ევროკომისიის პროექტის “Global Facility on Anti-Money Laundering and Countering the Financing of Terrorism (GF-AML/CFT)” ფარგლებში არასამთავრობო ორგანიზაციების წარმომადგენლებისათვის საქართველოში გაიმართა ტრენინგი FATF-ის მე-8 რეკომენდაციასთან დაკავშირებით.

კურსის გავლის შედეგად არასამთავრობო ორგანიზაციების წარმომადგენლებმა შეიძინეს ცოდნა არაკომერციული იურიდიული პირების საქმიანობაში ფულის გათეთრებისა და ტერორიზმის დაფინანსების აღკვეთის ზომების პრევენციული გამოყენების შესახებ; გაეცნენ საერთაშორისო პრაქტიკას და მსოფლიოში აღნიშნული მიმართულებით არსებულ გამოწვევებს; მიიღეს ინფორმაცია FATF-ის რეკომენდაციების შესახებ. კურსის მონაწილეებს, ტრენინგის შედეგად მიღებული ცოდნა დაეხმარება რისკებისა და საფრთხეების იდენტიფიცირებასა და შეფასებაში, და ორგანიზაციების შიგნით პრევენციული პოლიტიკის დანერგვაში.

ტრენინგი ტარდებობდა 1-ლი ივნისიდან 5 ივნისის ჩათვლით Zoom-ის მეშვეობით.

ტრენინგში მონაწილეობას იღებდნენ შემდეგი არასამთავრობო ორგანიზაციები: სამოქალაქო საზოგადოების ინსტიტუტი; მედიის განვითარების ფონდი; ევროპის ფონდი; საქართველოს სტრატეგიისა და საერთაშორისო ურთიერთობების კვლევის ფონდი; კონსულტაციისა და ტრენინგის ცენტრი (CTC); საერთაშორისო გამჭვირვალობა - საქართველო; ეკონომიკური პოლიტიკის კვლევის ცენტრი (EPRC); სამოქალაქო განვითარების სააგენტო (სიდა); სამართლიანი არჩევნებისა და დემოკრატიის საერთაშორისო საზოგადოება (ISFED); საქართველოს ახალგაზრდა იურისტთა ასოციაცია(GYLA).

ტრენინგის მონაწილეებს გადაეცემათ სერტიფიკატები.

საქართველოში ტრენინგის ორგანიზების მხარდამჭერია „ინფორმაციის თავისუფლების განვითარების ინსტიტუტი“ (IDFI).