2022 წლის 7 აპრილს, IDFI-მ, ბიზნესისა და ტექნოლოგიების უნივერსიტეტთან (BTU) თანამშრომლობით, ჩაატარა ონლაინ ტრენინგი - ხელოვნური ინტელექტი: შესაძლებლობები და სტანდარტები.

ტრენინგი დისტანციურ ფორმატში გაიმართა. შეხვედრა ხელოვნური ინტელექტის ტექნოლოგიურ და სამართლებრივ ჭრილში საერთაშორისო სტანდარტების გაცნობასა და  მისი გამოყენების შესაძლებლობებს შეეხო.

ტრენინგი გახსნა Sweeft Digital-ის უფროსმა მონაცემთა ინჟინერმა, გუჯა ლომსაძემ და ისაუბრა ხელოვნური ინტელექტის გავრცელებულ განმარტებებსა და სახეებზე. შეხვედრა განაგრძო IDFI-ის ინტერნეტი და ინოვაციების მიმართულების ხელმძღვანელმა, თეონა ტურაშვილმა და მიმოიხილა ხელოვნური ინტელექტის (AI) გამოყენებაში გამჭვირვალობისა და ეთიკური სტანდარტების დანერგვისა და ხელშეწყობის საკითხები. დასკვნითი მოხსენება გააკეთა IDFI-ის ანალიტიკოსმა, დავით ერისთავმა და წარადგინა 2021 წელს ინსტიტუტის მიერ ჩატარებული კვლევა, რომელიც ეხებოდა საქართველოს საჯარო სექტორში AI სისტემების გამოყენებას და საკანონმდებლო ჩარჩოს მიმოხილვას.

შეხვედრას დაესწრო 50-მდე მონაწილე, მათ შორის BTU-ს სტუდენტები, საჯარო მოხელეები, სფეროს სპეციალისტები და სხვა დაინტერესებული პირები.