ამ წუთებში დუბლინში მიმდინარეობს ღია მმართველობის პარტნიორობის რეგიონული შეხვედრა. ღია მმართველობის პარტნიორობის რეგიონული შეხვედრა დუბლინში ემსახურება წევრი ქვეყნების 2014-2015 წლების სამოქმედო გეგმების სამუშაო ვერსიების გაცნობას. საქართველოს სახელით შეხვედრას ესწრებიან იუსტიციის სამინისტროსა და სამოქალაქო საზოგადოების წარმომადგენლები.

საქართველოს დელეგაციას ხელმძღვანელობს იუსტიციის მინისტრი თეა წულუკიანი, რომელიც პირველ პლენარულ სხდომაზე ძირითად მომხსენებლად წარსდგა და ისაუბრა საქართველოს მიღწევებზე ღია მმართველობის პარტნიორობის კუთხით. მან სესიის მონაწილეებს გააცნო ელ-მმართველობის წარმატებული პროექტები, ინფორმაცია საქართველოს რეგიონებში გამართული საჯარო კონსულტაციებისა და მოსახლეობის აქტიური ჩართულობის შესახებ და ისაუბრა სამომავლო გეგმებზე.

ევროპის რეგიონული შეხვედრა ორ დღეს გასტანს და 9 მაისს დასრულდება.

შეგიძლიათ, შეხვედრას თვალყური ადევნოთ შემდეგ ბმულზე:

http://www.castletv.eu/
აირჩიეთ Dublin Castle 1;
ავტორიზაცია მოახდინეთ შემდეგი – მონაცემებით:

8 მაისის სესია:

მომხმარებელი: 18915a;
პაროლი – 080514

9 მაისის სესია:

მომხმარებელი: 18915b
პაროლი: 090514