ინფორმაციის თავისუფლების განვითარების ინსტიტუტი (IDFI) გთავაზობთ სხვადასხვა საჯარო დაწესებულებაში საჯარო ინფორმაციის ხელმისაწვდომობის უზრუნველყოფასა და პროაქტიულ გამოქვეყნებაზე პასუხისმგებელ პირთა მონაცემთა ბაზას.

აღნიშნულ ბაზაში მოცემულია ოთხასოცდაათზე მეტ საჯარო დაწესებულებაში, როგორც საჯარო ინფორმაციის გაცემაზე პასუხისმგებელი პირის სახელი, გვარი, თანამდებობა, ტელეფონის ნომერი, ელ. ფოსტა, ასევე ის ელექტრონული მისამართები, რომლებზეც შეგიძლიათ მოითხოვოთ საჯარო ინფორმაცია. გარდა ამისა, ბაზაში მითითებულია საჯარო დაწესებულებების მისამართები, ვებ-გვერდები და ლოგოები/გერბები (არსებობის შემთხვევაში).

ჩვენს მიერ მოძიებული ინფორმაცია განაწილებულია ორ დოკუმენტში, რომლებიც შეგიძლიათ გადმოწეროთ როგორც ექსელის, ასევე PDF ფორმატში.

პირველი ექსელის დოკუმენტი დაყოფილია ოთხ ძირითად კატეგორიად:

1. პრეზიდენტის ადმინისტრაცია, მთავრობის ადმინისტრაცია, პარლამენტი და მათ დაქვემდებარებაში არსებული სსიპ-ები, დამოუკიდებელი ორგანოები;

2. სამინისტროები, მათ დაქვემდებარებაში არსებული სსიპ-ები და საქვეუწყებო დააწესებულებები;

3. სახელმწიფო უმაღლესი სასწავლებლები;

4. საქართველოს იუსტიციის უმაღლესი საბჭო, იუსტიციის უმაღლესი სკოლა, სასამართლოები.

(იხილეთ დოკუმენტის PDF ვერსია)

მეორე ექსელის დოკუმენტში მოცემულია შემდეგი კატეგორიები:

1. აჭარის ა/რ-ის მთავრობის აპარატი და სამინისტროები, აფხაზეთის ა/რ-ის მთავრობის აპარატი და სამინისტროები;

2. სახელმწიფო რწმუნებულების - გუბერნატორების ადმინისტრაციები საქართველოს ადმინისტრაციულ-ტერიტორიულ ერთეულებში;

3. ადგილობრივი თვითმმართველობის ორგანოები რეგიონების მიხედვით.

(იხილეთ დოკუმენტის PDF ვერსია)

IDFI სისტემატურად ანახლებს და აქვეყნებს საჯარო ინფორმაციის ხელმისაწვდომობის უზრუნველყოფასა და პროაქტიულ გამოქვეყნებაზე პასუხისმგებელ პირთა მონაცემთა ბაზას.

ნებისმიერი კითხვის ან შენიშვნის შემთხვევაში გთხოვთ დაგვიკავშირდეთ შემდეგ ელექტრონულ მისამართზე: info@idfi.ge