IDFI რეპრესირებულთა სუბსიდიის ზრდის მოთხოვნით საქართველოს ხელისუფლებას ისევ მიმართავს

სიახლეები | მეხსიერების და დეზინფორმაციის კვლევები | სტატია 1 ივლისი 2021

2021 წლის 30 ივნისის წერილით, IDFI კიდევ ერთხელ მიმართავს საქართველოს პრემიერ-მინისტრს,ირაკლი ღარიბაშვილს, საქართველოს პარლამენტის თავმჯდომარეს, კახა კუჭავას, საქართველოს ფინანსთა მინისტრს, ლაშა ხუციშვილსა და საქართველოს პარლამენტის საფინანსო-საბიუჯეტო კომიტეტის თავმჯდომარეს, ირაკლი კოვზანაძეს, რათა საქართველოს მთავრობამ 2021 და 2022 წლის სახელმწიფო ბიუჯეტებით უზრუნველყოს რეპრესირებულთა საყოფაცხოვრებო სუბსიდიის 7-დან 44 ლარამდე გაზრდა. აღნიშნული გადაწყვეტილება მცირედით, თუმცა, მაინც შეამსუბუქებს ასაკობრივ რისკ ჯგუფში მყოფ რეპრესირებულთა ოჯახის წევრების მძიმე ეკონომიკურ ვითარებას.

 

საქართველოში პოლიტიკური რეპრესიების მსხვერპლთათვის განკუთვნილი, სახელმწიფოს მიერ სხვადასხვა სოციალური კატეგორიებისთვის დაწესებულ საყოფაცხოვრებო სუბსიდიის ოდენობებს შორის, ყველაზე დაბალი, თვეში 7 (შვიდი) ლარიანი საყოფაცხოვრებო სუბსიდია არათუ არ პასუხობს რეალურ საჭიროებებს, არამედ ეს ოდენობა არის სახელმწიფოს მხრიდან უკანონოდ შევიწროებული და რეპრესირებული ადამიანების კიდევ მეტად შეურაცხმყოფელი და დამცინავი.

 

მსხვერპლთა ხსოვნისა და თანადგომის საზოგადოება „მემორიალი“ და ინფორმაციის თავისუფლების განვითარების ინსტიტუტი (IDFI) ვითხოვთ, რომ საყოფაცხოვრებო სუბსიდია გაიზარდოს 44 (ორმოცდაოთხ) ლარამდე (რითაც ეს ოდენობა გაუთანაბრდება იმ საყოფაცხოვრებო სუბსიდიას, რომლითაც სარგებლობენ საქართველოში მეორე მსოფლიო ომის მონაწილეები, 9 აპრილის დარბევის შედეგად შეზღუდული შესაძლებლობების მქონე პირები და სხვა), რაც იქნება იმ მინიმალური კომუნალური გადასახადების საპირწონე მაინც, რისი გადახდაც შეიძლება მოუწიოს დღეს საქართველოში ადამიანს.

 

მსგავსი მოთხოვნით საქართველოს პრემიერ-მინისტრს ორგანიზაციებმა 2020 წელს სამჯერ: 2020 წლის 24 ივნისს27 ივლისს. და 11 დეკემბერს მიმართეს, თუმცა, უშედეგოდ.

 

IDFI-მ აგრეთვე გამოაქვეყნა კვლევები - პოლიტიკური რეპრესიების მსხვერპლთა სოციალური დახმარების სტატისტიკა და პოლიტიკური რეპრესიების მსხვერპლთა სამართლებრივი რეაბილიტაციის მექანიზმები საქართველოში და მათი შეფასება, რითაც შეისწავლა რეპრესირებულთა წინაშე მდგომი საჭიროებები, სამართლებრივი მექანიზმები, საერთაშორისო პრაქტიკა ამ მიმართულებით და შესაბამისი სტატისტიკა.

 

უნდა აღინიშნოს ერთი ძალიან სამწუხარო რეალობა: 2010 წლის მდგომარეობით, საქართველოში იყო 20,775 პოლიტიკური რეპრესიის მსხვერპლი, რომელთა რაოდენობა 2019 წლის დეკემბრის მდგომარეობით, ბუნებრივი კლების გამო, განახევრდა (მოსარგებლედ დარჩა 10,451 პირი).

 

2019 წლის დეკემბრიდან - 2020 წლის დეკემბრამდე კი, საყოფაცხოვრებო სუბსიდიით მოსარგებლე რეპრესირებულთა რაოდენობა 1 წელში კიდევ 700 ადამიანით შემცირდა და 2020 წლის დეკემბერს შეადგინა 9,751 ადამიანი.

 

ზემოაღნიშნული კლებიდან გამომდინარე დადგინდა, რომ 2021 წლის სექტემბრის თვიდან საყოფაცხოვრებო სუბსიდიის 44 ლარამდე გათანაბრების შემთხვევაში (რითაც სარგებლობენ მეორე მსოფლიო ომის მონაწილეები, 9 აპრილის დარბევის შედეგად შეზღუდული შესაძლებლობების მქონე პირები და სხვა), 2021 წლის მთლიანი ხარჯი განისაზღვრება დაახლოებით 2,13 მილიონი ლარით (ზრდა 1,35 მილიონი ლარი - იმ შემთხვევაში თუ გათვალისწინებული იქნება ზრდა სექტემბრის თვიდან), ხოლო 2022 წლის ხარჯი - 4,57 მილიონი ლარით (დაგეგმილთან შედარებით ზრდა 3,85 მილიონი ლარი).

 

/public/upload/IDFI/IDFI/2021-letters.pdf

სხვა მასალები ამ თემაზე
სიახლეები

მუნიციპალიტეტების საპრივატიზებო ქონების საფასურის განსაზღვრის პრაქტიკა და ტენდენციები

11.08.2022

IDFI-ს წარმომადგენელმა, კამპანიის - „რუსეთს უნდა ომი, და არა დასავლეთს“ - ფარგლებში, გორში მოხსენება წარადგინა

08.08.2022

ქალაქ გორში, კონკურსის “ომის მეხსიერება ქალაქში” გამარჯვებულების დაჯილდოება და მიურალის გახსნა შედგა

07.08.2022

IDFI-ის მიმდინარე პროექტის ფარგლებში “ ახალი იდენტობა ქალაქ გორისთვის”, ვებ-გვერდი შეიქმნა: www.gorimaps.ge

07.08.2022
განცხადებები

ვეხმიანებით ევროკომისიის ანგარიშს საქართველოს მიერ ასოცირების შეთანხმების იმპლემენტაციის თაობაზე

15.08.2022

ვეხმიანებით იოსებ გოგაშვილის საქმეს და ბრალდებულის მიმართ შესაძლო მუქარის ფაქტს

12.08.2022

ევროპელ მოსამართლეთა საკონსულტაციო საბჭო კოალიციის განცხადებას ეხმიანება

12.08.2022

"შინ ევროპისკენ" კლიპის განთავსების გამო კრიტიკული მედიის სანქცირების მოთხოვნა პოლიტიკური დევნის კიდევ ერთი ნიშანია

10.08.2022
ბლოგპოსტები

საჯარო ინფორმაციის ხელმისაწვდომობა და უფლება სამართლიან სასამართლოზე

11.07.2022

ქართული პრესისა და ბეჭდვითი მედიის ცენზურის ისტორია

03.05.2022

9 მაისის აღნიშვნა რუსეთში

02.05.2022

ციფრული უფლებები ღია მმართველობის პარტნიორობის ფარგლებში

15.04.2022