ციფრული მაუწყებლობა აჭარაში - 30 ივლისს აჭარაში ანალოგური სიგნალი გამოირთვება

სიახლეები | მედია, ინტერნეტი და ინოვაციები | პუბლიკაციები | ანალიზი 29 ივლისი 2015

მიმდინარე წლის 30 ივლისს აჭარაში ანალოგური სიგნალი სრულად გაითიშება და რეგიონი ციფრულ მაუწყებლობაზე გადავა. ბათუმში, ხულოში, ქედაში, შუახევისა და მიმდებარე ტერიტორიებზე მცხოვრებ მოსახლეობას, რომელიც სამაუწყებლო სიგნალს სახლის სახურავზე დამონტაჟებული ანტენით იღებდა, ციფრული სიგნალის მისაღებად სეტ ტოპ ბოქსი დასჭირდება, თუ მის ტელევიზორს არ აქვს DVB T2 სტანდარტის მხარდაჭერა. რესივერის მიერთების შემდეგ ნაცვლად რამდენიმე მაუწყებლისა, მათთვის 30-მდე არხი ციფრულ ფორმატში იქნება ხელმისაწვდომი. 


IDFI-ს წარმომადგენელი უჩა სეთური ეკონომიკისა და მდგრადი განვითარების სამინისტროს, ციფრული მაუწყებლობის სააგენტოსა და კომუნიკაციების ეროვნულ კომისიის წარმომადგენლებთან ერთად 27 ივლისს ბათუმში მოსახლეობას შეხვდა. მათ ადგილობრივებს მიაწოდეს ინფორმაცია დაგეგმილი ცვლილების შესახებ და აუხსნეს, თუ როგორ უნდა მოემზადოს მოქალაქე ციფრულ მაუწყებლობაზე გადასასვლელად.


ანალოგური სიგნალი უკვე გამოირთო თბილისში, რუსთავსა და მიმდებარე ტერიტორიაზე, აგრეთვე იმერეთსა და გურიაში.


ციფრული სიგნალის მისაღებად რეკომენდირებულია სახლის სახურავზე განთავსებული მეტრულ-დეციმეტრული ანტენა. ტელევიზორთან ანტენისა და სეტ ტოპ ბოქსის მიერთების შემდეგ მომხმარებლისთვის უფასოდ ხელმისაწვდომი იქნება 30-მდე ქართული ციფრული არხი, მათ შორის ადგილობრივი ტელეკომპანიები.


ინფორმაციის თავისუფლების განვითარების ინსტიტუტი (IDFI), რომელიც ციფრულ მაუწყებლობაზე გადასვლის პროცესის მონიტორინგს 2012 წლიდან ახორციელებს, აკვირდება სეტ ტოპ ბოქსების კონცენტრაციას ბაზარზე. ორგანიზაციამ ინფორმაცია მიიღო როგორც იმპორტიორი კომპანიებისგან, ასევე სამომხმარებლო ტექნიკის მაღაზიებისგან. გარდა ამისა, IDFI-ს წარმომადგენლები უშუალოდ იმყოფებოდნენ თბილისში მდებარემაღაზიებში.


მიღებული ინფორმაციის თანახმად, მთელი საქართველოს მასშტაბით ამ დროისთვის გაყიდულია დაახლოებით 130 ათასი ცალი სეტ ტოპ ბოქსი. ამას ემატებაბაზრობაზე შემოტანილი კიდევ სამი ტიპის სეტ ტოპ ბოქსი -Youmax, Superbox და Eurostar, რომელიც ძირთადად ბაზრობებზე იყიდება და Sven-ის ფირმის რესივერი, რომელიც მაღაზია „არაითუმოროუს“ მაღაზიათა ქსელშია განთავსებული. ორგანიზაციის ინფორმაციით მთლიანი რაოდენობა 120-130 ათასი ცალის 20 ივლისის მდგომარეობით.


საცალო ქსელებში კონკურენციის ზრდის შემდეგ სეტ ტოპ ბოქსების ღირებულებამ რიგ მაღაზიებში 60-დან 50 ლარამდე დაიკლო. ამ ფასად TV Star-ის ის მოდელი იყიდება, რომელსაც არ მოყვება კაბელები, თუმცა კაბელების ყიდვის შემთხვევაშიც ეს თანხა 60 ლარს არ სცდება. ამავე ფირმის რესივერები კაბელებთან ერთად 40 ლარად იყიდება ფასდაკლების სხვადასხვა ვებ გვერდებზე.


