კოალიციის განცხადება საზოგადოებრივი მაუწყებლის 2015 – 2016 წლების პროგრამული პრიორიტეტების შესახებ

სიახლეები | განცხადებები 30 ივლისი 2015

ვფიქრობთ, რომ საზოგადოებრივი მაუწყებლის საქმიანობის გასაუმჯობესებლად არსებითად მნიშვნელოვანი იყო, რომ საჯარო ადმინისტრაციული წარმოების ფარგლებში მეურვეებმა შეძლეს, დაინტერესებულ საზოგადოებასთან დიალოგით, საზოგადოებრივი არხების ორწლიანი სამუშაო დოკუმენტის დახვეწა და არსებულ გამოწვევებზე შედარებით უკეთ ორიენტირებული დოკუმენტის შეექმნა.


საბოლოო დოკუმენტში დაინტერესებული პირების მიერ სამეურვეო საბჭოსთვის მიწოდებული მნიშვნელოვანი იდეებია ასახული. მათ შორის:

 

1. მისასალმებელია, რომ სამეურვეო საბჭო საჭიროდ მიიჩნევს საეთერო დროის 25%-ის გარეპროდუქციისთვის დათმობის, კანონით გათვალისწინებული ვალდებულების, შესრულების კონცეფციის და გეგმის შემუშავებას საზოგადოებრივი არხის მენეჯმენტის მიერ და მის შემდგომ განხილვას;

 

2. ვიმედოვნებთ, რომ საზოგადოებრვი არხების ევროპული არჩევანის უზრუნველყოფა მოხდება სამეურვეო საბჭოს ერთ-ერთი მნიშვნელოვანი არჩევანით - მომზადდეს სოციალურ პრობლემებთან დაკავშირებული დისკუსია, პოლიტიკურ მსოფლმხედველობათა მრავალფეროვნების, გენდერული, უმცირესობათა, მოწყვლადი ჯგუფების მონაწილეობისა და რეგიონული პრინციპების დაცვით. ასევე მითითება იმაზე, რომ გადაცემათა თემების შერჩევისას სახელმძღვანელო უნდა იყოს არა სხვა მედია საშუალებების დღის წესრიგი, არამედ - ქვეყნის განვითარებისათვის მნიშვნელოვანი და აქტუალური საკითხები /მაგ: განათლება, ჯანდაცვა, მიგრაცია და ემიგრანტები, დიასპორა, დევნილები, დასაქმება, ეკოლოგია, შეზღუდული შესაძლებლობის მქონე პირები, მიუსაფარი ბავშვები და მოხუცები, ძალადობისა და დისკრიმინაციის მსხვერპლები, და სხვა/;

 

3. საზოგადოებრივი მაუწყებლის არხებისათვის განსაკუთრებული ყურადღების ქვეშ მოექცა საარჩევნო თემატიკა, კერძოდ , 2016 წლის საპარლამენტო არჩევნების პერიოდში საზოგადოებრივმა არხებმა განსაკუთრებული ადგილი უნდა დაეთმოს შემდეგ საკითხებს:


ა) არჩევნების მნიშვნელობა და სამოქალაქო პასუხისმგებლობა;


ბ) საარჩევნო სუბიექტების, საპარლამენტო და არასაპარლამენტო პარტიების შეხედულებების და პროგრამების გაშუქება;


გ) არჩევნებთან დაკავშირებული საკანონმდებლო ნორმების შესახებ მოქალაქეთა ინფორმირება;


დ) არასამთავრობო ორგანიზაციებისა და სადამკვირვებლო მისიების მონიტორინგის შედეგების გაშუქება;


ე) საქართველოს თითოეული რეგიონის საარჩევნო გარემოს და პროცესის ასახვა;


4. შედარებით ნათელი გახდა მითითება ციფრული მაუწყებლობის ეტაპზე ეროვნული უმცირესობის ენებისათვის მათთვის მისაღებ ენაზე გადაცემების მიწოდების ფორმატის თაობაზე;


5. გაუმჯობესდა საზოგადოებრივი მაუწყებლის არხების მიერ ხელისუფლების მონიტორინგისა და ანგარიშვალდებულების გეგმა და ხაზი გაესვა ამ მიმართულებით პოლიტიკურ-ანალიტიკური გადაცემების და ჟურნალისტური გამოძიების მექანიზმის გამოყენების აუცილებლობას;


