კორუფციასთან ბრძოლის სასერტიფიკატო პროგრამის ფარგლებში, 14 ივლისს დაიწყო მერვე მოდული, რომელიც მიზნად ისახავს მსმენელებს მიაწოდოს ინფორმაცია თანამედროვე მამხილებლობასა და კორუფციის ჟურნალისტურ გამოძიებაზე.

მერვე მოდულის განმავლობაში კურსის მსმენელები შეისწავლიან ისეთ საკითხებს როგორიცაა - მხილება საჯარო და კერძო დაწესებულებებში, მხილების არსი და მნიშვნელობა, მხილების ფარგლები, ბალანსი საჯარო მოსამსახურის გამოხატვის თავისუფლებასა და სახელმწიფოსადმი ერთგულების ვალდებულებას შორის, მხილების განხორციელების პროცედურა საჯარო და კერძო დაწესებულებებში საერთაშორისო სტანდარტების მიხედვით, მამხილებლის და მასთან გათანაბრებული პირის დაცვის გარანტიები, მამხილებლის ანონიმურობის დაცვა, კონფიდენციალური ინფორმაციის გამხელა, ჟურნალისტური წყაროს კონფიდენციალურობა, ჟურნალისტური ეთიკის წესები, მედია ორგანიზაციაში ჩხრეკის შეზღუდვა.

მოდულს წაიყვანს ეკატერინე ციმაკურიძე, რომელიც „დემოკრატიის ინდექსი - საქართველო“-ს ერთ-ერთი დამფუძნებელია. ეკატერინე ციმაკურიძე გვიყვება იმ თეორიული და პრაქტიკული ცოდნის შესახებ, რომელსაც კორუფციასთან ბრძოლის სასერტიფიკატო პროგრამის მონაწილეები მისი სასწავლო მოდულის განმავლობაში მიიღებენ.

„ინფორმაციის თავისუფლების განვითარების ინსტიტუტისა“ (IDFI)და სსიპ „ილიას სახელმწიფო უნივერსიტეტის“ თანამშრომლობის საფუძველზე მეათე თვეა, რაც ხორციელდება კორუფციასთან ბრძოლის სასერტიფიკატო პროგრამა, რომელიც 8 მოდულისგან შედგება. პროგრამისფინანსურიმხარდამჭერია ღია საზოგადოების ინსტიტუტის ბუდაპეშტის ფონდი (OSI) დახორციელდება ღია საზოგადოების ფონდის (OSGF) თანადაფინანსებით.