დისკუსია საქართველოში სოციალური ქსელების გამოყენების შესახებ

სიახლეები | ინტერნეტი და ინოვაციები | პუბლიკაციები | სტატია 13 დეკემბერი 2012

ავტორი: მარიკა კეჭაყმაძე

 

„ინფორმაციის თავისუფლების განვითარების ინსტიტუტმა“ პროექტის – „ელექტრონული ჩართულობის განვითარება საქართველოში“ ფარგლებში  საჯარო დისკუსია გამართა.

 

შეხვედრის  დასაწყისში ორგანიზატორებმა წარმოადგინეს პროექტის ფარგლებში საქართველოს 19 საჯარო დაწესებულების, 10 პოლიტიკური სუბიექტისა და 6 მედია საშუალების ოფიციალური Facebook გვერდების მონიტორინგის შედეგები, რის შემდეგაც გაიმართა დისკუსია.

 

 

დისკუსიაში მონაწილეობა მიიღეს ჟურნალისტებმა, არასამთავრობო ორგანიზაციების წარმომადგენლებმა, ბლოგერებმა და სხვა დაინტერესებულმა პირებმა.

 

განხილულ იქნა შემდეგი საკითხები:

 

• სოციალურ ქსელები და მოქალაქეთა ჩართულობა საჯარო პოლიტიკის ფორმულირებაში;

• საჯარო პოლიტიკაში მოქალაქეების ჩართულობის უზრუნველსაყოფად Facebook-ის პლატფორმის გამოყენება.

 

მონაწილეებმა დასვეს კითხვები IDFI-ის  მიერ განხორციელებული კვლევის ირგვლივ და ისაუბრეს საკუთარ გამოცდილებაზე.  გამოიკვეთა ის პრობლემები, რაც ასეთი ტიპის ჩართულობის პლატფორმის  შემთხვევაში გარკვეულწილად კომუნიკაციის პრობლემას ქმნის.

 

აღინიშნა, რომ მოქალაქეებს ხშირად უჭირთ ოფიციალური გვერდების  იდენტიფიკაცია. გახსნილია არაერთი ანგარიში, ერთი და იგივე პიროვნების თუ პოლიტიკური სუბიექტის სახელით. ასევე, გარკვეული აპლიკაციების გამოყენება შეიცავს საფრთხეს, რომ მოხდება მომხმარებლის  პირადი ინფორმაციის იდენტიფიკაცია.

 

ერთ-ერთი უმნიშვნელოვანესი პრობლემა, რაზეც დისკუსიის მონაწილეებმა ისაუბრეს, საჯარო დაწესებულებებისთვის  სოციალური ქსელების მართვის   რეგულაციების არარსებობაა. ამ პრობლემის გადასაჭრელად აუცილებელია  დაინერგოს ერთიანი სტანდარტი ყველა სახელმწიფო უწყებისთვის.

 

მეორე მხრივ, საჯარო დაწესებულება კანონმდებლობით შეზღუდულია ზოგადი ადმინისტრაციული კოდექსის საქმის წარმოების წესით, რაც ართულებს და აჭიანურებს მოქალაქეების მიერ დასმულ შეკითხვებზე პასუხების გაცემას.  ბიუროკრატია  აფერხებს ინფორმაციის გაცემას. მეორე მხრივ, კანონი არ აკისრებს საჯარო დაწესებულებებს ვალდებულებას უპასუხონ  სოციალურ ქსელში დასმულ შეკითხვებს და შედეგად  ზარალდება მოქალაქე, რომელიც ამ ფორმით ცდილობს დრო  და ფინანსები  დაზოგოს და მიიღოს გარკვეული სახის ინფორმაცია.

 

დისკუსიის მონაწილეებმა აღნიშნეს რომ Facebook-ი, რომელიც  მოქალაქეების დიდი ნაწილისა და თვით ტრადიციული მედიისთვისაც ინფორმაციის მიღების მნიშვნელოვან წყაროს წარმოადგენს, საკმაოდ კომფორტული პლატფორმაა საზოგადოებრივი საკითხების განსახილველად. თუმცა, აქვე საუბარი შეეხო რეგიონებში ინტერნეტიზაციის პრობლემას, რომელიც ხელს უშლის, რომ  ინფორმაცია თანაბრად  იყოს ხელმისაწვდომი საქართველოს ყველა მოქალაქისთვის. აქვე აღინიშნა, რომ  ქვეყანაში ჯერ კიდევ მწვავედ დგას   მოსახლეობაში საჭირო უნარ-ჩვევების არცოდნის საკითხი.

 

მონაწილეებმა გამოთქვეს მოსაზრება, რეკომენდაციების სახით  საჯარო დაწესებულებებს მიეწოდოს ეფექტური კომუნიკაციის წარმართვისთვის საჭირო აპლიკაციების ნუსხა.

 

პროექტის ფარგლებში ინსტიტუტი კვლავ გეგმავს საჯარო დისკუსიების მოწყობას ელ – პლატფორმებისა და  ვებ-გვერდების გამოყენებასთან დაკავშირებით. დაგეგმილია შეხვედრის ორგანიზება საჯარო დაწესებულებების  საზოგადოებასთან ურთიერთობის სამსახურების წარმომადგენლებთანაც.

 

პროექტი ხორციელდება აღმოსავლეთ-დასავლეთის მართვის ინსტიტუტის (EWMI) პროგრამის – „საქართველოში საჯარო პოლიტიკის, ადვოკატირებისა და სამოქალაქო საზოგადოების განვითარების“ (G-PAC) – ფარგლებში.

 

სხვა მასალები ამ თემაზე
სიახლეები

საქართველოს პარლამენტმა საქართველოს ღია პარლამენტის 2021-2022 წლების სამოქმედო გეგმა დაამტკიცა

27.07.2021

სამოქალაქო საზოგადოების ორგანიზაციების მხარდაჭერა ციფრულ არქივირებაში: ყოფილი საბჭოთა ქვეყნების - ბელარუსის, საქართველოსა და უკრაინის სამოქალაქო საზოგადოების ორგანიზაციების გამოცდილება

27.07.2021

Covid-19-თან დაკავშირებული გამარტივებული შესყიდვები 2021

26.07.2021

გამოფენა „საბჭოთა კავშირში რეპრესირებული ქალები“ დედაენის ბაღში

23.07.2021
განცხადებები

ქართული ოცნების გადაწყვეტილება საფრთხეს უქმნის საქართველოს სტაბილურობას და მომავალს

28.07.2021

მოვუწოდებთ ყველა საჯარო პირს შეწყვიტოს საზოგადოებაში მტრული განწყობების გაღვივება და მედიის დისკრედიტაცია

23.07.2021

სამოქალაქო ორგანიზაციებისა და მედიასაშუალებების წერილი შარლ მიშელს

19.07.2021

IDFI საქართველოს პრემიერ-მინისტრისა და შინაგან საქმეთა მინისტრის გადადგომის მოთხოვნას ეხმიანება

12.07.2021
ბლოგპოსტები

ფართოზოლოვანი ინფრასტრუქტურის სახელმწიფო პროგრამის საპილოტე პროექტი ოზურგეთში

13.05.2021

მოსაზრებები სამუსლიმანო საქართველოს სახელმწიფოებრივ კუთვნილებასთან დაკავშირებით

10.03.2021

1921 წლის ოკუპაცია და „პერესტროიკის“ ხანის ქართული გაზეთები

10.03.2021

საბჭოთა ოკუპაციის ნარატივი რუსეთ-საქართველოს თანამედროვე ურთიერთობების ფონზე: პოლიტიკა, მეხსიერება, იდენტობა

10.03.2021