IDFI-მ და საქართველოს რეგიონული განვითარების და ინფრასტრუქტურის სამინისტრომ პირველი სამუშაო შეხვედრა გამართეს

სიახლეები 28 მარტი 2016

25 მარტს, საქართველოს რეგიონული განვითარების და ინფრასტრუქტურის სამინისტრომ და ინფორმაციის თავისუფლების განვითარების ინსტიტუტმა (IDFI) პროექტ „საქართველოს რეგიონული განვითარებისა და ინფრასტრუქტურის სამინისტროში გამჭვირვალობის და კეთილსინდისიერების სტანდარტების განვითარება“-ს ფარგლებში სამუშაო ჯგუფის პირველი შეხვედრა გამართეს. პროექტი ხორციელდება შეერთებული შტატების საერთაშორისო განვითარების სააგენტოს (USAID) დაფინანსებით მიმდინარე „დემოკრატიული მმართველობის ინიციატივა“ (Good Governance Initiative in Georgia) პროგრამის ფარგლებში. პროექტი მიზნად ისახავს სამინისტროში კარგი მმართველობის პრინციპების გაუმჯობესებას და ანგარიშვალდებულების, საჯარო ეთიკის და კორუფციის პრევენციისთვის სტრატეგიული მიმართულებების შემუშავებას.


სამუშაო ჯგუფის შეხვედრას ესწრებოდნენ საქართველოს რეგიონული განვითარებისა და ინფრასტრუქტურის მინისტრის მოადგილე ეკატერინე სეფაშვილი, IDFI-ს დირექტორი გიორგი კლდიაშვილი და „დემოკრატიული მმართველობის ინიციატივა" პროგრამის ხელმძღვანელი დევიდ სმიტი. შეხვედრას ასევე ესწრებოდნენ რეგიონული განვითარებისა და ინფრასტრუქტურის სამინისტროს დეპარტამენტის ხელმძღვანელები, სამინისტროს დაქვემდებარებული უწყებების ხელმძღვანელები და პროექტის სხვადასხვა მონაწილეები.

 

შეხვედრისას, პროექტის კოორდინატორმა საბა ბუაძემ სამინისტროს დეპარტამენტისა და სამინისტროს დაქვემდებარებული უწყებების ხელმძღვანელებს წარუდგინა პროექტით გათვალისწინებული მიზნები, აქტივობები და მათი განხორციელების გეგმა. აღნიშნული პროექტის ფარგლებში შექმნილი სამუშაო ჯგუფი შეიმუშავებს პოლიტიკის იმ დოკუმენტებს, რომელიც დაკავშირებულია სამინისტროში გამჭვირვალობის, ანგარიშვალდებულების და კეთილსინდისიერების ამაღლებასა და კორუფციის პრევენციასთან. პროექტის პრეზენტაციის შემდგომ, შეხვედრა-დისკუსია წარიმართა კითხვა-პასუხის რეჟიმში და ჯგუფის წევრებს ჰქონდათ შესაძლებლობა მოესმინათ პასუხი მათთვის საინტერესო შეკითხვებზე. 

 

აღსანიშნავია, რომ საქართველოს რეგიონული განვითარებისა და ინფრასტრუქტურის სამინისტრო აღნიშნული ვალდებულებით ასევე შეუერთდება საქართველოს მთავრობის ღია მმართველობის 2016-2017 წლების სამოქმედო გეგმას, რომელიც ამ საერთაშორისო ინიციატივაში სამინისტროს პირველი ვალდებულება იქნება.

 

სხვა მასალები ამ თემაზე
სიახლეები

სემინარი საჯარო მოსამსახურეებისთვის თემაზე - საჯარო მმართველობა და პოლიტიკის შემუშავების საუკეთესო პრაქტიკა

06.12.2021

IDFI გიწვევთ კარგი მმართველობის ფორუმზე 2021

04.12.2021

IDFI-ის აღმასრულებელმა დირექტორმა ღია პარლამენტის ფორუმზე დეზინფორმაციასთან ბრძოლაში პარლამენტის როლზე ისაუბრა

03.12.2021

ვებგვერდის პრეზენტაცია - www.historyproject.ge

01.12.2021
განცხადებები

არასამთავრობო ორგანიზაციების განცხადება: ღია მმართველობის პარტნიორობის (OGP) შეჩერებული პროცესი საქართველოში

07.12.2021

კოალიცია მედიის ადვოკატირებისთვის კახი ბექაურის განცხადებას ეხმიანება

06.12.2021

დეზინფორმაცია და არჩევნები – 2021 წლის ადგილობრივი თვითმმართველობის არჩევნების შეჯამება

03.12.2021

კოალიცია უზენაესი სასამართლოს მოსამართლეების დანიშვნას კრიტიკულად აფასებს

02.12.2021
ბლოგპოსტები

ონლაინ ინფორმაციის მანიპულირების ეფექტები: ვინ უნდა შეიმუშავოს და განახორციელოს საჭირო მექანიზმები

20.10.2021

სამთავრობო OGP-ის რეგრესი საქართველოში

06.10.2021

სიკვდილი, როგორც საარჩევნო კამპანიის ძირითადი ნარატივი საქართველოში

29.09.2021

პირადი ცხოვრების ხელშეუხებლობის უფლების დარღვევა - სისტემური გამოწვევა საქართველოსთვის

16.09.2021