შედარებით ძვირი 64 ლარი ღირს AG-ს ფირმის სეტ ტოპ ბოქსები, რომელსაც მხოლოდ ე.წ.სამფერიანი კაბელი მოყვება. აღსანიშნავია, რომ ზოგიერთმა მაღაზიამ მისი ფასი 70-75 ლარამდე გააძვირა. დაახლოებით ამდენივე ღირს Youmax-სა და Superbox-ის ბრენდის რესივერებიც (მოჰყვება კაბელებიც). თუმცა, მას TV Star-სა და AG-სგან განსხვავებით ქართული მენიუ არ აქვს.


ყველაზე ძვირი, 95 ლარი, კვლავაც „არაი თუმოროუს“ ქსელში განთავსებული Sven-ის მიერ წარმოებული სეტ ტოპ ბოქსი ღირს.


აღსანიშნავია, რომ ყველა ზემოთ აღნიშნული ბრენდის სეტ ტოპ ბოქსს აქვს DVB T2 სტანდარტის მხარდაჭერა, შესაბამისად, თავსებადია საქართველოში არსებულ ციფრულ სიგნალთან.


ნებისმიერი ფასის სეტ ტოპ ბოქსი ერთნაირი რაოდენობის არხს იღებს და ყველა მათგანის მიერთების შემდეგ მომხმარებელი გაუმჯობესებული გამოსახულების ხარისხს მიიღებს.


ქვემოთ წარმოდგენილია ბათუმში მდებარე მაღაზიების სია, სადაც სეტ ტოპ ბოქსის შეძენა არის შესაძლებელი.

 

სხვა მასალები ამ თემაზე
სიახლეები

IDFI-იმ ოზურგეთის მერიისა და საკრებულოს თანამშრომლების ღია მონაცემებზე ტრენინგი ჩაუტარა

21.10.2020

IDFI-მ პროექტის „კოვიდ-19-თან დაკავშირებული სახელმწიფო ხარჯების და ადამიანის უფლებების მდგომარეობის მონიტორინგი“ პრეზენტაცია გამართა

20.10.2020

Freedom House: საქართველოს ქულა ინტერნეტის თავისუფლების რეიტინგში გაუმჯობესდა

16.10.2020

მსოფლიო მმართველობის ინდიკატორები - საქართველო მსოფლიო ბანკის 2020 წლის შეფასებით

15.10.2020
განცხადებები

არასამთავრობო ორგანიზაციები საქართველოს საგამოძიებო და უსაფრთხოების უწყებებს, ასევე აუდიტის სამსახურს „პატრიოტთა ალიანსის“ შესახებ „დოსიეს“ მიერ გასაჯაროვებულ ინფორმაციაზე ადეკვატური რეაგირებისკენ მოუწოდებენ

02.10.2020

IDFI-ს განცხადება სასამართლოს გადაწყვეტილებების ხელმისაწვდომობის თაობაზე

24.09.2020

არასამთავრობოები მოქმედი მოსამართლეების წინააღმდეგ წარმოებული სისხლის სამართლის საქმეებზე ინფორმაციის გაასაჯაროებას მოითხოვენ

11.09.2020

კოალიცია საქართველოს პარლამენტში ინიცირებულ „საერთო სასამართლოების შესახებ” საქართველოს ორგანულ კანონში შესატან ცვლილებათა კანონპროექტს ეხმიანება

08.09.2020
ბლოგპოსტები

1930-იანი წლების რეპრესიების მეხსიერება - რას და რატომ ვიხსენებთ?

13.10.2020

კიბერშეტევა ჯანდაცვის სამინისტროზე და რუსული კვალი

03.09.2020

გამჭვირვალე სახელმწიფო შესყიდვების რეიტინგში უკრაინის წამყვანი პოზიცია საშიშროების წინაშე დგას

02.09.2020

რუსული სპორტი და პოლიტიკა

13.08.2020