IDFI-ის განცხადება თბილისის სახელმწიფო უნივერსიტეტში მიმდინარე მოვლენებთან დაკავშირებით

განცხადებები 15 მარტი 2016

როგორც მოგეხსენებათ, თბილისის სახელმწიფო უნივერსიტეტში 7 მარტიდან მიმდინარეობს სტუდენტების პროტესტი, რომელთაც სამი მთავარი მოთხოვნა აქვთ:


1. სტუდენტური თვითმმართველობის რეფორმირება
2. საუნივერსიტეტო სივრცეში ე.წ. “ოდეერის” ინსტიტუტის არსებობის გამოძიება
3. უნივერსიტეტის კანცლერის პოზიციაზე გიორგი გაფრინდაშვილის კანდიდატურის მოხსნა.


ორშაბათს, 14 მარტს, 12:00 სთ-ზე I კორპუსის ეზოში თსუ-ს სტუდენტური თვითორგანიზებული მოძრაობა “აუდიტორია 115”-მა გამართა აქცია. ამავე დროს, იმავე ადგილას, თავისი დემონსტრაცია გამართა თსუ-ს თვითმმართველობამ, რითიც იგი აშკარად ცდილობს ვითარების ესკალაციას. 


განსაკუთრებით უნდა აღინიშნოს, რომ თსუ-ს თვითმმართველობა აყენებს რექტორის, აკადემიკოს ვლადიმერ პაპავას პასუხისმგებლობის საკითხს, მაშინ როდესაც ვლადიმერ პაპავა დამოუკიდებელი სტუდენტების აქციის დაწყებისთანავე იყო დიალოგში სტუდენტებთან, მათთან ერთად აპროტესტებდა თსუ-ს შენობაში პოლიციის შესვლას და თავადვე აღიარა უნივერსიტეტში ე.წ. „ოდეერის“ ინსტიტუტის არსებობა, რომელიც სრულად ეწინააღმდეგება საქართველოში მოქმედ კანონმდებლობას. შესაბამისად, თსუ-ს თვითმმართველობის მხრიდან ვლადიმერ პაპავას რექტორის თანამდებობიდან გადაყენების მოთხოვნა შექმნილ ვითარებაში არასწორ აქცენტებს სვამს.


ამავე დროს, უნდა აღინიშნოს, რომ 14 მარტს საღამოს საათებში, განსაკუთრებით დაიძაბა სიტუაცია უნივერსიტეტის I კორპუსში, სადაც უნივერსიტეტის დაცვამ ვერ უზრუნველყო თსუ-ს თვითმმართველობის წარმომადგენელთა მხრიდან უნივერსიტეტში არეულობის მცდელობის აღკვეთა.


IDFI მოუწოდებს სტუდენტებს შეინარჩუნონ კონსტრუქციული დიალოგი და არ მოახდინონ სიტუაციის კიდევ მეტად ესკალაცია. ორგანიზაცია ასევე მოუწოდებს სამართალდამცავ ორგანოებს უზრუნველყონ სტუდენტთა უსაფრთხოება და აღკვეთონ უნივერსიტეტში ძალადობა.


IDFI-ს მიაჩნია, რომ უნივერსიტეტი საჭიროებს ფუნდამენტურ რეფორმას სტუდენტთა ჩართულობის გასაუმჯობესებლად. სტუდენტური თვითმმართველობა წარსული და დღევანდელი გამოცდილებით არათუ ვერ უზრუნველყოფს სტუდენტთა სათანადო ჩართულობას საუნივერსიტეტო ცხოვრებაში, არამედ წარმოადგენს გაუმჭვირვალე და ჩაკეტილ ინსტიტუციას, რომელიც ხშირ შემთხვევაში წარმოდგენს დაპირისპირების მხარეს.

სხვა მასალები ამ თემაზე
სიახლეები

განათლების სექტორის მიმოხილვა COVID-19 პანდემიის პირობებში

29.07.2021

საქართველოს პარლამენტმა საქართველოს ღია პარლამენტის 2021-2022 წლების სამოქმედო გეგმა დაამტკიცა

27.07.2021

სამოქალაქო საზოგადოების ორგანიზაციების მხარდაჭერა ციფრულ არქივირებაში: ყოფილი საბჭოთა ქვეყნების - ბელარუსის, საქართველოსა და უკრაინის სამოქალაქო საზოგადოების ორგანიზაციების გამოცდილება

27.07.2021

Covid-19-თან დაკავშირებული გამარტივებული შესყიდვები 2021

26.07.2021
განცხადებები

ქართული ოცნების გადაწყვეტილება საფრთხეს უქმნის საქართველოს სტაბილურობას და მომავალს

28.07.2021

მოვუწოდებთ ყველა საჯარო პირს შეწყვიტოს საზოგადოებაში მტრული განწყობების გაღვივება და მედიის დისკრედიტაცია

23.07.2021

სამოქალაქო ორგანიზაციებისა და მედიასაშუალებების წერილი შარლ მიშელს

19.07.2021

IDFI საქართველოს პრემიერ-მინისტრისა და შინაგან საქმეთა მინისტრის გადადგომის მოთხოვნას ეხმიანება

12.07.2021
ბლოგპოსტები

ფართოზოლოვანი ინფრასტრუქტურის სახელმწიფო პროგრამის საპილოტე პროექტი ოზურგეთში

13.05.2021

მოსაზრებები სამუსლიმანო საქართველოს სახელმწიფოებრივ კუთვნილებასთან დაკავშირებით

10.03.2021

1921 წლის ოკუპაცია და „პერესტროიკის“ ხანის ქართული გაზეთები

10.03.2021

საბჭოთა ოკუპაციის ნარატივი რუსეთ-საქართველოს თანამედროვე ურთიერთობების ფონზე: პოლიტიკა, მეხსიერება, იდენტობა

10.03.2021