კოალიციის მედია ადვოკატირებისთვის მიმართვის შემდეგ GNCC-მ მაგთიკომი გააფრთხილა

განცხადებები 5 ივნისი 2015

არასათანადო და შეცდომაში შემყვანი რეკლამის განთავსების გამო კომუნიკაციების ეროვნულმა კომისიამ (GNCC) „მაგთიკომი“ წერილობით გააფრთხილა. საქმის წარმოება კოალიციის „მედია ადვოკატირებისთვის“ მიმართვის საფუძველზე დაიწყო. კოალიციის წევრმა არასამთავრობო ორგანიზაციებმა, მათ შორის „ინფორმაციის თავისუფლების განვითარების ინსტიტუტმა“ (IDFI) კომისიას 14 აპრილს მიმართა რათა შეესწავლა „მაგთიკომის“ კუთვნილი თანამგზავრული ოპერატორის „მაგთისატის“ მიერ მომზადებული სარეკლამო რგოლი ციფრული მაუწყებლობის შესახებ.


კოალიცია მიიჩნევდა რომ „მაგთისატს“ აუდიტორია შეცდომაში შეჰყავდა შემდეგი ტექსტით - „17 ივნისიდან საქართველო ციფრულ მაუწყებლობაზე გადავა და გაითიშება ანალოგური მაუწყებლობა, რაც იმას ნიშნავს, რომ თქვენ სპეციალური ციფრული დეკოდერის გარეშე ვეღარ უყურებთ ქართულ ტელეარხებს, ნუ დაელოდებით 17 ივნისს, ჩაერთეთ მაგთისატში, დღესვე გადადით ციფრულ მაუწყებლობაზე და უყურეთ მრავალფეროვან ქართულ და უცხოურ ტელეარხებს, მაგთისატი პირველი ციფრული თანამგზავრული მაუწყებელი“.


კომუნიკაციის ეროვნულმა კომისიამ გაიზიარა კოალიციის მოსაზრება და მიიჩნია, რომ შპს „მაგთიკომის“ სარეკლამო რგოლი არასათანადოა და შეცდომაში შემყვანია, რადგან პოტენციურ მომხმარებელს არ აწვდის სრულყოფილ ინფორმაციას მომსახურების შესახებ, რადგან „სპეციალური ციფრული დეკოდერის გარეშე“ ქართულ არხებს ვერ უყურებს მოსახლეობის მხოლოდ ის ნაწილი, რომელიც დღეს მაუწყებლობას ღია ეთერით იღებს და ამავე დროს, შედარებით მოძველებული მოდელის ტელევიზორი აქვს. მოსახლეობის ის ნაწილი კი, რომელიც მაუწყებლობის ტრანზიტის მომსახურებით სარგებლობს (საკაბელო ოპერატორების) ან/და ციფრული სიგნალის მიღების მხარდაჭერით აღჭურვილი თანამედროვე ტელევიზორი აქვს სპეციალური ციფრული დეკოდერი არ დაჭირდება და 2015 წლის 17 ივნისიდანაც გააგრძელებს ქართული პროგრამების მიღებას.


შესაბამისად, კომისიამ შპს „მაგთიკომს“, რომელიც „მაგთისატის“ მფლობელია წერილობით გაფრთხილება დააკისრა და არასათანადო და შეცდომაში შემყვანის სარეკლამო რგოლის ეთერიდან მოხსნა დაავალა.

სხვა მასალები ამ თემაზე
სიახლეები

პანდემია და კორუფციული რისკები

07.04.2020

IDFI-ს მოსაზრებები მართლმსაჯულებისა და ადამიანის უფლებათა დაცვის საკითხებზე

05.04.2020

IDFI-მ რასობრივი დისკრიმინაციის ყველა ფორმის აღმოფხვრის შესახებ კონვენციის შესრულების თაობაზე ანგარიშის პროექტთან დაკავშირებით მოსაზრებები წარადგინა

04.04.2020

IDFI-მ ადამიანის უფლებათა დაცვის ახალ სტრატეგიასთან დაკავშირებით მოსაზრებები წარადგინა

03.04.2020
განცხადებები

ხელმომწერი ორგანიზაციები უზენაესი სასამართლოს პლენუმს მოუწოდებენ საგანგებო მდგომარეობის დასრულებამდე თავი შეიკავოს საკონსტიტუციო სასამართლოს მოსამართლის დანიშვნისგან

03.04.2020

საზოგადოებრივი ორგანიზაციები აჭარის მაუწყებელში მიმდინარე საგანგაშო პროცესებზე საერთაშორისო ორგანიზაციებს კოლექტიურად მიმართავენ

17.03.2020

კოალიცია უზენაესი სასამართლოს თავმჯდომარის თანამდებობაზე ასარჩევად ნინო ქადაგიძის წარდგენას ეხმიანება

13.03.2020

კოალიციის განცხადება მოსამართლეთა დისციპლინურ სამართალწარმოებასთან დაკავშირებული ხარვეზების თაობაზე

05.03.2020
ბლოგპოსტები

უზენაესი სასამართლოს მოსამართლეების დანიშვნა: რა იცის საქართველოს მოსახლეობამ და რა დამოკიდებულება აქვს ამ პროცესის მიმართ

29.03.2020

ემოციური უსაფრთხოება საქართველოს ზოგადსაგანმანათლებლო დაწესებულებებში - მოსწავლეთა დარღვევებისა და ჩაგვრის შემთხვევების სტატისტიკის ანალიზი

20.03.2020

ქალაქ ფოთში ატმოსფერული ჰაერის დაბინძურებასა და თევზის გადამუშავებასთან დაკავშირებული ეკოლოგიური პრობლემების ანალიზი - ანუ ცხოვრება ზღვისპირა ქალაქში ჰაერის გარეშე

20.03.2020

არაგადამდები (ქრონიკული) დაავადებების სამკურნალო მედიკამენტებით უზრუნველყოფის სახელმწიფო პროგრამის მიმოხილვა

20.03.2020