www.opendata.ge -ზე (საჯარო ინფორმაციის მონაცემთა ბაზა) უკვე ხელმისაწვდომია ქვემო ქართლის რეგიონის ადგილობრივი თვითმმართველობის ორგანოებიდან IDFI-ისთვის მოწოდებული სხვადასხვა სახის საჯარო ინფორმაცია.

გამოქვეყნებული ინფორმაცია ეხება ქვემო ქართლის მერია/მუნიციპალიტეტებში 2013 წელს გაცემული პრემიების რაოდენობას, წარმომადგენლობით ხარჯებს, გადაუდებელ შესყიდვებს, ჩანაცვლებულ ავტომობილებს და სხვა.

ქვემო ქართლის რეგიონში 2013 წელს სულ გაიცა 3 331 546 ლარის პრემია. (წალკის მუნიციპალიტეტის გამგეობის მონაცემების გამოკლებით, რომელმაც ინფორმაცია არ მოგვაწოდა)

რუსთავის მერიამ 2011 წელს 1500 ლარის ღირებულების BMW 735i ჩაანაცვლა Range Rover Supercharged-ით, რომლის ფასი 173100 ლარს შეადგენს.

ხოლო 2013 წელს რუსთავის მერია წარმომადგენლობითი ხარჯების სიდიდით გამოირჩეოდა. მთლიანად რეგიონში წარმომადგენლობით ხარჯებზე დახარჯული 102 954 ლარის 63% ანუ 65039.95 ლარი სწორედ რუსთავის მერიაზე მოდის. (ინფორმაცია თეთრიწყაროსა და წალკის მუნიციპალიტეტების მიერ 2013 წელს გაწეული წარმომადგენლობით ხარჯების შესახებ არ იქნა მოწოდებული.)

გადაუდებელ შესყიდვებზე ქვემო ქართლის რეგიონში სულ 102 954 ლარი დაიხარჯა, რომლის ყველაზე მაღალი - 34% ანუ 639 391 ლარი გარდაბნის გამგეობაზე მოდის. (წალკის გამგეობის მიერ ეს მონაცამებიც არ იქნა მოწოდებული)

რუსთავის მერიიდან და საკრებულოდან მიღებული ინფორმაცია

თეთრიწყაროს მუნიციპალიტეტიდან და გამგეობიდან მიღებული ინფორმაცია

გარდაბნის მუნიციპალიტეტიდან და გამგეობიდან მიღებული ინფორმაცია

დმანისის მუნიციპალიტეტიდან და გამგეობიდან მიღებული ინფორმაცია

მარნეულის მუნიციპალიტეტიდან და გამგეობიდან მიღებული ინფორმაცია

ბოლნისის მუნიციპალიტეტიდან და გამგეობიდან მიღებული ინფორმაცია