კოალიცია საკონსტიტუციო სასამართლოს იუსტიციის უმაღლესი საბჭოს მიერ მოსამართლეობის კანდიდატებთან გასაუბრების დახურვის არაკონსტიტუციურად ცნობის მოთხოვნით მიმართავს

განცხადებები 13 ივლისი 2018

 

კოალიცია “დამუკიდებელი და გამჭირვალე მართლმსაჯულებისთვის” საქართველოს საკონსტიტუციო სასამართლოს კონსტიტუციური სარჩელით მიმართავს და საქართველოს იუსტიციის უმაღლესი საბჭოს გადაწყვეტილების „მოსამართლეობის კანდიდატების შერჩევის წესის დამტკიცების შესახებ“ იმ ნორმის არაკონსტიტუციურად ცნობას მოითხოვს, რომელიც მოსამართლეობის კანდიდატებთან გასაუბრების დახურულ სხდომაზე ჩატარებას არეგულირებს.

 

სადავო ნორმა მოსამართლეობის კანდიდატებს საშუალებას აძლევს საკუთარი სურვილისამებრ დახურონ გასაუბრების (ინტერვიუს) პროცესი, რაც დაინტერესებულ პირებს ართმევს შესაძლებლობას დაესწრონ გასაუბრებას და მიიღონ ინფორმაცია იმის შესახებ, თუ როგორ წარსდგა მოსამართლეობის კანდიდატი საბჭოს წინაშე, რა კითხვები ჰქონდათ საბჭოს წევრებს მათ მიმართ და ა.შ. სხდომათა დახურვის ტენდენციამ განსაკუთრებით ბოლო პერიოდში მოიმატა და მიუხედავად საზოგადოების მაღალი ინტერესისა, 2018 წლის თებერვალში გამართული გასაუბრებებისას 50 კანდიდატიდან 34-მა გასაუბრება დახურულ ფორმატში გაიარა, რომელთგანაც 31 მოსამართლედ უვადოდ დაინიშნა.

 

საქართველოს კონსტიტუციის 24-ე მუხლის თანახმად, ყველა ადამიანს აქვს უფლება თავისუფლად მიიღოს ინფორმაცია, ხოლო 41-ე მუხლით დაცულია სახელმწიფო დაწესებულებებში არსებულ ოფიციალურ დოკუმენტებზე ხელმისაწვდომობის უფლება, რომელშიც არა მხოლოდ უკვე დამუშავებულ ინფორმაცია, არამედ თავად ამ ინფორმაციის შექმნის პროცესის ხელმისაწვდომობაც იგულისხმება. მოსამართლეობის კანდიდატებთან გასაუბრება სწორედ ისეთ პროცესს წარმოადგენს, რომლის საფუძველზეც ოფიციალური ინფორმაცია - მოსამართლეთა კანდიდატებთან გასაუბრების შედეგები - ფორმირდება და რომლის ხელმისაწვდომობის შეზღუდვაც კონსტიტუციით დაცულ უფლებაში არამართლზომიერ ჩარევას წარმოადგენს.

 

კონსტიტუციური სარჩელი საქართველოს საკონსტიტუციო სასამართლოს საქართველოს დემოკრატიული ინიციატივის (GDI) მიერ წარედგინა.

 

სხვა მასალები ამ თემაზე
სიახლეები

საპარლამენტო ღიაობა ქართული მედიის ყურადღების ცენტში

16.03.2019

ღია პარლამენტის სამოქმედო გეგმისა და პარლამენტის მდგრადი განვითარების მიზნების სტრატეგიის განხილვა

16.03.2019

სასამართლო სისტემის სტრატეგიისა და სამოქმედო გეგმის შესრულების მდგომარეობა

12.03.2019

სასამართლო რეფორმის შედეგების შეფასება

06.03.2019
განცხადებები

კოალიციის განცხადება „TV პირველისა“ და „არტარეის“ გარშემო მიმდინარე მოვლენების შესახებ

07.03.2019

კოალიციამ საქართველოს პარლამენტის თავმჯდომარის მიერ შეთავაზებული სამუშაო ფორმატი დატოვა

27.02.2019

პეტიცია მართლმსაჯულების გადასარჩენად

22.02.2019

მიმართვა დიპლომატიური მისიების ხელმძღვანელებს

22.02.2019
ბლოგპოსტები

მოსახლეობის ცოდნა და დამოკიდებულება უზენაესი სასამართლოს მოსამართლეების შერჩევის პროცესის მიმართ

21.02.2019

საქართველოს პროკურატურა მნიშვნელოვანი ცვლილებების წინაშე: სისტემაში არსებული ხარვეზების გამოსწორების გზა

30.08.2018

შეზღუდული შესაძლებლობის მქონე ქალების სქესობრივი და რეპროდუქციული ჯანმრთელობა და უფლებები

31.05.2018

შეზღუდული შესაძლებლობების მქონე პირთა ჯანმრთელობის უფლების ცალკეული ასპექტები საქართველოში

31.05.2018