IDFI-მ განმეორებით მიმართა პრეზიდენტის ადმინისტრაციას წერილით საჯარო ინფორმაციის გამოთხოვნის შესახებ. გამოთხოვნილ იქნა საჯარო ინფორმაცია რომლის მოთხოვნზეც „ინფორმაციის თავისუფლების განვითარების ინსტიტუტმა“ პასუხი ვერ მიიღო კერძოდ:
1.საქართველოს პრეზიდენტის და პრეზიდენტის ადმინისტრაციის უფროსის, მისი მოადგილეების, პრეზიდენტის მრჩევლების, სამსახურის უფროსების და სამმართველოს უფროსების, პრეზიდენტის პრესსამსახურის და სამდივნოს, პრეზიდენტის თანაშემწეების თანამდებობრივ სარგოებზე(ცალ-ცალკე), სახელფასო დანამატებზე და პრემიებზე, ქვეყნის შიგნით და გარეთ მივლინებებზე ბიუჯეტიდან დახარჯული თანხების ოდენობა 2009/ 2010 წწ განმავლობაში თვეების მიხედვით(ცალ-ცალკე).
2.პრეზიდენტის ადმინისტრაციის თანამშრომელთა სია თანამდებობების მიხედვით და თითოეულის თანამდებობრივ სარგოებზე(ცალ-ცალკე) ბიუჯეტიდან დახარჯული თანხების ოდენობა 2009/ 2010 წწ განმავლობაში.
3.ინფორმაცია ავტოპარკის შესახებ :
საქართველოს პრეზიდენტის ადმინისტრაციის ბალანსზე რიცხული ავტომანქანების პერსონალურად გადანაწილება საქართველოს პრეზიდენტზე და ადმინისტრაციის თანამდებობის პირებზე (ადმინისტრაციის უფროსი და მისი მოადგილეები, პრეზიდენტის მრჩევლები, სამსახურის უფროსები და სამმართველოს უფროსები, პრეზიდენტის პრესსამსახური და სამდივნო, პრეზიდენტის თანაშემწეები) მათ შორის ავტომანქანის მოდელი და საწვავის ხარჯის ყოველთვიური ზღვრული ლიმიტი (მათ შორის საწვავის ტიპი) 2009/2010 წწ განმავლობაში. თითოეული თანამდებობის პირის სამსახურის ავტომანქანებით მომსახურებაზე (შეკეთება,ცვეთა) ბიუჯეტიდან დახარჯული თანხის ოდენობა 2009/2010 წწ განმავლობაში.
4.ინფორმაცია სატელეკომუნიკაციო ხარჯების შესახებ:
ზემოაღნიშნული პირების (ცალ-ცალკე) სატელეფონო საუბრებზე (მათ შორის მობილურ ტელეფონებზე) ბიუჯეტიდან დახარჯული თანხის ოდენობა 2009/2010 წწ განმავლობაში. აგრეთვე, მობილური ტელეფონებისა და ავტომანქანების შესყიდვაზე ბიუჯეტიდან დახარჯული თანხების ოდენობა 2009/2010 წწ განმავლობაში
5.2010 წლის ოქტომბრის მდგომარეობით პრეზიდენტის ადმინისტრაციის ბალანსზე არსებული უძრავი ქონების ჩამონათვალი და თითოეულის ღირებულება.
6.2010 წლის 1 იანვრიდან დღემდე პრეზიდენტის ადმინისტრაციის კომპეტენციის სფეროში განხორციელებული პროექტებისა და პროგრამების ჩამონათვალი.
7.2010 წლის 1 იანვრიდან დღემდე პრეზიდენტის ადმინისტრაციის მიერ გამოცხადებული ტენდერებისა და განხორციელებული შესყიდვების სრული ჩამონათვალი.
8.2010 წლის პირველი იანვრიდან დღემდე პრეზიდენტის ადმინისტრაციის მიერ ჩატარებული კულტურული და სარეკლამო ღონისძიებების სრული სია.
9.პრეზიდენტის ადმინისტრაციის 2009-2010 წწ. ბიუჯეტი თვიური ან/და კვარტლური ხარჯთაღრიცხვით, მ.შ., 2009-2010 წწ. ბიუჯეტში შეტანილი ცვლილებები (ასეთის არსებობის შემთხვევაში). გთხოვთ ბიუჯეტის შესახებ ინფორმაცია მოგვაწოდოთ კვარტლების ან/და თვეების მიხედვით (თანახმად „საქართველოს საბიუჯეტო კოდექსის“ 47.1 მუხლისა).
10.პრეზიდენტის ადმინისტრაციის 2009 წლის მთლიანად და 2010წლის 1 იანვირდან დღემდე სარეზერვო ფონდების ხარჯთაღრიცხვა (მათ შორის,სარეზერვო ფონდიდან დაფინანსებული სახელმწიფო პროექტებისა და პროგრამების ჩამონათვალი).
წერილის გაგზავნის თარიღი: 23/12/2010
პასუხის მიღების თარიღი: 06/01/2011
სიახლეების გამოწერა
