2019 წლის 26 ივლისს უწყებათაშორისმა ანტიკორუფციულმა საბჭომ მე-17 სხდომაზე განიხილა 2019-2020 წლების ეროვნული ანტიკორუფციული სტრატეგიისა და სამოქმედო გეგმის სამუშაო ვერსია. 2019 წლის აგვისტოს ბოლოს, ანტიკორუფციული სტრატეგიული დოკუმენტები მთავრობას ჯერ არ დაუმტკიცებია.

ინფორმაციის თავისუფლების განვითარების ინსტიტუტი (IDFI) მწუხარებას გამოთქვამს, რომ ანტიკორუფციული სამოქმედო გეგმისა და სტრატეგიის მომზადება დროულად არ განხორციელდა და სამოქმედო გეგმით გათვალისწინებული პირველი წლის მეორე ნახევარში აღნიშნული დოკუმენტები ჯერ კიდევ არ არის დამტკიცებული. IDFI მოუწოდებს ანტიკორუფციული საბჭოს სამდივნოს, რომ მომავალში უზრუნველყოს სამუშაო პროცესის ეფექტიანად წარმართვა იმ მიზნით, რომ სტრატეგიული ანტიკორუფციული დოკუმენტები დროულად დამტკიცდეს.

IDFI მიესალმება ახალ ანტიკორუფციულ დოკუმენტებში IDFI-ის მიერ 2019 წლის აპრილში გაცემული რეკომენდაციების ნაწილის ასახვას. თუმცა, სამწუხაროდ, გაუთვალისწინებელი დარჩა უმნიშვნელოვანესი რეკომენდაციები კორუფციასთან ეფექტიანი ბრძოლისთვის.

IDFI აუცილებლად მიიჩნევს ახალი ანტიკორუფციული სტრატეგიითა და სამოქმედო გეგმით ისეთი დამოუკიდებელი ანტიკორუფციული სამსახურის შექმნის ვალდებულების გათვალისწინებს, რომელსაც ექნება საზოგადოების ნდობა, დამოუკიდებლობის მაღალი ხარისხი, შესაბამისი უფლებამოსილება და კვალიფიკაცია იმისათვის, რომ გამოიძიოს მაღალი დონის კორუფციის შემთხვევები და პასუხი გასცეს საზოგადოებაში დაგროვილ ლეგიტიმურ შეკითხვებს.

IDFI-ის რეკომენდაციები ანტიკორუფციული სტრატეგიისა და სამოქმედო გეგმის კონკრეტული მიმართულებებისთვის

/public/upload/IDFI_2019/PrIME/IDFI_recommendations_on_anticorruption_geo.pdf