეყნების შედეგების სიღრმისეულ ანალიზს GDB-ის ჯანდაცვისა და Covid-19 მოდულების ჭრილში.ანგარიში ასევე მოიცავს ქვეყნების დეტალურ მიმოხილვას, მნიშვნელოვან ტენდენციებს, საუკეთესო პრაქტიკებს და რეგიონისპირველად საჭიროებებს.