2011 წლის 7 ნოემბერს ინფორმაციის თავისუფლების ინსტიტუტსა და სსიპ- „საქართველოს შინაგან საქმეთა სამინისტროს არქივს“ შორის ურთიერთთანამშრომლობის მემორანდუმი გაფორმდა.

თანამშრომლობის მიზანია საარქივო საქმის განვითარების, არქივების გახსნილობის, არქივების მოდერნიზება-დიგიტალიზაცია და საქართველოში დაცული საარქივო მასალების  საერთაშორისო დონეზე პოპულარიზაციის ხელშეწყობა და ერთობლივი საქმიანობა.

დასახული მიზნების წარმატებით განხორციელების მიზნით მემორანდუმის ფარგლებში დაგეგმილია სხვადასხვა სამეცნიერო, კვლევითი და საგანმანათლებლო პროექტების განხორციელება, ერთობლივი პუბლიკაციების, კვლევების, წიგნების გამოცემა, კონფერენციებისა და სამუშაო შეხვედრების ჩატარება.

ამ მიმართულებით IDFI-იმ საქართველოს შინაგან საქმეთა სამინისტროს საარქივო  სამმართველოსთან უკვე დიდი ხანია თანამშრომლობს.განხორციელდა პროექტი „გამჭვირვალე არქივები“, მოეწყო საარქივო დოკუმენტების კოლექციის კრებულის პრეზენტაცია, ჩატარდა კონფერენცია, რომელზეც დამსწრე საზოგადოება გაეცნო  საარქივო მასალებს 1956  წლის 5-9 მარტს საქართველოში განვითარებული მოვლენების შესახებ.

ამ ეტაპზე, ერთობლივად მიმდინარეობს მუშობა პროექტზე „სტალინის სიები საქართველოზე“, რომლის ფარგლებში დაგეგმილია 1937-1938 წლების რეპრესიების მსხვერპლთა შესახებ წიგნის გამოცემა.

მემორანდუმს ხელი მოაწერეს: სსიპ „საქართველოს შინაგან საქმეთა სამინისტროს არქივის“ დირექტორმა, ომარ თუშურაშვილმა და „ინფორმაციის თავისუფლების განვითარების“ ინსტიტუტის დირექტორმა, გიორგი კლდიაშვილმა.

/public/upload/IDFI/archive.pdf