6. განსაკუთრებით მისასალმებელია საბჭოს გადაწყვეტილების ის ნაწილი, რომლითაც ოკუპირებულ რეგიონებში მიმდინარე პროცესების ასახვა საზოგადოებრივი არხების საინფორმაციო და ახალი ამბების გაშუქების ერთ-ერთ მთავარი თემატიკა გახდა;


ბუნებრივია, დადგენილი პრიორიტეტების შესრულება არსებითადაა დამოკიდებული საზოგადოებრივი არხების თანამშრომელთა მიერ სტანდარტების შესაბამისად განხორციელებულ აქტიურ მუშაობასა და მეურვეების მიერ პროგრამული პრიორიტეტების შესრულების კონტროლის უწყვეტ რეჟიმში განხორციელებაზე. რაც ასევე წარმოადგენს მაღალი საზოგადოებრივი ინტერესის და მონიტორინგის საგანს.


შეგახსენებთ, რომ კოალიცია „მედია ადვოკატირებისათვის“ წევრმა ორგანიზაციებმა საზოგადოებრივი მაუწყებლის 2015 - 2016 წლების პროგრამული პრიორიტეტების თაობაზე მოსაზრებები მიმდინარე წლის ივნისში გაუგზავნეს. დოკუმენტებში ხაზგასმული იყო ძირითადი საკითხები, რაც ჩვენი აზრით, უნდა გამხდარიყო პრიორიტეტული საზოგადოებრივი მაუწყებლის მიერ კანონით მინიჭებული უფლებამოსილების განხორციელებისას მომავალი ორი წლის განმავლობაში.


კოალიციის წევრი ორგანიზაციები:


საქართველოს ახალგაზრდა იურისტთა ასოციაცია
მედიაკლუბი
საქართველოს ჟურნალისტური ეთიკის ქარტია
ინფორმაციის თავისუფლების განვითარების ინსტიტუტი
ფონდი „ღია საზოგადოება - საქართველო“
საქართველოს რეგიონულ მაუწყებელთა ასოციაცია
სამოქალაქო განვითარების ინსტიტუტი
არასამთავრობო ორგანიზაცია „სამოქალაქო საზოგადოებისათვის“
ლევან მიქელაძის სახელობის ფონდი
საქართველოს რეგიონული მედიის ასოციაცია
რეგიონულ ტელევიზიათა ქსელი

სხვა მასალები ამ თემაზე
სიახლეები

IDFI-ის საბჭოთა ოკუპაციის 100 წლისთავისადმი მიძღვნილი აქტივობები

01.03.2021

თბილისის საქალაქო სასამართლომ „მედიააკადემიის“ წინააღმდეგ IDFI-ის სარჩელი დააკმაყოფილა

26.02.2021

სტატისტიკური მონაცემები 2018-2020 წლებში საქართველოს ოკუპირებულ ტერიტორიებზე ქართული ჯანდაცვის პროგრამებით მოსარგებლეთა შესახებ

24.02.2021

IDFI-ის ონლაინ კონფერენცია ხელოვნური ინტელექტის შესახებ: განხილული საკითხები და შედეგები

23.02.2021
განცხადებები

მედიაკოალიცია ჟურნალისტ ვახო სანაიაზე და მის ოჯახზე თავდასხმის ფაქტს ეხმიანება

25.02.2021

საგანგებო განცხადება ნიკა მელიას დაკავების შესახებ

23.02.2021

IDFI საქართველოს პარლამენტთან აქციების მონაწილეთა დაკავებას ეხმიანება

21.02.2021

ერთობლივი განცხადება ნიკა მელიას სასამართლო პროცესთან დაკავშირებით

17.02.2021
ბლოგპოსტები

გუდმუნდურ ანდრი ასტრადსონი ისლანდიის წინააღმდეგ: მოსამართლეთა დანიშვნის შესახებ კანონმდებლობის დარღვევამ სამართლიანი სასამართლოს უფლების შელახვა გამოიწვია

10.02.2021

რატომ არ არის სახელმწიფო ავტოპარკში ელექტროავტომობილები?

08.02.2021

ღია მმართველობის პარტნიორობის გაზრდილი მნიშვნელობა - პერსპექტივა დაკვირვების საფუძველზე (OGP 2030)

26.11.2020

დამოუკიდებელი ანტიკორუფციული სააგენტო - მაღალი დონის კორუფციასთან ბრძოლის ეფექტური საშუალება

06.11.2020