IDFI-მ 21 აპრილს გამოაქვეყნა საქართველოს შრომის, ჯანმრთელობისა და სოციალური დაცვის სამინისტროდან მიღებული მონაცემთა ანალიზი: "აბორტების სტატისტიკა საქართველოში 2004-2014" რომლითაც არაერთი მედია საშუალება დაინტერესდა.

აღნიშნულ თემაზე IDFI-ს გამგეობის თავმჯდომარემ, ლევან ავალიშვილმა "საქმიანი დილის" ეთერში ისაუბრა. მან ასევე აღნიშნა, რომ ‪‎IDFI‬ იწყებს დემოგრაფიულ კვლევასა და მრავალშვილიანი ოჯახებისთვის საგადასახადო შეღავათებთან დაკავშირებით საკანონმდებლო ცვლილებების ინიციატივაზე მუშაობას.

პირველ არხს IDFI-ს ანალიტიკოსი, გოგა თუშურაშვილი ესაუბრა: "მიუხედავად იმისა, რომ აბორტების რაოდენობა შემცირებულია, მაინც თვალშისაცემია ეს რიცხვი და აღსანიშნავია ისიც, რომ ეს არის მხოლოდ ოფიციალური მონაცემები"

IPN: "განვლილი წლების მსგავსად, 2014 წლის მონაცემებითაც, აბორტების ყველაზე დიდი წილი 44% (სულ 13 961, მათ შორის ხელოვნური – 12 779) 20-29 წლამდე ასაკის ჯგუფზე მოდის"

Liberali: " IDFI მიერ ჯანდაცვის სამინისტროდან გამოთხოვილი ინფორმაციით, 2014 წელს, წინასწარი მონაცემებით, საქართველოში ორსულობის შეწყვეტის 31 908 შემთხვევა აღინიშნა."

netgazeti.ge: IDFI-ს ცნობით, საქართველოში 2012 წლამდე ყოველწლიურად შეინიშნებოდა აბორტების რაოდენობის მატების მზარდი ტენდენცია და 2012 წელს ოფიციალურად ორსულობის შეწყვეტის 39 225 ფაქტი დაფიქსირდა.

15 წლამდე მოზარდებში აბორტების სტატისტიკით დაინტერესდა ონლაინ გამოცემა 17mai.si, რაზეც ყურადღება epn.ge-მაც გაამახვილა, ხოლო ძირითად მონაცემებზე დაყრდნობით სტატია მოამზადა sknews.ge-მ