ღია საზოგადოების ინსტიტუტის ბუდაპეშტის ფონდის (OSI) მხარდაჭერით პროექტის “ორგანიზაციული განვითარების გრანტი - IDFI” ფარგლებში 8-9 თებერვალს ინფორმაციის თავისუფლების განვითარების ინსტიტუტის (IDFI) თანამშრომლებისთვის ჩატარდა ტრენინგი, რომელიც სოციალურ კვლევის მეთოდებს ეხებოდა.

ტრენინგი ჩაატარა IDFI-ს მიერ მოწვეულმა მკვლევარმა და თავისუფალი უნივერსიტეტის ლექტორმა ქალბატონმა ნინო ჟღენტმა, რომელსაც კვლევით საქმიანობის სფეროში 10 წლიანი გამოცდილება აქვს და არაერთ კვლევით პროექტში მიუღია მონაწილეობა. ტრენინგის საშუალებით IDFI-ს თანამშრომლებს მიეცათ შესაძლებლობა, რომ უფრო გაეღრმავებინათ ცოდნა ისეთი საკითხების შესახებ, როგორიცაა თვისობრივი და რაოდენობრივი კვლევა, კვლევის მეთოდები, კვლევის დიზაინი, ჩაღრმავებული ინტერვიუს მეთოდი, ფოკუს ჯგუფების მეთოდი, ეთიკის საკითხები, კვლევის შეფასება, დოკუმენტების ანალიზი, შეფასების ანალიზი და სხვ. ტრენინგის განმავლობაში IDFI-ს თანამშრომლებს ჰქონდათ შესაძლებლობა მიღებული ცოდნა გამოევლინათ პრაქტიკულ სავარჯიშოებში, როგორც გუნდურად, ასევე ინდივიდუალურად.

ღია საზოგადოების ინსტიტუტის ბუდაპეშტის ფონდის (OSI) კვლევითი ორგანიზაციების ფონდის ორგანიზაციული განვითარების გრანტის მიზანია IDFI-ის, როგორც კვლევითი ორგანიზაციის განვითარება შემდეგი კონკრეტული მიმართულებებით: კვლევების ხარისხი, კომუნიკაცია და ადვოკატირება, შიდა განვითარება და მმართველობა.