,ინფორმაციის თავისუფლების განვითარების ინსტიტუტი" (IDFI) ბრემენის უნივერსიტეტთან ერთად გერმანიის საგარეო საქმეთა სამინისტროს დაფინანსებით ახორციელებს პროექტს: "სტრატეგიული გეგმა საქართველო 2020 - სამოქალაქო საზოგადოების ჩართულობის გაძლიერება (ZigB)". პროექტი მიზნად ისახავს სამოქალაქო საზოგადოების ჯგუფების მაქსიმალურად ფართო სპექტრის დაინტერესების გამოწვევასა და მათი ცოდნის გაღრმავებას, საქართველოს მთავრობის მიერ დადგენილებით დამტკიცებული სოციალურ-ეკონომიკური განვითარების სტრატეგია "საქართველო - 2020"-თან დაკავშირებით, რათა ისინი მომავალში უფრო აქტიურად ჩაერთონ საჯარო განხილვების პროცესში.პროექტის ერთერთი კომპონენტია ინტერნერტ სივრცის აქტიურ მომხმარებელთა ჩართულობა, რომელთა შესარჩევად ,,ინფორმაციის თავისუფლების განვითარების ინსტიტუტს“ გამოცხადებული ჰქონდა კონკურსი.

21-22-23 ნოემბერს ჩატარდა გასვლითი სამუშაო შეხვედრა ყვარელში, სასტუმრო „როიალ ბატონში“, რომელშიც მონაწილეობა მიიღეს კონკურსის შემდგომ ეტაპზე გადასულმა კანდიდატებმა (სულ 12-მა კანდიდატმა). გასვლით სამუშაო შეხვედრაში მონაწილეობა მიიღეს ასევე საქართველოს მთავრობის ადმინისტრაციის (როგორც „საქართველო - 2020“-ის იმპლემენტაციის კოორდინაციის განმახორციელებელმა) და საქართველოს ფინანსთა სამინისტროს (როგორც „საქართველო - 2020“-ის შემუშავების ორგანიზატორმა) წარმომადგენლებმა.

სამუშაო შეხვედრის განმავლობაში განხილულ იქნა ისეთი საკითხები როგორიცაა ეფექტური კომუნიკაციების მეთოდები, საჯარო პოლიტიკის ანალიზი, ბლოგი - შემოქმედებითი და აკადემიური წერის გასაყარზე, ასევე, საქართველოს ფინანსთა სამინისტროს და საქართველოს მთავრობის ადმინისტრაციის წარმომადგენლებმა ისაუბრეს „საქართველო - 2020“-ის შემუშავების და იმპლემენტაციის კოორდინაციის პროცესზე. კონკურსის მონაწილე კანდიდატებმა წარმოადგინეს საზოგადოების ინფორმირებულობისა და ჩართულობის გაზრდის გეგმები „საქართველო - 2020“-თან დაკავშირებით.