პროექტის ‘შენი უფლებაა იცოდე“ ფარგლებში დაიწყო ინფორმაციის თავისუფლებასთან დაკავშირებული სემინარის მონაწილეების შერჩევა

სიახლეები 28 სექტემბერი 2012

IDFI-სთან პარტნიორობით ხორციელდება მოხალისეობრივი პროექტი "შენი უფლებაა იცოდე“. პროექტის ფარგლებში 2012 წლის 21 ოქტომბერს ჩატარდება ერთდღიანი ინტენსიური სემინარი ინფორმაციის თავისუფლებასთან დაკავშირებულ თეორიულ და პრაქტიკულ საკითხებზე.  

სემინარის მონაწილეებს დაურიგდებათ საჯარო ინფორმაციის საკითხების თაობაზე, საქართველოში არსებული საკანონმდებლო, თეორიული და პრაქტიკული გამოცდილების შეჯერების შედეგად, მომზადებული საკითხავი მასალა. სემინარის დასასრულს მონაწილეები შეიმუშავებენ და გააგზავნიან საჯარო ინფორმაციის საკუთარ მოთხოვნებს, გააანალიზებენ მიღებულ პასუხებს და მოამზადებენ მცირე ანალიტიკურ სტატიებს საკუთარ გამოცდილებაზე დაყრდნობით.

პროექტის თეორიული და პრაქტიკული სამუშაოების წარმატებით დასრულების შემდგომ მონაწილეები დაჯილდოვდებიან სერტიფიკატებით. სამი გამორჩეული სტატიის ავტორს გადაეცემა წამახალისებელი პრიზები, ხოლო მათი ნაშრომები გამოქვეყნდება IDFI-ის ვებ-გვერდზე/ბლოგზე.

პროექტში მონაწილეობა შეუძლიათ 16-22  წლის ახალგაზრდებს. უპირატესობა მიენიჭებათ სოციალურ-პოლიტიკური მეცნიერებებისა და იურიდიული ფაკულტეტის სტუდენტებს.

პროექტის მიზანია აამაღლოს სტუდენტების გათვითცნობიერება ღია მმართველობის, საჯარო ანგარიშვალდებულებისა და გამჭვირვალობის შესახებ. ამას გარდა, აღნიშნული ინიციატივა ისწრაფვის განავითაროს მათი პრაქტიკული უნარები ინფორმაციის მიღების უფლების გამოსაყენებლად.

პროექტის პარტნიორებია: „ინფორმაციის თავისუფლების განვითარების ინსტიტუტი“ (IDFI) და საქართველოს უნივერსიტეტი.

„შენი უფლებაა იცოდე“ წარმოადგენს Joint Civic Education-ის მიერ დაფინანსებულ მოხალისეობრივ პროექტს, რომელიც „ირის ჯგუფი მრავალფეროვნების მართვის“, MitOst e.V.-ისა და CRISP-ის ერთობლივი პროგრამაა და ხორციელდება Theodor Heuss Kolleg-ის კოორდინაციით.

პროგრამას აფინანსებენ: გერმანიის საგარეო საქმეთა სამინისტრო, რობერტ ბოშის ფონდი, გერმან მარშალის ფონდის პროექტი -  შავი ზღვის კონსორციუმი რეგიონული თანამშრომლობისთვის და გალუსტ გულბენკიანის ფონდი.

ჩამოტვირთეთ სააპლიკაციო ფორმა (ქართ).

სხვა მასალები ამ თემაზე
სიახლეები

ლევან ავალიშვილის ლექცია - ინფორმაციის თავისუფლება კორუფციასთან ბრძოლაში

01.12.2020

ონკოლოგიური მკურნალობის ხელმისაწვდომობა საქართველოში

30.11.2020

IDFI-იმ თელავისა და ლაგოდეხის მუნიციპალიტეტების მერიების თანამშრომლებისთვის გამჭვირვალობის, ანგარიშვალდებულებისა და კეთილსინდისიერების შესახებ ტრენინგები გამართა

27.11.2020

თამარ ჩუგოშვილის ლექცია - კორუფციასთან ბრძოლის დამოუკიდებელი მექანიზმის შექმნა

27.11.2020
განცხადებები

EMC და IDFI დამოუკიდებელი საგამოძიებო მექანიზმის გამოწვევებზე

01.12.2020

კომენდანტის საათის მანიფესტაციებზე გავრცელება, უკიდურისად გაამწვავებს პოლიტიკურ კრიზისს

09.11.2020

გამოვხატავთ მზადყოფნას მედიას მატერიალური და მორალური ზიანის ანაზღაურების მიზნით გავუწიოთ უფასო იურიდიული დახმარება

09.11.2020

არასამთავრობო ორგანიზაციები 2020-ის წლის საპარლამენტო არჩევნებს აფასებენ

05.11.2020
ბლოგპოსტები

ღია მმართველობის პარტნიორობის გაზრდილი მნიშვნელობა - პერსპექტივა დაკვირვების საფუძველზე (OGP 2030)

26.11.2020

დამოუკიდებელი ანტიკორუფციული სააგენტო - მაღალი დონის კორუფციასთან ბრძოლის ეფექტური საშუალება

06.11.2020

1930-იანი წლების რეპრესიების მეხსიერება - რას და რატომ ვიხსენებთ?

13.10.2020

გასაბჭოება - საბჭოური კოლექტიური მეხსიერების პირველი საფეხური

13.10.2020