IDFI-ის დირექტორი საერთაშორისო ანტი-კორუფციულ კონფერენციაზე სიტყვით გამოვიდა

სიახლეები | კორუფციასთან ბრძოლა | პუბლიკაციები | სტატია 4 სექტემბერი 2015

რიგით მეთექვსმეტე საერთაშორისო ანტი-კორუფციული კონფერენცია (IACC) 2 სექტემბერს მალაიზიის ქალაქ პუტრაჯაიაში გაიხსნა. კონფერენციის უცვლელ მთავარ თემაზე - უსამართლობის აღმოფხვრა - მსოფლიოს სხვადასხვა ქვეყნიდან მიწვეულმა მთავრობების, სამოქალაქო თუ კერძო სექტორის 800-მდე წარმომადგენელმა იმსჯელა.


მიწვეულთა შორის იყო IDFI-ს დირექტორი, გიორგი კლდიაშვილი, რომელიც 3 სექტემბერს სიტყვით გამოვიდა კონფერენციის ერთ-ერთ სესიაზე - ღია მმართველობის პარტნიორობის განხილვა. სესია მიზნად ისახავდა საუბრის ორი ძირითადი მიმართულებით წარმართვას, ესენია საკანონმდებლო ღიაობა და მთავრობასა და სამოქალაქო საზოგადოებას შორის თანამშრომლობა.


გიორგი კლდიაშვილმა თავის სიტყვაში ყურადღება გაამახვილა ამ ეტაპისთვის საქართველოს მიერ მიღწეულ წარმატებებზე, მთავარ გამოწვევებსა და შესაძლებლობებზე. მან ვრცლად ისაუბრა OGP-ს ფარგლებში საქართველოს მიერ ნაკისრ ანტიკორუფციულ ვალდებულებებზე, პარლამენტის სამოქმედო გეგმაზე, რომელიც ღია მმართველობის პარტნიორობის ფარგლებში შემუშავდა და ხაზი გაუსვა სამოქალაქო საზოგადოების როლს.


აღსანიშნავია, რომ IDFI ახორციელებს პროექტს „ღია მმართველობის პარტნიორობის“ ინიციატივაში საქართველოს პარლამენტის ჩართულობის მხარდაჭერა“. პროექტის ფარგლებში საქართველო რიგით მეორე სამოქმედო გეგმის განხორციელებაზე მუშაობს. სამოქმედო გეგმა პარლამენტის ინტერ-ფრაქციულმა ჯგუფმა და სამუშაო ჯგუფმა შეიმუშავა. 17 ივლისს კი, 2015-2016 წლების საქართველოს ღია პარლამენტის სამოქმედო გეგმა, პარლამენტის ბიუროს სხდომაზე დამტკიცდა. აღსანიშნავია, რომ ინფორმაციის თავისუფლების განვითარების ინსტიტუტი (IDFI) განხორციელებული აქტივობებიდან გამომდინარე, საპარლამენტო ღიაობის დეკლარაციის მხარდამჭერ ორგანიზაციად აღიარეს. 

 

სესია ორი საათის განმავლობაში მიმდინარეობდა. მას მსოფლიოს სხვადასხვა ქვეყნის მთავრობისა და სამოქალაქო სექტორის გამორჩეული რეფორმატორები ესწრებოდნენ. მონაწილეებმა იმსჯელეს მიღწეულ შედეგებზე და მომავალი წინსვლისა და გაუმჯობესების გზებზე, კერძოდ, რა მსოფლიო ტენდენციები უნდა მიიღონ მხედველობაში, როგორ ჩართონ მეტი საჯარო მოხელე და პოლიტიკოსი მეტი ღიაობის მისაღწევად, როგორ გაითვალისწინონ უფრო კომპლექსური საკითხები სამოქმედო გეგმაში და სხვა.

 

გიორგი კლდიაშვილთან ერთად მოხსენებები გააკეთეს ელიზაბეტ უნგარმა, საერთაშორისო გამჭვირვალობა კოლუმბიის აღმასრულებელმა დირექტორმა; ნიხილ დეილმა, სოციალურმა აქტივისტმა, MKSS, ინდოეთი; პოლ მაასენმა, სამოქალაქო საზოგადოების ჩართულობის დირექტორმა და OGP-ის მხარდაჭერის განყოფილების წარმომადგენელმა, რიჩარდ ბონ მოიამ, ფილიპინების ბიუჯეტისა და მენეჯმენტის დეპარტამენტის მდივნის მოადგილემ.


სიტყვით გამომსვლელებმა და დამსწრე საზოგადოებამ განიხილა, თუ რა მიღწევები უნდა ჰქონდეს OGP-ის ოთხი წლის შემდეგ.

 

კონფერენცია 4 სექტემბერს დაიხურა, ხოლო მომავალ წელს ის პანამაში გაიმართება.

 

კონფერენციაზე გამომსვლელების, მთავარი თემებისა და სხვა დეტალების შესახებ მეტი ინფორმაციისთვის დაწვრილებით გაეცანით დღის წესრიგს

სხვა მასალები ამ თემაზე
სიახლეები

IDFI-ის აღმასრულებელმა დირექტორმა ღია პარლამენტის ფორუმზე დეზინფორმაციასთან ბრძოლაში პარლამენტის როლზე ისაუბრა

03.12.2021

ვებგვერდის პრეზენტაცია - www.historyproject.ge

01.12.2021

ბენეფიციარ მესაკუთრეთა მონიტორნიგის გზამკვლევი

26.11.2021

აღმოსავლეთ ევროპის პარტნიორობის ქვეყნების პოლიტიკური გაერთიანებების წარმომადგენლები IDFI-ის ესტუმრნენ და მის საქმიანობას გაეცვნენ

26.11.2021
განცხადებები

დეზინფორმაცია და არჩევნები – 2021 წლის ადგილობრივი თვითმმართველობის არჩევნების შეჯამება

03.12.2021

კოალიცია უზენაესი სასამართლოს მოსამართლეების დანიშვნას კრიტიკულად აფასებს

02.12.2021

არასამთავრობო ორგანიზაციები საკონსტიტუციო ცვლილებებთან დაკავშირებით ირაკლი კობახიძის განცხადებას უარყოფითად აფასებენ

01.12.2021

კოალიცია პარლამენტში უზენაესი სასამართლოს მოსამართლეობის კანდიდატებთან გასაუბრებების დაწყებას ეხმაურება

24.11.2021
ბლოგპოსტები

ონლაინ ინფორმაციის მანიპულირების ეფექტები: ვინ უნდა შეიმუშავოს და განახორციელოს საჭირო მექანიზმები

20.10.2021

სამთავრობო OGP-ის რეგრესი საქართველოში

06.10.2021

სიკვდილი, როგორც საარჩევნო კამპანიის ძირითადი ნარატივი საქართველოში

29.09.2021

პირადი ცხოვრების ხელშეუხებლობის უფლების დარღვევა - სისტემური გამოწვევა საქართველოსთვის

16.09.2021