18 თებერვალს ინფორმაციის თავისუფლების განვითარების ინსტიტუტსა (IDFI) და ესტონეთის ელექტრონული მმართველობის აკადემიას შორის მემორანდუმი გაფორმდა. IDFI-ს მხრიდან მემორანდუმს ხელი მოაწერა დირექტორმა, გიორგი კლდიაშვილმა, ხოლო აკადემიის მხრიდან, დირექტორმა, არვო ოტიმ.

ელექტრონული მმართველობის აკადემია ანალიტიკურ და საკონსულტაციო ორგანიზაციას წარმოადგენს, რომლის დაარსების მთავარ მიზანს ელექტრონული მმართველობის, ელ. დემოკრატიის, ეროვნული კიბერ უსაფრთხოების შესახებ ცოდნის გაფართოება და გავრცელება წარმოადგენს. აკადემია არჩევს და ტრენინგს უტარებს ლიდერებსა და დაინტერესებულ მხარეებს საინფორმაციო და საკომუნიკაციო საშუალებების დახმარებით, რათა ქვეყანაში გაიზარდოს მმართველობის ეფექტიანობა და უფრო ეფექტიანი გახდეს დემოკრატიული პროცესები.

მემორანდუმის გაფორმების შედეგად, ინფორმაციის თავისუფლების განვითარების ინსტიტუტი და ელ. მმართველობის აკადემია ითანამშრომლებენ და განახორციელებენ ერთობლივ პროექტებსა და აქტივობებს. შეთანხმების მიზანს წარმოადგენს ერთობლივი კვლევების წარმოება, როგორც საგანმანათლებლო, ასევე სასკოლო და კულტურული პროექტების განხორციელება, რომლებიც დაკავშირებული იქნება ელ. მმართველობასთან, ელ. ჩართულობასთან, სამოქალაქო მომსახურების რეფორმებთან, ინფორმაციის თავისუფლებასთან და ა.შ.

ასევე, მემორანდუმით განისაზღვრა, რომ მხარეებმა უნდა უზრუნველყონ ერთობლივი ღონისძიებების, ტრენინგებისა და კონფერენციების ჩატარება.

/public/upload/pdf/MoU.pdf