2015 წლის 1 სექტემბრიდან ინფორმაციის თავისუფლების განვითარების ინსტიტუტმა (IDFI) შეერთებული შტატების საერთაშორისო განვითარების სააგენტოს USAID-ის პროექტის „დემოკრატიული მმართველობის ინიციატივა (GGI) საქართველოში” ფინანსური მხარდაჭერით დაიწყო პროექტის “ღია მონაცემები: ცვლილებებისა და ინოვაციების წყარო“ განხორციელება. პროექტის ფარგლებში IDFI-იმ ერთის მხრივ იმისთვის, რომ გაეზარდა მომხმარებელთა ცნობიერება ღია მონაცემთა გამოყენებისა და შესაძლებლობების კუთხით და მეორე მხრივ იმისთვის, რომ წარმოეჩინა პორტალზე სრულყოფილად განთავსებული მონაცემების მნიშვნელობა შექმნა 2 ვებ-აპლიკაცია. კერძოდ, საქართველოს ეროვნული ბანკის მიერ data.gov.ge საიტზე გამოქვეყნებული ღია მონაცემის - ვალუტის გადამცვლელი პუნქტების ჩამონათვალის საფუძველზე შევქმენით შესაბამისი ვებ აპლიკაცია, სადაც განთავსებულია მონაცემები საქართველოს მასშტაბით არსებული სავალუტო ჯიხურების შესახებ. ასევე ჩვენს მიერ შეიქმნა ვებ-აპლიკაცია საქართველოს ნოტარიუსთა პალატის მიერ data.gov.ge საიტზე გამოქვეყნებული ღია მონაცემის, საქართველოს ტერიტორიაზე მოქმედ ნოტარიუსთა რეესტრის საფუძველზე.

საქართველოში არსებული სავალუტო გადამცვლელი პუნქტების რუკა

 საქართველოს ტერიტორიაზე მოქმედ ნოტარიუსთა რუკა