IDFI-მ საჯარო და კერძო სექტორებს შორის დიალოგის შესახებ ტრენინგი ჩაატარა

სიახლეები | ტრენინგები 28 იანვარი 2016

ოთხშაბათს, 27 იანვარს, IDFI-მ “საჯარო და კერძო სექტორებს შორის დიალოგის ხარისხის კონტროლი საქართველოში” პროექტის ფარგლებში ტრენინგი ჩაატარა. ტრენინგზე მოწვეულნი იყვნენ არასამთავრობო სექტორის წარმომადგენლები, რომლებიც ეკონომიკურ საკითხებზე მუშაობენ.


პროექტი ხორციელდება ამერიკის შეერთებული შტატების საერთაშორისო განვითარების სააგენტოს (USAID) პროგრამა „მმართველობა განვითარებისთვის საქართველოში“ (G4G) ფინანსური მხარდაჭერით. პროექტის მიზანია შეიქმნას პლატფორმა საჯარო-კერძო დიალოგისთვის, რომელიც შეაფასებს საქართველოს მთავრობის მიერ დაგეგმილი და განხორციელებული საკანონმდებლო და მარეგულირებელი რეფორმების პროცესში კერძო სექტორის ჩართულობის ხარისხს. G4G გააძლიერებს როგორც საჯარო, ისე კერძო სექტორის შესაძლებლობებს, რომ მხარეებმა ეფექტურად ითანამშრომლონ რეფორმებზე ჩართულობისა და კონსულტაციების პროცესის საშუალებით.


IDFI-ის ანალიტიკოსმა თამარ იაკობიძემ ტრენინგის მონაწილეებს გააცნო პროექტის მიზნები, სამოქალაქო ჩართულობის მექანიზმები, კერძო და საჯარო სექტორებს შორის დიალოგის არსი და მნიშვნელობა. თამარმა აღნიშნა, რომ აუცილებელია ამ პროცესში ხელისუფლების ჩართულობის გაზრდა და ადვოკატირების გაძლიერება.


IDFI-ს დირექტორმა, გიორგი კლდიაშვილმა, ტრენინგის მიმდინარეობისას აღნიშნა, რომ არასამთავრობო სექტორის აქტიურობა საკანონმდებლო საკითხების, კანონპროექტების განხილვის დროს ხელს უწყობს სამოქალაქო სექტორის გაერთიანებასა და პრიორიტეტული საკითხების წარმოჩენას მთავრობისათვის. ტრენინგზე არასამთავრობო ორგანიზაციის წარმომადგენლებმა გაუზიარეს ერთმანეთს გამოცდილება, იმსჯელეს პრობლემების გადაჭრის გზებზე და სამომავლო თანამშრომლობაზე.

 

ტრენინგის მონაწილეებს ,,კერძო და საჯარო სექტორებს შორის დიალოგის (PPD)’’-ს ზუსტი მნიშვნელობა გააცნო ინსტიტუტის მიერ ტრენინგზე მოწვეულმა მკვლევარმა, ბატონმა ირაკლი ხმალაძემ. მას აქვს ექსპერტად მუშაობის დიდი გამოცდილება საჯარო ფინანსების მართვისა და ინსტიტუციონალურ განვითარებაში, უწევს კონსულტაციას ცენტრალურ და ადგილობრივ ხელისუფლებას. მან მონაწილეებს გააცნო საუკეთესო საერთაშორისო პრაქტიკა, მთავარი პრინციპები და ამ სფეროში საქართველოს გამოცდილება.


ტრენინგის დასკვნით სესიაზე განხილულ იქნა სამოქალაქო ჩართულობის ეტაპები და მექანიზმები, არსებული გამოწვევები და გადაჭრის გზები. მონაწილეებმა ტრენინგის მიმდინარეობისას მიღებული ინფორმაციის გამოყენება სიმულაციურ სავარჯიშოში შეძლეს, რომელმაც უფრო მწვავედ წარმოაჩინა ამ საკითხის პრობლემურობა და ინფორმაციის გავრცელების აუცილებლობა.


პროექტის ფარგლებში იგეგმება სხვა აქტივობები, რომლებიც ხელს შეუწყობს კერძო და საჯარო სექტორს შორის დიალოგის კულტურის ჩამოყალიბებასა და მის აუცილებლობის მნიშვნელობას.

სხვა ტრენინგები ამ თემაზე
სიახლეები

საქართველოს პირველი რესპუბლიკის დღეები საფრანგეთში

30.01.2023

საფრანგეთში აკაკი ჩხენკელის მემორიალური ალბომის პრეზენტაცია გაიმართა

26.01.2023

აკაკი ჩხენკელის მემორიალური ალბომის პრეზენტაცია

23.01.2023

მოსამართლეები და სასამართლო სისტემაში დასაქმებული მათი ოჯახის წევრები

23.01.2023
განცხადებები

მედიის ადვოკატირების კოალიცია მედიის წინააღმდეგ წარმოებულ დისკრედიტაციის კამპანიას ეხმიანება

31.01.2023

კოალიცია პარლამენტის მიერ იუსტიციის უმაღლესი საბჭოს წევრების შერჩევის პროცესს აფასებს

27.01.2023

სახალხო დამცველის აურჩევლობა აზიანებს ქვეყნის ევროინტეგრაციის პროცესს

23.12.2022

IDFI მიხეილ სააკაშვილის საქმესთან დაკავშირებით განვითარებულ მოვლენებს აფასებს

19.12.2022
ბლოგპოსტები

ანტიდასავლური პროპაგანდის საბჭოთა საწყისები

20.12.2022

რუსული დეზინფორმაციის ტაქტიკა 2008 წლის ხუთდღიანი ომის კონტექსტში

03.11.2022

ქაოტური მშენებლობები ბათუმში ახალ მასშტაბებს იძენს

18.10.2022

საჯარო ინფორმაციის ხელმისაწვდომობა და უფლება სამართლიან სასამართლოზე

11.07.2022