პროექტის -“საჯარო ინფორმაციის მონაცემთა ბაზა www.opendata.ge“ პირველი ეტაპის ანგარიში (2011)

სიახლეები | კორუფციასთან ბრძოლა | პუბლიკაციები 13 აპრილი 2012

პროექტის „საჯარო ინფორმაციის მონაცემთა ბაზა- www.opendata.ge “ -  ფარგლებში, რომელიც დაფინანსებულია ფონდის „ღია საზოგადოება-საქართველოს“ მიერ, IDFI-მ 2011 წლის აპრილიდან საქართველოს კანონმდებლობით მინიჭებული უფლებამოსილების საფუძველზე, საჯარო ინფორმაციის მოთხოვნები გაუგზავნა საქართველოს საჯარო დაწესებულებებს: პრეზიდენტის ადმინისტრაციას, სამინისტროებს, საქართველოს პარლამენტს, საქართველოს მთავრობას, საჯარო სამართლის იურიდიულ პირებს, საქვეუწყებო დაწესებულებებს, ადგილობრივ თვითმმართველ ერთეულებს და სასამართლოებს.


2011 წლის აპრილ-აგვისტოს განმავლობაში სულ გაიგზავნა 2740 სხვადასხვა მოთხოვნა 154 საჯარო დაწესებულებაში.


აღსანიშნავია, რომ საჯარო დაწესებულებებმა, უმეტეს შემთხვევაში, პასუხები მოგვაწოდეს სრულყოფილი სახით. სამწუხაროდ, ზოგიერთმა ადმინისტრაციულმა ორგანომ არ შეასრულა საქართველოს კანონმდებლობით მასზე დაკისრებული ვალდებულება და არ გასცა საჯარო ინფორმაცია.


„ინსტიტუტის“ მიერ დაგზავნილი შეკითხვებიდან პასუხგაუცემელი დარჩა 641 მოთხოვნა, რაც გაგზავნილი შეკითხვების 23.39%-ია; 17 საჯარო დაწესებულების მიერ სრულად იგნორირებულია ყველა შეკითხვა, ხოლო 94 შემთხვევაში IDFI-ის უარით უპასუხეს საჯარო ინფორმაციის გაცემაზე.


IDFI-ს მიერ გამოქვეყნებულ ანგარიშში ასახულია საქართველოში საჯარო ინფორმაციის ხელმისაწვდომობის ოთხი ძირითადი ტენდეცია. კერძოდ, საჯარო დაწესებულებათა მიერ განხორციელებული ქმედება/უმოქმედობა შეიძლება შემდეგ სახეებად დაიყოს: სრულყოფილად გაცემული საჯარო ინფორმაცია, არასრულყოფილად გაცემული საჯარო ინფორმაცია, სამართლებრივი საფუძლის არმქონე უარი და აბსოლუტური იგნორირება. მაგალითის სახით წარმოგიდგენთ იმ საჯარო დაწესებულებების ჩამონათვალს, სადაც გამოვლინდა აღნიშნული ტენდენციები:


1.    სრულყოფილად გაცემული საჯარო ინფორმაცია: საქართველოს სპორტისა და ახალგაზრდობის საქმეთა სამინისტრო; განათლების ხარისხის განვითარების ეროვნული ცენტრი; სასჯელაღსრულებისა და პრობაციის სასწავლო ცენტრი; ოლიმპიური რეზერვების მზადების ეროვნული ცენტრი; ტურიზმის ეროვნული სააგენტო; სახელმწიფო ზრუნვის სააგენტო.

2.    არასრულყოფილად გაცემული საჯარო ინფორმაცია: საქართველოს ეკონომიკისა და მდგრადი განვითარების სამინისტრო; გარემოს დაცვისა და ბუნებრივი რესურსების სამინისტრო; საქართველოს მთავრობა; ქ. თბილისის საკრებულო.

3.    სამართლებრივი საფუძვლის არმქონე უარი საჯარო ინფორმაციის გაცემაზე: საქართველოს რეგიონული განვითარებისა და ინფრასტრუქტურის სამინისტრო; სსიპ - გამოცდების ეროვნული ცენტრი; სსიპ - კადეტთა სამხედრო ლიცეუმი.

4.    აბსოლუტური იგნორირება: საქართველოს სასჯელაღსრულების, პრობაციისა  და იურიდიული დახმარების საკითხთა სამინისტრო; საქართველოს ოკუპირებული ტერიტორიებიდან იძულებით გადაადგილებულ პირთა განსახლებისა და ლტოლვილთა სამინისტრო; საქართველოს თავდაცვის სამინისტრო; სასჯელაღსრულების დეპარტამენტი; სსიპ - სახელმწიფო შესყიდვების სააგენტო.    

 

 იხილეთ თანდართული ფაილი

 

იხილეთ ანგარიშის ელექტრონული ვერსია

სხვა მასალები ამ თემაზე
სიახლეები

IDFI-მ შეიმუშავა რეკომენდაციები აჭარის უმაღლესი საბჭოსთვის საჯარო ინფორმაციის პროაქტიულად გამოქვეყნებასთან დაკავშირებით

17.05.2022

Შეხვედრა გორის ახალგაზრდობასთან - ​​გაყალბებული ისტორია და ტრიუმფალური 9 მაისი: ისტორია და თანამედროვეობა

17.05.2022

IDFI-ის საერთაშორისო კონფერენცია ციფრულ ტრანსფორმაციაზე: მთავარი გზავნილები და შედეგები

16.05.2022

მონაცემების გლობალური ბარომეტრის კვლევის შედეგები - საქართველოსა და აღმოსავლეთ ევროპის და ცენტრალური აზიის რეგიონის ქვეყნების შედეგების მიმოხილვა

13.05.2022
განცხადებები

ევროკავშირის კითხვარის პასუხების გასაჯაროების შესახებ

02.05.2022

არასამთავრობო ორგანიზაციების ერთობლივი განცხადება ბიძინა ივანიშვილისა და რუსი ბიზნესმენის ვლადიმერ ევტუშენკოვის გავრცელებული სავარაუდო აუდიოჩანაწერის შესახებ.

27.04.2022

ფარული მიყურადების მარეგულირებელი კანონმდებლობა კიდევ უფრო უარესდება

21.04.2022

სამოქალაქო საზოგადოებრივი ორგანიზაციები ევროკავშირის კითხვარისა და პასუხების გასაჯაროვებას ითხოვენ

12.04.2022
ბლოგპოსტები

ქართული პრესისა და ბეჭდვითი მედიის ცენზურის ისტორია

03.05.2022

9 მაისის აღნიშვნა რუსეთში

02.05.2022

ციფრული უფლებები ღია მმართველობის პარტნიორობის ფარგლებში

15.04.2022

რუსული დეზინფორმაციის ტენდენციები საქართველოში უკრაინის ომის პარალელურად

04.04.2022