აჭარის უმაღლესი საბჭოს ღია მმართველობის საბჭომ და მასთან არსებულმა საკონსულტაციო ჯგუფმა განახორციელეს ღია მმართველობის 2020-2021 წლების სამოქმედო გეგმის მე-6 ვალდებულების პირველი ეტაპი, რომელიც შეეხება სპეციალური საჭიროების მქონე პირთათვის უმაღლესი საბჭოს ვებგვერდის ადაპტირების კონცეფციის შემუშავებას.
პროექტის „საპარლამენტო დემოკრატიის კონსოლიდაცია საქართველოში“ ფარგლებში, ევროკავშირისა (EU) და გაეროს განვითარების პროგრამის (UNDP) მხარდაჭერით, ინფორმაციის თავისუფლების განვითარების ინსტიტუტმა (IDFI) მოამზადა უმაღლესი საბჭოს ვებგვერდის მისაწვდომობის კონცეფცია სპეციალური საჭიროების მქონე პირთათვის. კონცეფცია, ასევე, ითვალისწინებს სამოქმედო გეგმის მე-8 ვალდებულებით განსაზღვრულ მისაწვდომობის გაზრდას სმენის არმქონე პირებისთვის, რაც გამოიხატება ვებგვერდზე მედია კონტენტის აუდიო ნაწილის სინქრონიზებული სუბტიტრებით განთავსებაში.
უმაღლესი საბჭოს ვებგვერდის მისაწვდომობის კონცეფციის შემუშავება და მისი პრაქტიკაში განხორციელება ხელს შეუწყობს უმაღლეს საბჭოს გაზარდოს ვებგვერდის შინაარსის თანაბარი ხელმისაწვდომობა და მოქალაქეთა ინკლუზიური ჩართულობა. უმაღლესი საბჭოს გამჭვირვალობა და ღიაობა დადებით ზეგავლენას მოახდენს მოქალაქეთა ჩართულობაზე აჭარის უმაღლესი საბჭოს მიერ გადაწყვეტილებების მიღების პროცესში.
/public/upload/EU/development_of_accessibility_concept_of_webpage.pdf
სიახლეების გამოწერა
