კორუფციასთან ბრძოლის სასერტიფიკატო პროგრამის ანტიკორუფციული პოლიტიკის მოდული დასრულდა

სიახლეები | კარგი მმართველობა | სტატია 21 თებერვალი 2020

კორუფციასთან ბრძოლის სასერტიფიკატო პროგრამის მსმენელებმა მესამე მოდული ანტიკორუფციული პოლიტიკის შესახებ (ანტიკორუფციული პოლიტიკა საჯარო დაწესებულებებში, კერძო და არასამთავრობო სექტორებში) წარმატებით დაასრულეს.

 

სასწავლო კურსს კითხულობდა საქართველოს ბანკის ფულის გათეთრების წინააღმდეგ ბრძოლისა და შესაბამისობის სამსახურის ხელმძღვანელი - თამარ გოდერძიშვილი. მოდულის ფარგლებში მსმენელებმა სხვა თემატიკასთან ერთად შეისწავლეს ისეთი საკითხები როგორიცაა ანტიკორუფციული პოლიტიკის საერთაშორისო ჩარჩო - საჯარო და კერძო სექტორისთვის, ორგანიზაციული კულტურა და მესიჯი მენეჯმენტისაგან, კორუფციის რისკების მართვა, ადამიანური რესურსების მართვა, გამჭვირვალობის სტანდარტები კერძო სექტორისათვის, ფინანსური კონტროლის მექანიზმები, საჩუქრები და მასპინძლობის დანახარჯები, საქველმოქმედო შენატანები/სპონსორობა, შესყიდვები და მომწოდებლებთან ურთიერთობა, ადამიანური რესურსების მართვა და ანაზღაურება, ეთიკა და ქცევის ზოგადი სტანდარტები, ინტერესთა შეუთავსებლობისა და  კორუფციის პრევენცია საჯარო სექტორში, დაინტერესებულ მხარეთა ჩართულობა პოლიტიკის განსაზღვრის პროცესში, გამჭვირვალობა და ანგარიშვალდებულება.

 

ანტიკორუფციული პოლიტიკის სწავლება კორუფციასთან ბრძოლის სასერტიფიკატო პროგრამის ფარგლებში განსაკუთრებით მნიშვნელოვანია, რადგან პროგრამის მონაწილეებს შესაძლებლობა ეძლევათ გაეცნონ ანტიკორუფციული პოლიტიკის შემუშავების პროცესს და მისი დანერგვის მეთოდოლოგიას, რაც საჯარო და კერძო სფეროებში კორუფციის პრევენციის ერთ-ერთი ყველაზე აქტიური საშუალებაა.

 

კორუფციასთან ბრძოლის პროგრამის მომდევნო მოდულის ფარგლებში მსმენელები შეისწავლიან კორუფციასთან ბრძოლის სამართლებრივ მხარეს, რომელსაც იუსტიციის სამინისტროს სახელმწიფო სერვისების განვითარების სააგენტოს უფროსი - ზურაბ სანიკიძე გაუძღვება.

 

კორფუციასთან ბრძოლის სასერტიფიკატო პროგრამა ხორციელდება ინფორმაციის თავისუფლების განვითარების ინსტიტუტისა (IDFI) და ილიას სახელმწიფო უნივერსიტეტის თანამშრომლობის საფუძველზე. პროგრამა დაიწყო 8 ოქტომბერს და მის დასრულებამდე დარჩენილია 5 მოდული. პროგრამის ფინანსური მხარდამჭერია ღიასა ზოგადოების ინსტიტუტის ბუდაპეშტის ფონდი (OSI) და ხორციელდება ღია საზოგადოების ფონდის (OSGF) თანადაფინანსებით.

სხვა მასალები ამ თემაზე
სიახლეები

ღია მონაცემების სახელმძღვანელო საჯარო მოხელეებისთვის

04.12.2020

IDFI-იმ ზუგდიდის მერიის თანამშრომლებს გამჭვირვალობისა და კეთილსინდისიერების ტრენინგი ჩაუტარა

03.12.2020

ბიზნესის კორუფციის რისკის ინდექსის 2020 წლის მაჩვენებლები

03.12.2020

ლევან ავალიშვილის ლექცია - ინფორმაციის თავისუფლება კორუფციასთან ბრძოლაში

01.12.2020
განცხადებები

საჯარო მმართველობის პოლიტიკის დოკუმენტების შემუშავებასთან დაკავშირებით IDFI-სა და GYLA-ს ერთობლივი განცხადება

03.12.2020

EMC და IDFI დამოუკიდებელი საგამოძიებო მექანიზმის გამოწვევებზე

01.12.2020

კომენდანტის საათის მანიფესტაციებზე გავრცელება, უკიდურისად გაამწვავებს პოლიტიკურ კრიზისს

09.11.2020

გამოვხატავთ მზადყოფნას მედიას მატერიალური და მორალური ზიანის ანაზღაურების მიზნით გავუწიოთ უფასო იურიდიული დახმარება

09.11.2020
ბლოგპოსტები

ღია მმართველობის პარტნიორობის გაზრდილი მნიშვნელობა - პერსპექტივა დაკვირვების საფუძველზე (OGP 2030)

26.11.2020

დამოუკიდებელი ანტიკორუფციული სააგენტო - მაღალი დონის კორუფციასთან ბრძოლის ეფექტური საშუალება

06.11.2020

1930-იანი წლების რეპრესიების მეხსიერება - რას და რატომ ვიხსენებთ?

13.10.2020

გასაბჭოება - საბჭოური კოლექტიური მეხსიერების პირველი საფეხური

13.10.2020