კონკურსი „ინოვაცია და ტექნოლოგიები სამოქალაქო საზოგადოების ჩართულობის გასაძლიერებლად“

სიახლეები 30 ოქტომბერი 2015

ძლიერი სახელმწიფო ემყარება ძლიერ საზოგადოებას, დამოუკიდებლად და კრიტიკულად მოაზროვნე მოქალაქეებს, რომლებსაც უნდათ და შეუძლიათ თავიანთი პრობლემები გადაჭრან მარტო ან თანამოაზრეებთან ერთად სახელმწიფო სტრუქტურების მინიმალური მონაწილეობით; რომელთაც ესმით, რომ სახელმწიფო სტრუქტურებზე მეტი თუ არა, არანაკლები პასუხისმგებლობა თითოეულ მოქალაქეს აკისრია. ამის მაგალითი იყო 13 ივნისის სტიქია, როდესაც მოქალაქეები კეთილი ნებით და უსასყიდლოდ ეხმარებოდნენ სახელმწიფოს ფუნქციების განხორციელებაში.

 

ინტერნეტი და თანამედროვე ტექნოლოგიები ძლიერი ინსტრუმენტებია ცხოვრების დონის გასაუმჯობესებლად. უმეტესობას გვაქვს სმარტფონები, გაჯეტები, წვდომა ინტერნეტთან და ყოველდღიურად აქტიურად ვსარგებლობთ ამ ყველაფრით. იმისათვის, რომ შევძლოთ თანამედროვე ტექნოლოგიების შესაძლებლობების საზოგადოებისთვის სასარგებლოდ გამოყენება, ინფორმაციის თავისუფლების განვითარების ინსტიტუტი (IDFI) შპს “DEVEL”-თან თანამშრომლობით აცხადებს კონკურსს „ინოვაცია და ტექნოლოგიები სამოქალაქო საზოგადოების ჩართულობის გასაძლიერებლად“. კონკურსში მონაწილეობის მისაღებად ვიწვევთ ყველას, ვისაც წვლილის შეტანა სურს სამოქალაქო საზოგადოების გაძლიერებაში და აქვს იდეა, თუ როგორ შეიძლება ინოვაციური ტექნოლოგიების გამოყენებით:

 

  • დავეხმაროთ საზოგადოებას ცხოვრების დონის გაუმჯობესებაში და გავუღვივოთ პასუხისმგებლობის გრძნობა მის ცალკეულ წევრებს;
  • დავეხმაროთ ჩვენს სახელმწიფოს უკეთ გაართვას თავი მოვალეობებს.

 

სასურველია განცხადებაში მითითებული იყოს:

  • იდეის დეტალური აღწერა;
  • რა საზოგადებრივ ინტერესს ემსახურება იგი;
  • იდეის განხორციელების გზები;
  • რა მინიმალური დახმარება დასჭირდება ავტორს იდეის განსახორციელებლად.

 

განაცხადები შეფასდება იდეის განხორციელებადობის, ეფექტიანობის, ორიგინალურობისა და სიმარტივის გათვალისწინებით.

 

სამი საუკეთესო გადაწყვეტილება დაჯილდოვდება 1000, 700 და 500 ლარით, ავტორებს კი დავეხმარებით მათ განხორციელებაში.

 

გთხოვთ, განცხადებები მოგვაწოდოთ მისამართზე: idea@devel.ge. სათაურის ველში მიუთითეთ კონკურსი „ინოვაცია და ტექნოლოგიები სამოქალაქო საზოგადოების ჩართულობის გასაძლიერებლად“. განცხადებების მიღების ბოლო ვადაა 2015 წლის 30 ნოემბერი. 

 

„ინფორმაციის თავისუფლების განვითრების ინსტიტუტი“ (IDFI) უზრუნველყოფს მიღებული იდეების დაცვას მესამე პირთა წვდომისგან ავტორის შესაბამისი თანხმობის გარეშე. ამასთან, ორგანიზაცია სრულად აღიარებს კონკურსში მონაწილეთა საავტორო ქონებრივ ან/და პირად არაქონებრივ უფლებებს წარმოდგენილ იდეებს.

სხვა მასალები ამ თემაზე
სიახლეები

განათლების სექტორის მიმოხილვა COVID-19 პანდემიის პირობებში

29.07.2021

საქართველოს პარლამენტმა საქართველოს ღია პარლამენტის 2021-2022 წლების სამოქმედო გეგმა დაამტკიცა

27.07.2021

სამოქალაქო საზოგადოების ორგანიზაციების მხარდაჭერა ციფრულ არქივირებაში: ყოფილი საბჭოთა ქვეყნების - ბელარუსის, საქართველოსა და უკრაინის სამოქალაქო საზოგადოების ორგანიზაციების გამოცდილება

27.07.2021

Covid-19-თან დაკავშირებული გამარტივებული შესყიდვები 2021

26.07.2021
განცხადებები

ქართული ოცნების გადაწყვეტილება საფრთხეს უქმნის საქართველოს სტაბილურობას და მომავალს

28.07.2021

მოვუწოდებთ ყველა საჯარო პირს შეწყვიტოს საზოგადოებაში მტრული განწყობების გაღვივება და მედიის დისკრედიტაცია

23.07.2021

სამოქალაქო ორგანიზაციებისა და მედიასაშუალებების წერილი შარლ მიშელს

19.07.2021

IDFI საქართველოს პრემიერ-მინისტრისა და შინაგან საქმეთა მინისტრის გადადგომის მოთხოვნას ეხმიანება

12.07.2021
ბლოგპოსტები

ფართოზოლოვანი ინფრასტრუქტურის სახელმწიფო პროგრამის საპილოტე პროექტი ოზურგეთში

13.05.2021

მოსაზრებები სამუსლიმანო საქართველოს სახელმწიფოებრივ კუთვნილებასთან დაკავშირებით

10.03.2021

1921 წლის ოკუპაცია და „პერესტროიკის“ ხანის ქართული გაზეთები

10.03.2021

საბჭოთა ოკუპაციის ნარატივი რუსეთ-საქართველოს თანამედროვე ურთიერთობების ფონზე: პოლიტიკა, მეხსიერება, იდენტობა

10.03.2021