IDFI-მ მოსწავლეებისთვის გამჭვირვალე არქვივებისა და სტალინური სიების შესახებ ლექცია ჩაატარა

სიახლეები | ცნობიერების ამაღლება 21 ოქტომბერი 2015

20 ოქტომბერს ინფორმაციის თავისუფლების განვითარების ინსტიტუტის (IDFI) დირექტორმა, გიორგი კლდიაშვილმა და ანალიტიკოსმა, თამარ იაკობიძემ ხაშურის მე-8 საჯარო სკოლის და გაცვლითი პროგრამით, საქართველოში მყოფი პოლონელი მოსწავლეებისთვის ლექცია ჩაატარეს.

 

ლექციის მიზანს ორგანიზაციის საქმიანობის და მისი კონკრეტული მიმართულებების მოსწავლეებისთვის უკეთ გაცნობა წარმოადგენდა. თამარ იაკობიძემ ისაუბრა ინფორმაციის თავისუფლების მნიშვნელობასა და ამ მიმართულებით ორგანიზაციის გამოცდილებაზე. მან ხაზი გაუსვა საჯარო ინფორმაციის ხელმისაწვდომობის გავლენას იმ პროცესებზე, რომლებიც ხელს უწყობს სახელმწიფო უწყებების ღიაობას. თამარმა მოსწავლეებს დაწვრილებითი ინფორმაცია მიაწოდა “ღია მონაცემთა პორტალი - Opedata.ge“-ს შესახებ.

 

გიორგი კლდიაშვილი მოსწავლეებს ორგანიზაციის ერთ-ერთი პროექტის, „გამჭვირვალე არქივების“ შესახებ ესაუბრა, რომელიც სახელმწიფო არქივების გამჭვირვალობასა და დოკუმენტური მასალების ხელმისაწვდომობას უზრუნველყოფს, იკვლევს საარქივო დოკუმენტებს და აგროვებს დოკუმენტურ მასალებს, აქვეყნებს კვლევებს და აწყობს გამოფენებს.

 

კლდიაშვილმა მოსწავლეებს საქართველოში განვითარებული ტრაგიკული მოვლენების ამსახველი უნიკალური დოკუმენტური და ფოტომასალა გააცნო, რომელიც IDFI-იმ საქართველოს შინაგან საქმეთა სამინისტროს, მისი ანალიტიკური დეპარტამენტის, საზოგადოება „საქართველოს მემორიალის“ არქივებში და ასევე რეპრესირებულთა ოჯახებში მოიძია, დაწვრილებით ესაუბრა რეპრესირებულ ადამიანებსა მათ ისტორიებზე, რომლებიც უშუალოდ იოსებ სტალინისა და პოლიტბიუროს სხვა წევრების ბრძანებით იქნენ გასამართლებულნი. 

 

მოსწავლეებს საშუალება მიეცათ გასცნობოდნენ რეპრესიების მსხვერპლთა შესახებ მასალებს და წარმოდგენა შექმნოდათ 1937-38 წლებში განვითარებული ტრაგიკული მოვლენების შესახებ. 

სხვა მასალები ამ თემაზე
სიახლეები

სსიპ-ების და სხვა დამოუკიდებელი საჯარო დაწესებულებების ავტოპარკი და საწვავის ხარჯები

01.07.2020

ღია მმართველობის მუდმივმოქმედმა საპარლამენტო საბჭომ პირველი ონლაინ სხდომა ჩაატარა

30.06.2020

ონლაინ დისკუსია - სახელმწიფო არქივების ღიაობის შეფასება ყოფილ საბჭოთა და აღმოსავლეთის ბლოკის ქვეყნებში

29.06.2020

კოალიცია მედია ადვოკატირებისთვის განცხადებას ავრცელებს

26.06.2020
განცხადებები

კოალიცია მედია ადვოკატირებისთვის განცხადებას ავრცელებს

26.06.2020

მოვუწოდებთ კახა კალაძეს იფიქროს ჟურნალისტების უსაფრთხოებაზე

24.06.2020

ინფორმაციული უსაფრთხოების შესახებ კანონპროექტი მეორე მოსმენის რეჟიმს დაუბრუნდა

23.06.2020

კოალიცია პარლამენტს მოუწოდებს, კლანური მმართველობის შესახებ დადგენილების პროექტს მხარი დაუჭიროს

23.06.2020
ბლოგპოსტები

კოვიდ-19-ის დროს რუსეთის ფედერაციის კანონმდებლობაში შეტანილი ცვლილებები

15.06.2020

Covid 19-ის გავლენა საარჩევნო პროცესებზე მსოფლიოში

11.06.2020

ივანე ჯავახიშვილი და საქართველოს დამოუკიდებლობა

26.05.2020

მეორე მსოფლიო ომში გამარჯვების დღის მითვისება რუსული პროპაგანდის მიერ

08.05.2020