2021 წლის 25 ნოემბერს, ინფორმაციის თავისუფლების განვითარების ინსტიტუტმა (IDFI) კიბერსივრცეში პერსონალური მონაცემების დაცვის სამართლებრივ გარანტიებზე სამუშაო შეხვედრა გამართა.
სამუშაო შეხვედრაზე IDFI-მ ქვეყანაში ციფრული უფლებების დაცვის კუთხით არსებული სიტუაციის შესახებ მომზადებული უახლესი კვლევის მიგნებები და რეკომენდაციები წარადგინა. კერძოდ, კვლევა ინფორმაციული უსაფრთხოების კანონში ახლადშეტანილი ცვლილებების ფონზე, პერსონალური მონაცემების დაცვის საკითხს და ამ კუთხით არსებული გამოწვევების საპასუხოდ საჭირო საკანონმდებლო და ინსტიტუციურ ცვლილებებს მიმოიხილავს. IDFI-მ კვლევის ფარგლებში ონლაინ კონტენტის მანიპულაციისა და ციფრული წიგნიერების კუთხით მთავარი გამოწვევების, საჭიროებებისა და მიმდინარე ტენდეციების შესახებ გამოკითხვა ჩაატარა, რომელშიც მედიის, კერძო და სამოქალაქო ორგანიზაციის წარმომადგენლებმა აქტიურად მიიღეს მონაწილეობა.
სამუშაო შეხვედრას პერსონალური მონაცემების დაცვის ექსპერტები, იურისტები, კომერციული ბანკების, სამოქალაქო საზოგადოების და სხვადასხვა საჯარო დაწესებულების წარმომადგენლები ესწრებოდნენ. ორგანიზატორებთან ერთად მხარეებმა კიბერსივრცეში პერსონალური მონაცემების უკეთ დაცვის მიზნით შემუშავებული რეკომენდაციები განიხილეს და შემდგომი ნაბიჯებიც განსაზღვრეს.
სამუშაო შეხვედრა პროექტის - „ციფრული კონფიდენციალობა საქართველოში” - ფარგლებში გაიმართა, რომელიც საქართველოში ციფრული კონფიდენციალობის კუთხით არსებული მთავარი გამოწვევების იდენტიფიცირებასა და ამ კუთხით ადვოკატირების დაწყებას ისახავდა მიზნად. პროექტი მხარდაჭერილია ამერიკის შეერთებული შტატების საერთაშორისო განვითარების სააგენტოსა (USAID) და Internews-ის მიერ.
1924 წლის აჯანყების მე-100-ე წლისთავთან დაკავშირებით, ქალაქ ახმეტაში საინფორმაციო ბანერი განთავსდა
05.08.2024ქალაქ თბილისის საპარკინგე პოლიტიკა 2018-2024
29.07.2024