აპლიკაციების მიღება IDFI-ის ტრენინგისთვის ელ-ჩართულობის შესახებ

სიახლეები | ტრენინგები 6 აგვისტო 2014

IDFI (ინფორმაციის თავისუფლების განვითარების ინსტიტუტი) აცხადებს განაცხადების მიღებას პროექტის „ახალგაზრდებში მთავრობის გასაკონტროლებლად საჭირო ელ-უნარების განვითარება“  ფარგლებში დაგეგმილი ტრენინგისთვის. 

 

თუ თქვენ :

  • ხართ სტუდენტი, ბლოგერი, სამოქალაქო აქტივისტი ან/და დამწყები ჟურნალისტი (18-დან 25 წლამდე);
  • გაინტერესებთ ელექტრონული მმართველობისა და ხელისუფლების ანგარიშვალდებულების საკითხები;
  • მზად ხართ თავად დააკვირდეთ ხელისუფლების საქმიანობას და შეაფასოთ მოქალაქეებთან მათი კომუნიკაციის ხარისხი;
  • გაინტერესებთ ანალიტიკური საქმიანობა.

 

მაშინ საშუალება გეძლევათ:

  • გაიღრმავოთ ცოდნა შემდეგ საკითხებზე:

           1. საჯარო ინფორმაციის ელექტრონული გამოთხოვნა;

           2. საჯარო დაწესებულებების მოქალაქეებთან კომუნიკაციის ელექტრონული საშუალებების (სოციალური ქსელები, ვებ-გვერდები, ელ- ფოსტა, სადისკუსიო ფორუმები) მონიტორინგი;

           3. მთავრობის საქმიანობის შეფასებისთვის ღია წყაროების გამოყენება.

  • პრაქტიკაში გამოიყენოთ მიღებული ცოდნა და მონიტორინგი გაუწიოთ სახელისუფლებო საკომუნიკაციო საშუალებებს, IDFI-ის გამცდილი ანალიტიკოსების მუდმივი კონსულტაციების დახმარებით;
  • მონაწილეობა მიიღოთ ტრენინგის შემდგომ დაგეგმილ ესსეების კონკურსში.

 

დამატებითი ინფორმაცია ტრენინგების შესახებ:

 

ტრენინგში მონაწილეობა უფასოა. ტრენინგები ჩატარდება 14 სექტემბრიდან 26 სექტემბრის პერიოდში. თითოეული მონაწილე დაესწრება ერთდღიან ტრენინგს და მიიღებს პრაქტიკულ და თეორიულ ინფორმაციას თანამედროვე ტექნოლოგიების დახმარებით ხელისუფლების საქმიანობის მონიტორინგისა და მის წარმომადგენლებთან კომუნიკაციის დამყარების შესაძლებლობებზე. მონაწილეებს დაურიგდებათ ამ საკითხებზე მომზადებული საკითხავი მასალა. მიღებული თეორიული და პრაქტიკული უნარებით, მონაწილეები ტრენინგის შემდეგ თავად შეაფსებენ ხელისუფლების საქმიანობას, რის საფუძველზეც მოამზადებენ ანალიტიკურ სტატიებს და მონაწილეობას მიიღებენ ესეების კონკურსში. 

 

ესსების კონკურსის ყველა მონაწილეს გადაეცემა სერთიფიკატი და IDFI-ის სარეკომენდაციო წერილი. საინტერესო სტატიები გამოქვეყნდება IDFI-ის ვებ-გვერდსა და ბლოგზე, რომელიც ეხება ელექტრონული ჩართულობის საკითხებსსამი გამარჯვებული დაჯილდოვდება სპეციალური პრიზით (Kindle).

 

აპლიკაციის შესავსებად მიყევით მოცემულ ბმულს

 

განცხადებების მიღების ბოლო ვადაა: 6 სექტემბერი, 2014

დამატებითი კითხვების არსებობის შემთხვევაში მოგვწერეთ: info@idfi.ge

 

IDFI პროექტს - „ახალგაზრდებში მთავრობის გასაკონტროლებლად საჭირო ელ-უნარების განვითარება“ - ახორციელებს საქართველოში აშშ-ის საელჩოს ფინანსური მხარდაჭერით. იგი მიზნად ისახავს ახალგაზრდებში კრიტიკული აზროვნების გაუმჯობესებას. კერძოდ, პროექტის ამოცანაა გაიზარდოს სტუდენტების, ახალგაზრდა აქტივისტებისა და სამოქალაქო საზოგადოების წევრების ცნობიერება იმ თანამედროვე მექანიზმების შესახებ, რომლებიც საჭიროა მთავრობის ანგარიშვალდებულების მისაღწევად და გადაწყვეტილების მიმღებ პირებთან პირდაპირი კონტაქტის დასამყარებლად. 

სხვა ტრენინგები ამ თემაზე
სიახლეები

„ინფორმაციული უსაფრთხოების შესახებ“ კანონპროექტის რისკები და გამოწვევები - IDFI-ს შეფასება

10.11.2019

სასამართლო რეფორმის შედეგების შეფასება - დისციპლინური პასუხისმგებლობის სისტემა

08.11.2019

საგანგებო სიტუაციების მართვის სამსახურის ბიუროკრატიული აპარატის და ხარჯების ანალიზი

06.11.2019

ქალაქ თბილისის მერიის და საკრებულოს ხარჯები: 2017-2018 წლები - ვიზუალიზაცია

04.11.2019
განცხადებები

კვლავ არსებობს კითხვები გენერალური პროკურორის დიპლომთან დაკავშირებით

17.10.2019

განცხადება სახელმწიფო ავტოპარკის ოპტიმიზაციის აუცილებლობის შესახებ

18.09.2019

იურიდიული კომიტეტის მიერ სამუშაო ჯგუფის დაკომპლექტების შეფასება

17.09.2019

კორუფციასთან ბრძოლის სასერტიფიკატო პროგრამა

15.09.2019
ბლოგპოსტები

გამოკითხვის ექსპერიმენტი

31.10.2019

პროკურატურის დამოუკიდებლობასთან დაკავშირებით მოსახლეობის აზრი გაყოფილია

30.10.2019

უზენაესი სასამართლოს მოსამართლეების შერჩევა: რა იცის და რა დამოკიდებულება აქვს ხალხს საქართველოში ამ პროცესის შესახებ

21.10.2019

ღია მმართველობის პარტნიორობა - გასაღები მდგრადი განვითარების მიზნების შენელებული პროგრესის საპასუხოდ

20.09.2019