ზამთრის სკოლის დახურვის ღონისძიება

სიახლეები | კანონის უზენაესობა და ადამიანის უფლებები | სტატია 20 დეკემბერი 2022

IDFI-მ 2022 წლის 10-15 დეკემბრის პერიოდში, შვედეთის საერთაშორისო განვითარების თანამშრომლობის სააგენტოს (Sida) მხარდაჭერით, ზამთრის სკოლა „კანონის უზენაესობა და ადამიანის უფლებები“ გამართა. ზამთრის სკოლას ორსაფეხურიანი კონკურსის საფუძველზე შერჩეული 25 მონაწილე ჰყავდა და მის მთავარ მიზანს პროგრამით გათვალისწინებულ საკითხებთან დაკავშირებით მონაწილეების ცნობიერების ამაღლება, არსებულ გამოწვევებზე დისკუსიების გამართვისა და შეხედულებების ურთიერთგაცვლის ხელშეწყობა წარმოადგენდა.

 

ზამთრის სკოლის ფარგლებში, იურიდიული ფაკულტეტის სტუდენტებსა და დამწყებ პრაქტიკოსებს, მათ შორის, მე-3 და მე-4 რანგის საჯარო მოხელეებს, მიეცათ შესაძლებლობა მონაწილეობა მიეღოთ დარგის სპეციალისტების მიერ აქტუალურ სამართლებრივ საკითხებთან დაკავშირებით დაგეგმილ ტრენინგებში.

 

15 დეკემბერს სკოლის დახურვის ცერემონიაზე მონაწილეებს ტრენინგთა კურსის წარმატებით გავლა მიულოცესდა სკოლის აქტივობები  შეაჯამეს IDFI-ს კანონის უზენაესობისა და მედიის მიმართულების ხელმძღვანელმა გიორგი დავითურმა, შვედეთის საელჩოს განვითარების თანამშრომლობის ხელმძღვანელმა/მისიის ხელმძღვანელის მოადგილემ - ერიკ ილესმა დაადამიანის უფლებათა საერთაშორისო სამართლის პროფესორმა კონსტანტინე კორკელიამ.

 

 

ზამთრის სკოლის პროგრამით გათვალისწინებულ საკითხებს შორის იყო:

 

- კონსტიტუციური მოწყობა და კონსტიტუციური კონტროლის ქართული მოდელი;

 

- დამოუკიდებელი კონსტიტუციური/სახელმწიფო ინსტიტუტები საქართველოში და მათი ადგილი საჯარო მმართველობაში;

 

- ევროკავშირის 12 პრიორიტეტული ამოცანის შინაარსი და მდგომარეობა მათი აღსრულების შესახებ;

 

- სახალხო დამცველის ინსტიტუტის ძირითადი მანდატი: საჯარო ინსტიტუტების დამოუკიდებლობისა და ფარული ელექტრონული თვალთვალის თვალსაზრისით არსებული გამოწვევები;

 

- მართლმსაჯულების სისტემა საქართველოში: რეფორმის ტალღები და მიმდინარე გამოწვევები;

 

- ადამიანის უფლებათა ევროპული სასამართლოს კომპეტენცია, მიმართვისა და საქმეთა განხილვის ძირითადი წესები;

 

- სახელმწიფოთაშორისი მექანიზმების გამოყენება ადამიანის უფლებათა დაცვისთვის. სახელმწიფოს პასუხისმგებლობა ადამიანის უფლებათა დაცვაზე ოკუპირებულ ტერიტორიებზე.

 

ზამთრის სკოლაში მოწვეული იყვნენ სხვადასხვა პროფესიული ბექგრაუნდისა და გამოცდილების მქონე ექსპერტები და მომხსენებლები:

 

საქართველოს საკონსტიტუციო სასამართლოს მოსამართლე თეიმურაზ ტუღუში; ადამიანის უფლებათა საერთაშორისო სამართლის პროფესორი კონსტანტინე კორკელია; სახალხო დამცველის მოადგილე გიორგი ბურჯანაძე; იურიდიულ მეცნიერებათა დოქტორი, პროფესორი დავით ჯანდიერი; თბილისის სახელმწიფო უნივერსიტეტის იურიდიული ფაკულტეტის პროფესორი. სამართლის დოქტორი პაატა ტურავა; პლატფორმა „კომენტარის“ თანადამფუძნებელი, სამართლის პოლიტიკის მიმართულების რედაქტორი სოფო ვერძეული; სპეციალური საგამოძიებო სამსახურის განსაკუთრებით მნიშვნელოვან საქმეთა გამომძიებელი ქეთევან თეთრაული და პერსონალურ მონაცემთა დაცვის სამსახურის უფროსის პირველი მოადგილე ოთარ ჩახუნაშვილი.

 

ეს გახლდათ IDFI-ს მიერ ორგანიზებული რიგით მეორე ზამთრის სკოლა, რომელიც წარმატებით განხორციელდა.

სხვა მასალები ამ თემაზე
სიახლეები

სამუშაო შეხვედრა სახელმწიფო ბიუჯეტის გენდერული ინდექსის შესამუშავებლად

06.02.2023

საქართველოს პირველი რესპუბლიკის დღეები საფრანგეთში

30.01.2023

საფრანგეთში აკაკი ჩხენკელის მემორიალური ალბომის პრეზენტაცია გაიმართა

26.01.2023

აკაკი ჩხენკელის მემორიალური ალბომის პრეზენტაცია

23.01.2023
განცხადებები

განცხადება მიხეილ სააკაშვილის სასამართლო პროცესთან დაკავშირებით

06.02.2023

მედიის ადვოკატირების კოალიცია სამართალდამცავ ორგანოებს მოუწოდებს, დროულად გამოიძიონ “ტელეკომპანია პირველის” ჟურნალისტის სახლში უკანონო შეღწევის ფაქტები

03.02.2023

მედიის ადვოკატირების კოალიცია მედიის წინააღმდეგ წარმოებულ დისკრედიტაციის კამპანიას ეხმიანება

31.01.2023

კოალიცია პარლამენტის მიერ იუსტიციის უმაღლესი საბჭოს წევრების შერჩევის პროცესს აფასებს

27.01.2023
ბლოგპოსტები

ანტიდასავლური პროპაგანდის საბჭოთა საწყისები

20.12.2022

რუსული დეზინფორმაციის ტაქტიკა 2008 წლის ხუთდღიანი ომის კონტექსტში

03.11.2022

ქაოტური მშენებლობები ბათუმში ახალ მასშტაბებს იძენს

18.10.2022

საჯარო ინფორმაციის ხელმისაწვდომობა და უფლება სამართლიან სასამართლოზე

11.07.2022