IDFI მონაცემების გლობალური ბარომეტრის (GDB) ცენტრალური აზიისა და აღმოსავლეთ ევროპის რეგიონალური ჰაბი გახდა. GDB წარმოადგენს მონაცემების გლობალური ინდექსის კვლევას, რომელიც ეხება  საზოგადოებრივი კეთილდღეობისთვის მონაცემების მნიშვნელობას და ეფუძნება ღია მონაცემების ბარომეტრს.

რეგიონალური ჰაბები  ერთმანეთთან აკავშირებს GDB-სა და დაინტერესებულ მხარეებს მთელი მსოფლიოდან, რომელთათვის პრიორიტეტულია ისეთი საკითხები, როგორებიცაა მონაცემების როლი საზოგადოებრივი კეთილდღეობისა და განვითარებისთვის, ღია მონაცემები, კარგი მმართველობა, ღია მმართველობა, გამჭვირვალობა და ანგარიშვალდებულება.

გრძელვადიან პერსპექტივაში, GDB მიზნად ისახავს რეგიონალურ ჰაბებს შრის ძლიერი ქსელის შექმნას. ასევე GDB-ის მიზანია დაეხმაროს წევრ ორგანიზაციებს გახდნენ „ცოდნის ცენტრები“ საზოგადოებრივი კეთილდღეობისთვის მონაცემების შეგროვების, გაზომვისა და გამოყენების საკითხებზე.

GDB წარმოადგენს დაინტერესებულ მხარეთა ინიციატივას, რომელიც მონაცემთა ხელმისაწვდომობის ხარვეზების იდენტიფიცირებისთვის, მონაცემთა ხარვეზების გამოსასწორებლად, ინფორმაციის შესაგროვებლად და დებატების მხარდასაჭერად, აქტიურად თანამშრომლობს რეგიონალურ ჰაბებთან, თემატურ პარტნიორებთან, მთავრობებთან, კერძო სექტორთან და სამოქალაქო საზოგადოების ორგანიზაციებთან, აკადემიურ წრეებთან და მედიასთან.

ინიციატივის ფარგლებში, საერთო მეთოდოლოგიის მიხედვით, მომზადდება საბაზისო კვლევა. მისი მეშვეობით შესაძლებელი გახდება ქვეყნების შედარება ადგილობრივი კანონმდებლობის და პრაქტიკის, მონაცემების ხელმისაწვდომობის, მონაცემების შესაძლებლობების და გამოყენების ინდიკატორებით. დამატებით, მისი მეშვეობით შეიქმნება ყოვლისმომცველი პირველადი მონაცემები, რომლებიც წაახალისებს მონაცემებზე დაფუძნებულ სექტორულ და ცალკეულ საკითხებთან დაკავშირებულ ინიციატივებს. 2020-2021 წლებში მონაცემების გლობალური ბარომეტრის პირველ გამოცემაში 120-ზე მეტი ქვეყანა მოხვდება.

მნიშვნელოვანია აღინიშნოს, რომ ინიციატივის მთავარი მიზანია სხვადასხვა საკითხებზე მონაცემების ხელმისაწვდომობის უზრუნველყოფა, ღია მონაცემების ბარომეტრის მიღწევებისა და მეთოდოლოგიის გამოყენება, რაც ხელს შეუწყობს პოლიტიკის შემუშავებას, ღია დიალოგსა და შემდგომ ემპირიულ კვლევებს. განსაკუთრებული ყურადღება დაეთმობა დაბალი და საშუალო შემოსავლის მქონე ქვეყნების მონაცემთა ეკოსისტემისა და მონაცემთა განვითარების ანალიზს.

IDFI მოხარულია და აქვს პატივი იყოს ამ მნიშვნელოვანი გლობალური ინიციატივის ნაწილი. ვიმედოვნებთ, რომ ეს თანამშრომლობა საფუძველს ჩაუყრის ღია მონაცემთა მნიშვნელოვან ინიციატივებს, ღია მონაცემების სტანდარტებისა და პრაქტიკის გაუმჯობესებას ჩვენს რეგიონსა და მის ფარგლებს გარეთ!

მონაცემების გლობალური ბარომეტრის (GDB) შესახებ დამატებითი ინფორმაციისთვის ეწვიეთ ვებგვერდს: www.globaldatabarometer.org