IDFI-იმ ზუგდიდის მერიის თანამშრომლებს გამჭვირვალობისა და კეთილსინდისიერების ტრენინგი ჩაუტარა

სიახლეები | ტრენინგები | კორუფციასთან ბრძოლა | სტატია | ადგილობრივი მმართველობა 3 დეკემბერი 2020

2-3 დეკემბერს, IDFI-იმ ზუგდიდის მერიისა და მერიის დაქვემდებარებაში მყოფი იურიდიული პირების თანამშრომლებისთვის გამჭვირვალობის, ანგარიშვალდებულებისა და კეთილსინდისიერების საკითხებზე ონლაინ ტრენინგი ჩაატარა.


ტრენინგი მიზნად ისახავდა საჯარო მოხელეთა ცნობიერების ამაღლებას, აგრეთვე, ანტიკორუფციული მექანიზმების მიმართულებით მათი შესაძლებლობების გაძლიერებას. აღსანიშნავია, რომ ტრენინგს წინ უსწრებდა მერიაში არსებული სიტუაციის ყოვლისმომცველი ანალიზის მომზადება, შემდგომ კი ზუგდიდის მერიის გამჭვირვალობისა და კეთილსინდისიერების ამაღლების სტრატეგიისა და სამოქმედო გეგმის შემუშავება.


ტრენინგის მონაწილეებმა როგორც პრაქტიკული, აგრეთვე თეორიული ცოდნა მიიღეს შემდეგ საკითხებზე:


- ეთიკა და დისციპლინური წარმოება;
- ქონებრივი დეკლარაციების შევსება;
-  სახელმწიფო შესყიდვები;
- მამხილებელთა ინსტიტუტი;
-  საჯარო ინფორმაციის გაცემის წესები;
- ღია მონაცემების შეგროვების, წარმოებისა და გამოქვეყნების პრაქტიკა;
- შიდა ფინანსური კონტროლი;
- მერიის მმართველობაში მყოფი იურიდიული პირები;
- გადაწყვეტილების მიღების პროცესში მოქალაქეთა მონაწილეობის მექანიზმები;
- პოლიტიკის ანალიზის პრაქტიკა;
- კორუფციული რისკების შეფასების სისტემა;
- ფუნქციური ანალიზის განხორციელება.


ტრენინგის დროს დისკუსია გაიმართა შემდეგი საკითხების ირგვლივ - რა გზები არსებობს იმისთვის, რომ მუნიციპალიტეტმა ხელი შეუწყოს მოქალაქეთა ჩართულობის მექანიზმების შესახებ ცნობიერების ამაღლებას, რა ზომებს უნდა მიმართონ ინტერესთა შეუთავსებლობის არსებულ თუ შესაძლო ფაქტებზე. გარდა ამისა, ტრენინგის მონაწილეებმა საჯარო სამსახურში ეთიკისა და ქცევის ზოგადი წესების შესახებ კონკრეტული შემთხვევებიც განიხილეს.

 

ტრენინგი წარიმართა საჯარო მოხელეებისთვის შექმნილი სპეციალური, გამჭვირვალობისა და კეთილსინდისიერების სახელმძღვანელოს მიხედვით.


ტრენინგი ჩატარდა ამერიკის შეერთებული შტატების საერთაშორისო განვითარების სააგენტოს (USAID) პროექტის, ,,დემოკრატიული მმართველობის ინიციატივა (GGI) საქართველოში” (USAID GGI), ფინანსური მხარდაჭერით.


ტრენინგს უძღვებოდნენ IDFI-ის მედია, ინტერნეტ და ინოვაციების მიმართულების ხელმძღვანელი, თეონა ტურაშვილი და პროექტის ასისტენტი, გვანცა ნიკურაძე.

სხვა ტრენინგები ამ თემაზე
სიახლეები

კეთილსინდისიერება საჯარო სამსახურში

23.06.2022

შიდა ქართლის რეგიონში, ოკუპირებული ტერიტორიების ახლოს მცხოვრები მეწარმეების ხელშეწყობა ბრენდინგის გზით

23.06.2022

პანელური განხილვები: საჯარო ინფორმაციის ხელმისაწვდომობის საკანონმდებლო ჩარჩოსა და პრაქტიკის გაუმჯობესება საქართველოში

16.06.2022

რეგიონული ღონისძიება: უკრაინაში რუსეთის შეჭრის გავლენა აღმოსავლეთ პარტნიორობის ქვეყნებში მოქმედ არასამთავრობო ორგანიზაციებზე

11.06.2022
განცხადებები

მიმართვა საქართველოს პრეზიდენტს სალომე ზურაბიშვილს

16.06.2022

სამოქალაქო ორგანიზაციების განცხადება 5-6 ივლისის მოვლენებში სუს-ის შესაძლო ჩართულობაზე

14.06.2022

ევროინტეგრაციის პროცესთან დაკავშირებით ქართული ოცნების ხელისუფლების დამოკიდებულება არაკონსტიტუციურია

13.06.2022

მოვუწოდებთ ხელისუფლებას გადადგას კონკრეტული ნაბიჯები კანდიდატის სტატუსის მოსაპოვებლად

10.06.2022
ბლოგპოსტები

ქართული პრესისა და ბეჭდვითი მედიის ცენზურის ისტორია

03.05.2022

9 მაისის აღნიშვნა რუსეთში

02.05.2022

ციფრული უფლებები ღია მმართველობის პარტნიორობის ფარგლებში

15.04.2022

რუსული დეზინფორმაციის ტენდენციები საქართველოში უკრაინის ომის პარალელურად

04.04.2022