აჭარის უმაღლესი საბჭოს მოქალაქეთა ჩართულობის ცენტრის კონცეფციით გათვალისწინებული მორიგი ტრენინგი ჩატარდა უმაღლესი საბჭოს თანამშრომლებისათვის. უმაღლესი საბჭოში მოქალაქეთა ჩართულობის ცენტრი შეიქმნა შეიქმნა ღია მმართველობის 2020-2021 წლის სამოქმედო გეგმის ფარგლებში. 

დამოუკიდებელმა კონსულტანტმა, ნინო ჩალაძემ, მონაწილეებს გააცნო ფიზიკურ და ონლაინ სივრცეში მომსახურების გაწევისა და ეთიკის სტანდარტები. ტრენინგის ფარგლებში მიღებული ინფორმაცია საჯარო სამსახურში მომსახურების გაწევის სტანდარტის, მოქალაქეზე ორიენტირებული სერვისის მიწოდებისა და სწორი კომუნიკაციის შესახებ, უზრუნველყოფს უმაღლესი საბჭოს თანამშრომლების მიერ მოქალაქეებისთვის ხარისხიანი მომსახურების გაწევას და გაზრდის მოქალაქეთა ჩართულობას საკანონმდებლო ორგანოს საქმიანობაში.

სატრენინგო თემები, ასევე, მოიცავდა ბავშვთა ფსიქოლოგიას და ბავშვებთან კომუნიკაციას. აღნიშნული საკითხის გათვალისწინება მნიშვნელოვანია მოქალაქეებისთვის მომსახურების გაწევისას. ბავშვთან ერთად მისული მოქალაქე მისთვის საჭირო და საინტერესო სერვისს მიიღებს დროულად და მარტივად.

ტრენინგები გაიმართა ევროკავშირისა (EU) და გაეროს განვითარების პროგრამის (UNDP) მხარდაჭერით პროექტის - „საპარლამენტო დემოკრატიის კონსოლიდაცია საქართველოში“ ფარგლებში, გაეროს განვითარების პროგრამისა (UNDP) და ინფორმაციის თავისუფლების განვითარების ინსტიტუტის (IDFI) ორგანიზებით.