IDFI-მ ქედის, სენაკის, ონისა და საგარეჯოს მუნიციპალიტეტების წარმომადგენლებისთვის SDG-ების ლოკალიზების შესახებ ტრენინგები გამართა

სიახლეები | ტრენინგები | სტატია | ადგილობრივი მმართველობა 24 მაისი 2022

2022 წლის 17-20 მაისს, ინფორმაციის თავისუფლების განვითარების ინსტიტუტმა (IDFI) ქედის, სენაკის, ონისა და საგარეჯოს მუნიციპალიტეტების მერიისა და ადგილობრივი დაინტერესებული მხარეების წარმომადგენლებისთვის მდგრადი განვითარების მიზნების (SDGs) ლოკალიზების შესახებ ონლაინ ტრენინგები გამართა. ტრენინგებს ჯამში 40-მდე დაინტერესებული მხარე ესწრებოდა, მათ შორის მუნიციპალიტეტის მერიებში დასაქმებული საჯარო მოხელეები, არასამთავრობო ორგანიზაციების წარმომადგენლები, სკოლის პედაგოგები და ახალგაზრდული მრჩეველთა საბჭოს წევრები.

 

ტრენინგების მთავარ მიზანს მონაწილეთათვის გაერთიანებული ერების ორგანიზაციის მიერ გლობალურ პრობლემებთან გასამკლავებლად შემუშავებული მიზნების გაცნობა წარმოადგენდა. სხვადასხვა სესიის ფარგლებში ინსტიტუტმა დაინტერესებულ მხარეებს გააცნო ინფორმაცია გლობალურ პროცესში საქართველოს ჩართულობის შესახებ. მონაწილეები გაეცნენ, თუ რა იგეგმება მუნიციპალიტეტების დონეზე SDG-ების ლოკალიზების კუთხით, რა როლის შესრულება შეუძლიათ ადგილობრივ დაინტერესებულ მხარეებს აღნიშნულ პროცესში, რა სარგებელს მოუტანს მუნიციპალიტეტებს მდგრადი განვითარების მიზნების დღის წესრიგის შესრულებაში მონაწილეობა. ასევე, რა ეტაპების გავლა მოუწევთ მუნიციპალიტეტებს SDG-ების ლოკალიზების დროს, როგორ უნდა მოხდეს SDG-ების გლობალური და საქართველოს მიერ ნაციონალიზებული მიზნებისა და ინდიკატორების გათვალისწინება ადგილობრივი პოლიტიკისა და პროგრამული ბიუჯეტის შექმნის დროს, რა საშუალებები არსებობს ამ პროცესებში ადგილობრივი მოსახლეობის ჩართულობის უზრუნველსაყოფად და ა.შ. 

 

ტრენინგები წარიმართა საჯარო მოხელეებისა და სხვა დაინტერესებული მხარეებისთვის სპეციალურად შექმნილი, მდგრადი განვითარების მიზნების ლოკალიზების პრაქტიკული სახელმძღვანელოს მიხედვით. ტრენინგების მონაწილეები ასევე გაეცნენ IDFI-ის მიერ მომზადებული ანგარიშის - SDG-ების ლოკალიზების საბაზისო კვლევა: ლოკალიზების პერსპექტივები საქართველოში - მთავარ მიგნებებსა და რეკომენდაციებს.

 

ტრენინგები გაიმართა გერმანიის საერთაშორისო თანამშრომლობის საზოგადოების (GIZ) ფინანსური მხარდაჭერით, პროგრამის - „კარგი მმართველობა ადგილობრივი განვითარებისთვის სამხრეთ კავკასიაში“ (GGLD) - ფარგლებში.

 

ტრენინგებს უძღვებოდნენ IDFI-ის ადგილობრივი მმართველობის / ინტერნეტი და ინოვაციების მიმართულებების ხელმძღვანელი, თეონა ტურაშვილი და ანალიტიკოსები, გვანცა ნიკურაძე და დავით ერისთავი.

 

სხვა ტრენინგები ამ თემაზე
სიახლეები

9 ნაბიჯი ევროკავშირისკენ (შესრულების მდგომარეობა)

11.04.2024

“აპრილის გამოძახილი” - IDFI-მ 9 აპრილისადმი მიძღვნილი ღონისძიება გამართა

10.04.2024

V-Dem-ის შედეგები: 2023 წელს საქართველოში დემოკრატიის ხარისხი გაუარესდა

08.04.2024

საქართველოში საჯარო მმართველობის რეფორმის მიმოხილვა

02.04.2024
განცხადებები

საჯარო სამსახურში დასაქმებულებზე პარტიული ინტერესით ზეწოლა უნდა დასრულდეს

14.04.2024

400-ზე მეტი ორგანიზაცია: კი - ევროპას, არა - რუსულ კანონს!

08.04.2024

მოვუწოდებთ „ქართული ოცნების“ ლიდერებს, ქართველ ხალხს აუხსნან, ავალებდნენ თუ არა მათ უცხო სახელმწიფოს ინტერესის სასარგებლოდ მოქმედებას

07.04.2024

კოალიცია ანტიკორუფციული ბიუროსთვის მოსამართლეთა ქონების შემოწმების შეჩერებას ეხმიანება

06.04.2024
ბლოგპოსტები

მაღალი დონის კორუფციის გადაუჭრელი პრობლემა საქართველოში

15.02.2024

Sockpuppet-ები და ვიკიპედია - ბრძოლის უცნობი ფრონტი

14.02.2024

რუსეთის მოქალაქეების შემოდინება საქართველოში და საზოგადოებრივი უსაფრთხოების გამოწვევები

05.10.2023

ენერგეტიკული სიღარიბე და დანაშაული საქართველოში

05.10.2023