სად შეიძლება სეტ ტოპ ბოქსების შეძენა შიდა ქართლში?

სიახლეები | ინტერნეტი და ინოვაციები | პუბლიკაციები | სტატია 8 ივლისი 2015


გორში, ხაშურში, ქარელში, კასპში, დუშეთსა და მიმდებარე ტერიტორიაზე 9 ივლისს ანალოგური სიგნალი ითიშება, რაც ნიშნავს იმას, რომ მოსახლეობას, რომელიც მაუწყებლობას სახლის ანტენით იღებდა, ტელეარცების მისაღებად დამატებითი მოწყობილობა - სეტ ტოპ ბოქსი დასჭირდება, თუ ტელევიზორი არ არის ადაპტირებული DVB-T2 სტანდარტთან.


სიგნალის გამორთვამდე ეკონომიკისა და მდგრადი განვითარების სამინისტროს, ციფრული მაუწყებლობის სააგენტოს და კომუნიკაციების ეროვნული კომისიის წარმომადგენელებმა 6 ივლისს შეხვედრა გამართეს გორისა და ხაშურის მოსახლეობასთან. შეხვედრაში მონაწილეობდა „ინფორმაციის თავისუფლების განვითარების ინსტიტუტის“ (IDFI)ანალიტიკოსი ნატა ძველიშვილი.


მათ ადგილობრივ მოსახლეობას მიაწოდეს დეტალური ინფორმაცია ციფრულ მაუწყებლობაზე გადასვლის პროცესის შესახებ, აუხსნეს თუ ვის მოუწევს დამატებითი ტექნიკის შეძენა და როგორ უნდა მიუერთონ სეტ ტოპ ბოქსი ტელევიზორს. მოქალაქეების მთავარი უკმაყოფილება რესივერების ფასს უკავშირდება. მათი თქმით, ბევრს არ აქვს იმის საშუალება, რომ საშუალოდ 60 ლარი გადაიხადონ სეტ ტოპ ბოქსის შესაძენად. ეკონომიკისა და მდგრადი განვითარების სამინისტროს წარმომადგენლების განცხადებით,მიმდინარეობს მუშაობა ბანკებთან, რომ რესივერების განვადებით შეძენის შემთხვევაში დაბალი საპროცენტო განაკვეთი შესთავაზონ მომხმარებელს.


ციფრული სიგნალის მისაღებად რეკომენდირებულია სახლის სახურავზე განთავსებული მეტრულ დეციმეტრული ანტენა. ტელევიზორთან ანტენისა და სეტ ტოპ ბოქსის მიერთების შემდეგ მომხმარებლისთვის უფასოდ ხელმისაწვდომი იქნება 30-მდე ქართული ციფრული არხი, მათ შორის ადგილობრივი ტელეკომპოანიები - „დია“ და „თრიალეთი“. ციფრულ მაუწყებლობაზე სრულად უკვე გადავიდა თბილისი, რუსთავი, საგარეჯო, გარდაბანი და მიმდებარე ტერიტორიები.


IDFI-ის ინფორმაციით, შიდა ქართლის რეგიონში მხოლოდ გორსა და ხაშურში არსებულ სამომხმარებლო ტექნიკისმაღაზიებში იყიდება სეტ ტოპ ბოქსები. მათი ფასი 55 ლარიდან იწყება. მაღაზიებში ძირითადად TV Star -ის მიერ წარმოებული მოდელებია წამოდგენილი. რესივერების იმპორტიორი კომპანიების მიერ მოწოდებული ინფორმაციით, 8 ივლისის მდგომარეობით, გორსა და ხაშურში არსებულ მაღაზიებში უკვე გაყიდულია 10 000 ცალზე მეტი სეტ ტობ ბოქსი.

 

ქვემოთ მოცემულია იმ მაღაზიების შესახებ ინფორმაცია, სადაც სეტ ტოპ ბოქსები იყიდება.

 

სხვა მასალები ამ თემაზე
სიახლეები

Covid-19-თან დაკავშირებული გამარტივებული შესყიდვები 2021

26.07.2021

გამოფენა „საბჭოთა კავშირში რეპრესირებული ქალები“ დედაენის ბაღში

23.07.2021

საბჭოთა რეპრესიები ქართველი სტუდენტების მეხსიერებაში

22.07.2021

საინფორმაციო შეხვედრა ქობულეთის მუნიციპალიტეტში

21.07.2021
განცხადებები

მოვუწოდებთ ყველა საჯარო პირს შეწყვიტოს საზოგადოებაში მტრული განწყობების გაღვივება და მედიის დისკრედიტაცია

23.07.2021

სამოქალაქო ორგანიზაციებისა და მედიასაშუალებების წერილი შარლ მიშელს

19.07.2021

IDFI საქართველოს პრემიერ-მინისტრისა და შინაგან საქმეთა მინისტრის გადადგომის მოთხოვნას ეხმიანება

12.07.2021

მწუხარებას გამოვთქვამთ “TV პირველის“ ოპერატორის, ალექსანდრე ლაშქარავას გარდაცვალების გამო

11.07.2021
ბლოგპოსტები

ფართოზოლოვანი ინფრასტრუქტურის სახელმწიფო პროგრამის საპილოტე პროექტი ოზურგეთში

13.05.2021

მოსაზრებები სამუსლიმანო საქართველოს სახელმწიფოებრივ კუთვნილებასთან დაკავშირებით

10.03.2021

1921 წლის ოკუპაცია და „პერესტროიკის“ ხანის ქართული გაზეთები

10.03.2021

საბჭოთა ოკუპაციის ნარატივი რუსეთ-საქართველოს თანამედროვე ურთიერთობების ფონზე: პოლიტიკა, მეხსიერება, იდენტობა

10.03.2021