სკრის დევნილთა დასახლების დასახმარებლად საქველმოქმედო აქცია გაიმართა

სიახლეები | ეკონომიკა და სოციალური პოლიტიკა | პუბლიკაციები | სტატია 27 ივლისი 2015

შაბათს, 25 ივლისს გაიმართა საქველოქმედო აქცია „ინფორმაციის თავისუფლების განვითარების ინსტიტუტის“ (IDFI) და საინიციატივო ჯგუფ "იმედის სხივის" ორგანიზებით. აქცია ვაკის პარკის ტერიტორიაზე, დილის 11 საათიდან საღამოს 8 საათამდე მიმდინარეობდა და მიზნად ისახავდა გორის რაიონის, სოფელ სკრის დევნილთა დასახლების დახმარებას.


აქციისთვის, ვაკის პარკში განთავსდა სპეციალური პუნქტი, სადაც მოხალისეები შემოწირულობებს ტოვებდნენ. აღსანიშნავია, რომ ჯერ კიდევ აქციამდე, ერთი დღით ადრე დაიწყო შემოწირულობების მოტანა ინფორმაციის თავისუფლების განვითარების ინსტიტუტის (IDFI) ოფისში.


საქველმოქმედო აქციაში ჩაერთვნენ როგორც საქართველოს, ასევე სხვა ქვეყნების მოქალაქეებიც და სოფელ სკრის დევნილთა დასახმარებლად, სპეციალურ პუნქტში, ტანსაცმელი, წიგნები და სხვა საყოფაცხოვრებო ნივთები მიიტანეს. მოქალაქეებთან ერთად, საქველმოქმედო აქციაში მონაწილეობა მიიღო „სამოქალაქო ჟურნალისტიკის კლუბმა“ და სხვადასხვა არასამთავრობო და საერთაშორისო ორგანიზაციების წარმომადგენლებმა.


გორის რაიონში, სოფელ სკრაში, დევნილთა დასახლება 2008 წლის, რუსეთ-საქართველოს აგვისტოს ომის შემდეგ არსებობს. აღნიშნულ დასახლებაში დაახლოებით 86 ოჯახი ცხოვრობს (მათ შორის 102 ბავშვი), რომლებიც იძულებულნი გახდნენ დაეტოვებინათ თავიანთი სახლები. აღსანიშნავია, რომ მათი მნიშვნელოვანი ნაწილი სოციალურად დაუცველი პირია და ისინი საკმაოდ მძიმე პირობებში ცხოვრობენ.


როგორც საყოველთაოდ ცნობილია, 2008 წლის აგვისტოში, რუსეთის შეიარაღებულმა ძალებმა დაარღვიეს საქართველოს სუვერენიტეტი და ტერიტორიული მთლიანობა. მოახდინეს საქართველოს განუყოფელი ტერიტორიული ერთეულების, აფხაზეთისა და ცხინვალის რეგიონების ოკუპაცია. შემდგომში, ოკუპირებული რეგიონები რუსეთმა აღიარა დამოუკიდებელ სახელმწიფოებად.


მიღებულ შემოწირულობას „ინფორმაციის თავისუფლების განვითარების ინსტიტუტის“ (IDFI) წარმომადგენლები სოფელ სკრაში დევნილთა დასახლებაში ჩაიტანენ და „იმედის სხივის“ დახმარებით მიაწვდიან მაცხოვრებლებს.

 

იხილეთ ფოტო ალბომი 

სხვა მასალები ამ თემაზე
სიახლეები

მუნიციპალიტეტების საპრივატიზებო ქონების საფასურის განსაზღვრის პრაქტიკა და ტენდენციები

11.08.2022

IDFI-ს წარმომადგენელმა, კამპანიის - „რუსეთს უნდა ომი, და არა დასავლეთს“ - ფარგლებში, გორში მოხსენება წარადგინა

08.08.2022

ქალაქ გორში, კონკურსის “ომის მეხსიერება ქალაქში” გამარჯვებულების დაჯილდოება და მიურალის გახსნა შედგა

07.08.2022

IDFI-ის მიმდინარე პროექტის ფარგლებში “ ახალი იდენტობა ქალაქ გორისთვის”, ვებ-გვერდი შეიქმნა: www.gorimaps.ge

07.08.2022
განცხადებები

ვეხმიანებით ევროკომისიის ანგარიშს საქართველოს მიერ ასოცირების შეთანხმების იმპლემენტაციის თაობაზე

15.08.2022

ვეხმიანებით იოსებ გოგაშვილის საქმეს და ბრალდებულის მიმართ შესაძლო მუქარის ფაქტს

12.08.2022

ევროპელ მოსამართლეთა საკონსულტაციო საბჭო კოალიციის განცხადებას ეხმიანება

12.08.2022

"შინ ევროპისკენ" კლიპის განთავსების გამო კრიტიკული მედიის სანქცირების მოთხოვნა პოლიტიკური დევნის კიდევ ერთი ნიშანია

10.08.2022
ბლოგპოსტები

საჯარო ინფორმაციის ხელმისაწვდომობა და უფლება სამართლიან სასამართლოზე

11.07.2022

ქართული პრესისა და ბეჭდვითი მედიის ცენზურის ისტორია

03.05.2022

9 მაისის აღნიშვნა რუსეთში

02.05.2022

ციფრული უფლებები ღია მმართველობის პარტნიორობის ფარგლებში

15.04.2022