სამუშაო შეხვედრა იუსტიციის სამინისტროში

სიახლეები | კორუფციასთან ბრძოლა | პუბლიკაციები | ანალიზი 15 მაისი 2014

14 მაისს იუსტიციის სამინისტროში გაიმართა შეხვედრა არასამთავრობო ორგანიზაციების წამომადგენლებთან, სადაც მონაწილეებმა განიხილეს 2014-15 წლების სამოქმედო გეგმით აღებული ვალდებულებები, არასამთავრობო ორგანიზაციებმა წარადგინეს რეკომენდაციების რამდენიმე მათგანთან დაკავშირებით.

შეხვედრა ასევე შეეხო დუბლინში გამართულ ევროპის რეგიონულ შეხვედრას, რომელსაც საქართველოს დელეგაციაც ესწრებოდა. რუსუდან მიხელიძემ, იუსტიციის სამინისტროს ანალიტიკური დეპარტამენტის უფროსმა, რომელიც დუბლინში სიტყვით გამოვიდა, რეგიონული შეხვედრა საქართველოსთვის დადებითად შეაფასა. მისი თქმით, საქართველო გამოირჩევა ინოვაციური და ამბიციური პროექტებით. მათ შორის დიდი გამოხმაურება მოჰყვა ichange.ge-ს კონცეფციამ. რუსუდან მიხელიძემ დამსწრეებს გააცნო სხვა ქვეყნების მიერ წარდგენილი პროექტები და შეხვედრაზე გაჟღერებული საინტერესო იდეები.

ამავე შეხვედრის ფარგლებში განიხილეს ღია მმართველობის ჯილდოს კონკურსზე წარსადგენი პროექტები. 2014 წლის საკონკურსო თემაა საზოგადოების ჩართულობა. პარტნიორობის მიერ შეიქმნა სპეციალური ვებგვერდი, სადაც ქვეყნები წარადგენენ კონკურსის თემასთან დაკავშირებულ თავიანთ პროექტებს.

პარტნიორობის მიზანია, წევრმა ქვეყნებმა დაასახელონ ის ინიციატივები, რომლებიც საზოგადოების ჩართულობის გაზრდასა და გაძლიერებას ემსახურება საჯარო პოლიტიკის ან სერვისების გაუმჯობესების კუთხით. რეგისტრაციისათვის განკუთვნილი საბოლოო ვადაა 30 მაისი, ხოლო ვებგვერდის მეშვეობით ინიციატივების წარდგენა 2014 წლის 27 ივნისამდე უნდა დასრულდეს.

შეხვედრაზე გამოიკვეთა რამდენიმე ქართული პროექტი, რომელთაგან ერთ-ერთი კონკურსში მიიღებს მონაწილეობას.

 

 

სხვა მასალები ამ თემაზე
სიახლეები

IDFI-ის ტრენინგი მონაცემთა ჟურნალისტებისთვის

15.10.2021

ტრენინგი სახელმწიფო ინსპექტორის სამსახურის თანამშრომლებისთვის

13.10.2021

სოციალურად დაუცველთა სტატისტიკა და არჩევნები 2019-2021

12.10.2021

სამთავრობო OGP-ის რეგრესი საქართველოში

06.10.2021
განცხადებები

IDFI საარჩევნო კოდექსსა და „მაუწყებლობის შესახებ“ საქართველოს კანონში შესატან ცვლილებებს ეხმიანება

18.10.2021

კოალიცია მედიის ადვოკატირებისთვის სახელმწიფო ინსპექტორს მოსმენების ტექნიკური ინფრასტრუქტურის შემოწმებისკენ მოუწოდებს

27.09.2021

IDFI ფარული მასალების გავრცელებას ეხმიანება

17.09.2021

IDFI-ის განცხადება გენერალური პროკურორის არჩევის წესის ცვლილებასთან დაკავშირებით

08.09.2021
ბლოგპოსტები

სამთავრობო OGP-ის რეგრესი საქართველოში

06.10.2021

სიკვდილი, როგორც საარჩევნო კამპანიის ძირითადი ნარატივი საქართველოში

29.09.2021

პირადი ცხოვრების ხელშეუხებლობის უფლების დარღვევა - სისტემური გამოწვევა საქართველოსთვის

16.09.2021

სახელფასო პოლიტიკა თვითმმართველობებში და პრემიერის დაპირება

12.08.2021