IDFI-ის შეფასება 2015-2016 წლების ანტიკორუფციული სამოქმედო გეგმის 2016 წლის ღონისძიებების შესრულებაზე

სიახლეები | კვლევები | კარგი მმართველობა | პუბლიკაციები 16 მაისი 2017

ავტორი: მარიამ თუთბერიძე

 

IDFI-მ ანტიკორუფციული საბჭოს სამდივნოს წარუდგინა შეფასებები 2015-2016 წლების ანტიკორუფციული სამოქმედო გეგმის 2016 წლის ღონისძიებების შესრულებაზე.


ანტიკორუფციული სამოქმედო გეგმის შეფასება ხდება მონიტორინგის ჩარჩოს შესაბამისად, სადაც გაწერილია თითოეული პასუხისმგებელი უწყების ღონისძიებები და ფასდება შემდეგი სამი სტატუსით: „სრულად შესრულდა“, „უმეტესად შესრულდა“, „ნაწილობრივ შესრულდა“, „არ შესრულდა“. ღონისძიებები ფასდება პასუხისმგებელი უწყებების და არასამთავრობო სექტორის მიერ, ხოლო საბოლოო შეფასებას აკეთებს კორუფციის წინააღმდეგ ბრძოლის უწყებათაშორისი საკოორდინაციო საბჭოს (ანტიკორუფციული საბჭო) სამდივნო. დოკუმენტი მტკიცდება ანტიკორუფციული საბჭოს სხდომაზე.

 

IDFI-ის მიერ მონიტორინგის პროცესში გამოვლენილ ხარვეზებს შორისაა:


- პასუხისმგებელი უწყებების მიერ მონიტორინგის მიზნებისთვის მოწოდებული ინფორმაცია ხშირად ზოგადი იყო, არ ჩანდა ღონისძიებასა და პროგრესს შორის კავშირი, რაც ართულებდა მის შეფასებას;

 

- ღონისძიებებს თან არ ერთვოდა შეფასებისთვის საჭირო დოკუმენტაცია;

 

- შეუსრულებელ ღონისძიებებში არ იყო მითითებული მიზეზები და შესრულების სავარაუდო დრო;

 

- 2016 წლის მონიტორინგი განხორციელდა არა წელიწადში ორჯერ, როგორც მეთოდოლოგიითაა განსაზღვრული, არამედ ერთხელ მთელი წლისათვის. ეს პროცესი ახალი სამოქმედო გეგმის შემუშავებასთან ერთად მიმდინარეობდა, რამაც გაართულა პროცესი;

 

- ღონისძიებების შეფასებისას დარღვეული იყო ერთიანი სტანდარტი;

 

- ღონისძიებების შესრულების სტატუსი, რიგ შემთხვევებში არ შეესაბამებოდა პროგრესის აღწერას.

 

იმის გათვალისწინებით, რომ 2015-2016 წლების ანტიკორუფციული სამოქმედო გეგმის განხორციელება დასრულებულია, IDFI მიიჩნევს, რომ გამოვლენილი ხარვეზები გათვალისწინებული უნდა იქნეს 2017-2018 წლების სამოქმედო გეგმის მონიტორინგის პროცესში.

 

ანტიკორუფციულმა საბჭომ 2015-2016 წლების ანტიკორუფციული სამოქმედო გეგმის მონიტორინგის ჩარჩო, მონიტორინგისა და პროგრესის ანგარიშები 2017 წლის 24 აპრილს დაამტკიცა. საბოლოო დოკუმენტაცია ანტიკორუფციული საბჭოს სამდივნოს ვებგვერდზე ამ დრომდე არ განუთავსებია.

 

/public/upload/IDFI_Photos_2017/anticorruption/anti_corruption_monitoring_idfi.pdf

სხვა მასალები ამ თემაზე
სიახლეები

„ინფორმაციული უსაფრთხოების შესახებ“ კანონპროექტის რისკები და გამოწვევები - IDFI-ს შეფასება

10.11.2019

სასამართლო რეფორმის შედეგების შეფასება - დისციპლინური პასუხისმგებლობის სისტემა

08.11.2019

საგანგებო სიტუაციების მართვის სამსახურის ბიუროკრატიული აპარატის და ხარჯების ანალიზი

06.11.2019

ქალაქ თბილისის მერიის და საკრებულოს ხარჯები: 2017-2018 წლები - ვიზუალიზაცია

04.11.2019
განცხადებები

კვლავ არსებობს კითხვები გენერალური პროკურორის დიპლომთან დაკავშირებით

17.10.2019

განცხადება სახელმწიფო ავტოპარკის ოპტიმიზაციის აუცილებლობის შესახებ

18.09.2019

იურიდიული კომიტეტის მიერ სამუშაო ჯგუფის დაკომპლექტების შეფასება

17.09.2019

კორუფციასთან ბრძოლის სასერტიფიკატო პროგრამა

15.09.2019
ბლოგპოსტები

გამოკითხვის ექსპერიმენტი

31.10.2019

პროკურატურის დამოუკიდებლობასთან დაკავშირებით მოსახლეობის აზრი გაყოფილია

30.10.2019

უზენაესი სასამართლოს მოსამართლეების შერჩევა: რა იცის და რა დამოკიდებულება აქვს ხალხს საქართველოში ამ პროცესის შესახებ

21.10.2019

ღია მმართველობის პარტნიორობა - გასაღები მდგრადი განვითარების მიზნების შენელებული პროგრესის საპასუხოდ

20.09.2019