კვლევის პრეზენტაცია - საჯარო მმართველობის საუკეთესო ევროპული პრაქტიკა და საქართველო

სიახლეები | კორუფციასთან ბრძოლა | ღია მმართველობა | სტატია 11 ნოემბერი 2021

2021 წლის 10 ნოემბერს, ინფორმაციის თავისუფლების განვითარების ინსტიტუტმა (IDFI) და საქართველოს ახალგაზრდა იურისტთა ასოციაციამ (GYLA), ევროკავშირის მხარდაჭერით, კვლევის „საჯარო მმართველობის საუკეთესო ევროპული პრაქტიკა და საქართველო“ პრეზენტაცია გამართა.

 

ღონისძიების მონაწილეებს მისასალმებელი სიტყვით მიმართეს ინფორმაციის თავისუფლების განვითარების ინსტიტუტის აღმასრულებელმა დირექტორმა, გიორგი კლდიაშვილმა, საქართველოში ევროკავშირის წარმომადგენლობის მართვისა და ადამიანური კაპიტალის პროგრამის გუნდის ხელმძღვანელმა, კოლომბ დე მერსემ და საქართველოს ახალგაზრდა იურისტთა ასოციაციის დემოკრატიული ინსტიტუტების მხარდაჭერის პროგრამის დირექტორმა, ვახუშტი მენაბდემ.

 

კვლევა ფარავს პოლიტიკის დაგეგმვისა და კოორდინაციის, ანგარიშვალდებულების, სახელმწიფო სერვისების მიწოდებისა და საჯარო ფინანსების მართვის მიმართულებებს.  კვლევის მიზანს წარმოადგენდა აღნიშნული მიმართულებებით წარმატებული ევროპული ქვეყნების მოდელების შესწავლა და მათი საჯარო მმართველობის სისტემების ანალიზის საფუძველზე რეკომენდაციების შემუშავება საქართველოს საჯარო მმართველობის რეფორმის ეფექტიანად განხორციელების ხელშეწყობის მიზნით.

 

კვლევის ფარგლებში ასევე გაანალიზდა საქართველოს საჯარო მმართველობის სისტემა და ზემოაღნიშნულ მიმართულებებთან დაკავშირებით არსებული გამოწვევები.

 

„საუკეთესო ქვეყნების პრაქტიკაზე დაყრდნობით მოვამზადეთ დამატებითი რეკომენდაციები, რაც ვფიქრობთ, დაეხმარება საქართველოს მთავრობას, რომ უფრო ეფექტიანად განახორციელოს საჯარო მმართველობის რეფორმა.“ - აღნიშნა გიორგი კლდიაშვილმა

 

კვლევის პრეზენტაციის შემდეგ გაიმართა ანალიტიკური სტატიების კონკურსის „საჯარო მმართველობის რეფორმა  საქართველოში“ გამარჯვებულთა დაჯილდოება. კონკურსი მიზნად ისახავდა საჯარო მმართველობის რეფორმის შესახებ ცნობიერების ამაღლებას და პრობლემურ საკითხებზე დისკუსიების წახალისებას.

 

კონკურსში მონაწილეობა მიიღო 30-მდე მონაწილემ, რომელთაგან საკონკურსო კომისიის მიერ გამოვლინდა სამი გამარჯვებული:

 

პირველი ადგილი: ნიკა ხომასურიძე - „პოლიტიკური დაფინანსების ანგარიშვალდებულებისა და გამჭვირვალობის გამოწვევები საქართველოში“

 

მეორე ადგილი: ბაჩო ბითარი ხუროშვილი - „სამოხელეო პოლიტიკისა და საჯარო სამსახურის გამოწვევები საქართველოს საჯარო მმართველობის სისტემაში“

 

მესამე ადგილი: ნინო ტაგანაშვილი -„ციფრული სერვისები, როგორც სახელმწიფოს, ბიზნესსა და მოქალაქეებს შორის ინტერაქციის პირდაპირი საშუალება MY.GOV.GE-ს მაგალითზე“

 

გამარჯვებული სტატიები გამოქვეყნდება IDFI-ის ვებგვერდსა (www.IDFI.ge) და სოციალურ გვერდებზე საავტორო უფლებების დაცვით.

 

გაეცანით კვლევას აქ

იხილეთ პრეზენტაციის ვიდეო ჩანაწქრი აქ

 

სხვა მასალები ამ თემაზე
სიახლეები

IDFI-მ ქედის, სენაკის, ონისა და საგარეჯოს მუნიციპალიტეტების წარმომადგენლებისთვის SDG-ების ლოკალიზების შესახებ ტრენინგები გამართა

24.05.2022

სსო მეტრი - სამოქალაქო საზოგადოების ორგანიზაციების საარსებო გარემოს შეფასება

24.05.2022

აჭარის უმაღლესი საბჭოს ღია მმართველობის საბჭოსა და საკონსულტაციო ჯგუფის შეხვედრა

23.05.2022

საჯარო ინფორმაციის ხელმისაწვდომობა საქართველოში 2021

23.05.2022
განცხადებები

კოალიცია ნიკა გვარამიას საქმეზე გამოტანილ გადაწყვეტილებას ეხმაურება

20.05.2022

ევროკავშირის კითხვარის პასუხების გასაჯაროების შესახებ

02.05.2022

არასამთავრობო ორგანიზაციების ერთობლივი განცხადება ბიძინა ივანიშვილისა და რუსი ბიზნესმენის ვლადიმერ ევტუშენკოვის გავრცელებული სავარაუდო აუდიოჩანაწერის შესახებ.

27.04.2022

ფარული მიყურადების მარეგულირებელი კანონმდებლობა კიდევ უფრო უარესდება

21.04.2022
ბლოგპოსტები

ქართული პრესისა და ბეჭდვითი მედიის ცენზურის ისტორია

03.05.2022

9 მაისის აღნიშვნა რუსეთში

02.05.2022

ციფრული უფლებები ღია მმართველობის პარტნიორობის ფარგლებში

15.04.2022

რუსული დეზინფორმაციის ტენდენციები საქართველოში უკრაინის ომის პარალელურად

04.04.2022