საქართველოში გამჭვირვალობის ახალი სტანდარტი მკვიდრდება

სიახლეები | კარგი მმართველობა | პუბლიკაციები | სტატია 3 სექტემბერი 2013
2013 წლის 26 აგვისტოს საქართველოს პრემიერ-მინისტრმა ხელი მოაწერა საქართველოს მთავრობის №219 დადგენილებას “საჯარო ინფორმაციის ელექტრონული ფორმით მოთხოვნისა და პროაქტიულად გამოქვეყნების შესახებ“, რომელიც ამოქმედდა 2013 წლის 1 სექტემბრიდან. 
 
აღნიშნული სამართლებრივი აქტით, საქართველოში მკვიდრდება სახელმწიფო ორგანოების გამჭვირვალობისა და ანგარიშვალდებულების სრულიად ახალი, პროაქტიული სტანდარტი. IDFI-ის, როგორც დადგენილების შემუშავებაში აქტიურად ჩართულ ორგანიზაციას, სურს მადლობა გადაუხადოს ამ ხანგრძლივი პროცესის ყველა მონაწილეს და მხარდამჭერს: 
 
 
საქართველოს მთავრობას, რომელმაც გაითვალისწინა სამოქალაქო საზოგადოების რეკომენდაციათა და წინადადებათა უმრავლესობა და დაამტკიცა საჯარო ინფორმაციის ელექტრონულად მოთხოვნისა და პროაქტიულად გამოქვეყნების ახალი სტანდარტი;
 
 
საქართველოს იუსტიციის სამინისტროს და განსაკუთრებით ანალიტიკურ დეპარტამენტს, აგრეთვე, საქართველოს უწყებათაშორის ანტი-კორუფციული საბჭოს სამდივნოს, რომელმაც სამოქალაქო საზოგადოებასთან მჭიდრო თანამშრომლობისა და დისკუსიის ფორმატში მოამზადა მთავრობის დადგენილების პროექტი;   
 
 
იმ არასამთავრობო და მედია ორგანიზაციებს, აგრეთვე ექსპერტებს, ვინც აქტიურად მონაწილეობდნენ პროაქტიულად გამოსაქვეყნებელი საჯარო ინფორმაციის ნუსხის განსაზღვრისა და მისი აქტიური ადვოკატირების პროცესში (განსაკუთრებული მადლობა კოალიციას მედიის ადვოკატირებისთვის, საერთაშორისო გამჭვირვალობა საქართველოს, ახალგაზრდა იურისტთა ასოციაციას);
 
 
ჩვენს პირველ დონორ ორგანიზაციას, ჯორჯ ვაშინგტონის უნივერსიტეტთან არსებულ ეროვნული უსაფრთხოების არქივს (The National Security Archive) იმისთვის, რომ დაგვეხმარა პროაქტიული გამოქვეყნების პირველი (2009 წელს) საპილოტე პროექტის დაწყებაში; 
 
 
ღია საზოგადოების ინსტიტუტსა და ფონდ ღია საზოგადოება - საქართველოს, ჩვენი ორგანიზაციის ამ მიმართულების განვითარების მდგრადი (ჯერ კიდევ 2010 წლიდან) მხარდაჭერისთვის; 
 
აშშ-ის საერთაშორისო დახმარების სააგენტოს (USAID) დემოკრატიული მმართველობის პროგრამას (G-3) 4 წლიანი პროცესის ფასილიტაციისა და დასკვნითი ნაწილის ფინანსური და პროგრამული უზრუნველყოფისათვის;
 
 
და რა თქმა უნდა ინფორმაციის თავისუფლების განვითარების ინსტიტუტის (IDFI) მოქმედ და ყოფილ თანამშრომლებს, ვინც წლების განმავლობაში საკუთარი ცოდნითა და შრომით ქმნიდნენ ამ მნიშვნელოვანი ცვლილების წინაპირობებს. 
 
 
ჩვენ დარწმუნებულნი, ვართ, რომ საჯარო ინფორმაციის პროაქტიული გამოქვეყნება უზრუნველყოფს ხელისუფლების გამჭვირვალობისა და ანგარიშვალდებულების ახალი, გაუმჯობესებული პრაქტიკის დამკვიდრებას საქართველოში და ამავე დროს აღჭურვავს საზოგადოებას ხელისუფლების კონტროლის დამატებითი მექანიზმებით. დაწვრილებით იხილეთ მთავრობის დადგენილების ანალიზი ბლოგ-პოსტში:   
სხვა მასალები ამ თემაზე
სიახლეები

5G ტექნოლოგია, რუსული დეზინფორმაცია და კორონავირუსი

27.05.2020

ივანე ჯავახიშვილი და საქართველოს დამოუკიდებლობა

26.05.2020

ბენიამინ (ბენია) ჩხიკვიშვილის მემორიალური ალბომი

26.05.2020

კომუნიკაციების ეროვნული კომისია საჯარო ინფორმაციის ხელმისაწვდომობის შეზღუდვას ახალისებს

23.05.2020
განცხადებები

პარლამენტმა მხარი არ უნდა დაუჭიროს კანონპროექტს ინფორმაციული უსაფრთხოების შესახებ

29.05.2020

IDFI-ი მოუწოდებს საქართველოს პარლამენტს არ დაუშვას კანონპროექტის დაჩქარებული წესით მიღება

20.05.2020

IDFI-ის განცხადებით ხელისუფლებამ უნდა გააკეთოს მკაფიო განმარტება მოსალოდნელი შეზღუდვების სამართლებრივი საფუძვლების შესახებ

15.05.2020

პარლამენტმა სასამართლოს აქტების ხელმისაწვდომობის უზრუნველსაყოფად განსახორციელებელი საკანონმდებლო ცვლილების მიღება გადადო

02.05.2020
ბლოგპოსტები

ივანე ჯავახიშვილი და საქართველოს დამოუკიდებლობა

26.05.2020

მეორე მსოფლიო ომში გამარჯვების დღის მითვისება რუსული პროპაგანდის მიერ

08.05.2020

საქართველოს მოსახლეობის დამოკიდებულება პროკურატურის მიმართ

04.05.2020

ქართული პრესისა და ბეჭდვითი მედიის ცენზურის მიმოხილვა

03.05.2020