IDFI - GPSA-ის პარტნიორთა გლობალურ ფორუმზე

სიახლეები | პუბლიკაციები | ღია მმართველობა | სტატია 27 მაისი 2016

GPSA-ის (გლობალური პარტნიორობა სოციალური ანგარიშვალდებულებისთვის) პარტნიორთა გლობალური ფორუმი 2014 წლიდან მოყოლებული ყოველ წელს იმართება. იგი შეკრების შესაძლებლობას აძლევს მსოფლიოს მასშტაბით სოციალური ანგარიშვალდებულების სფეროს წარმომადგენლებს. ღონისძიების მსვლელობისას მთავრობები, ანგარიშვალდებულების ინსტიტუტები, აკადემიური სფეროს წარმომადგენლები, პრაქტიკოსები და სამოქალაქო საზოგადოების ორგანიზაციები, ასევე, კერძო სექტორი და დონორები ერთმანეთს უზიარებენ იდეებს და ცოდნას; ყოველი მათგანი ცდილობს თავიანთ საზოგადოებებში შექმნას უფრო ინფორმირებული და ანგარიშვალდებული გარემო.


2016 წლის პარტნიორთა გლობალური ფორუმი 19-24 მაისს ვაშინგტონში გაიმართა. მონაწილეებს შორის იყვნენ სხვადასხვა ადგილობრივი და საერთაშორისო არასამთავრობო ორგანიზაციები, მთავრობები, კერძო სექტორი და აკადემიური სფეროს წარმომადგენლები. მთლიანობაში ფორუმმა 75 ქვეყანა მოიცვა. ღონისძიება მიეძღვნა თემას - „სოციალური ანგარიშვალდებულება განვითარებისთვის“. ძირითადი აქცენტი გაკეთდა შემდეგ მიმართულებებზე: ინკლუზიური, გამჭვირვალე და ანგარიშვალდებული ინსტიტუტები; სახელმწიფოსა და საზოგადოებას შორის თანამშრომლობა სოციალური ანგარიშვალდებულების მიზნით: მოქალაქეთა ჩართულობიდან საჯარო მომსახურების თანაწარმოებამდე; ადაპტური მართვა.


ინფორმაციის თავისუფლების განვითარების ინსტიტუტს (IDFI) ფორუმზე წარმოადგენდა საბა ბუაძე, ღია მმართველობის პარტნიორობის (OGP) პროგრამის ფარგლებში. კარგი მმართველობის პროგრამის კოორდინატორმა საბა ბუაძემ ფორუმის მონაწილეებს გაუზიარა IDFI-ის გამოცდილება OGP-ის ფარგლებში მთავრობასა და სამოქალაქო საზოგადოებას შორის თანამშრომლობაზე. მან ისაუბრა იმის შესახებ, თუ როგორ მონაწილეობს სამოქალაქო საზოგადოება OGP-ის ეროვნული სამოქმედო გეგმის შედგენაში, მის შემდგომ მონიტორინგში, ადვოკატირებასა და ცნობიერების ამაღლებაში. მან ასევე აღნიშნა, რომ საქართველო მთავრობასა და სამოქალაქო საზოგადოებას შორის თანამშრომლობის კარგი მაგალითია.


განვითარების პარტნიორები, კერძო სექტორი და მოქალაქეები აცნობიერებენ, თუ რამდენად მნიშვნელოვანია მოქალაქის ხმა, მათი მონაწილეობა და გამჭვირვალობა მმართველობის გასაუმჯობესებლად. სწორედ მათი საშუალებით მიიღწევა მდგრადი განვითარების შედეგები, ეკონომიკური ზრდა და სიღარიბის შემცირება. ფორუმი უნიკალური შესაძლებლობა იყო განხილულიყო უახლესი ტენდენციები და გამოწვევები და გაზიარებულიყო წარმატებული ისტორიები.


ფორუმს უდიდესი მნიშვნელობა ჰქონდა. მონაწილეებს შორის იყვნენ შემდეგი მაღალი დონის გადაწყვეტილების მიმღები პირები: ჯიმ იონგ კიმი - მსოფლიო ბანკის ჯგუფის პრეზიდენტი; კარლ გერშმანი - დემოკრატიის მხარდაჭერის ეროვნული ფონდის პრეზიდენტი; და თომას კაროთერსი - კარნეგის მშვიდობის საერთაშორისო ფონდი.


ფორუმის მთავარი მხარდამჭერი მსოფლიო ბანკის ჯგუფი იყო. სამუშაო შეხვედრებისა და დისკუსიების საშუალებით ფორუმმა მოიცვა სოციალურ ანგარიშვალდებულებასთან დაკავშირებული სხვადასხვა საკითხი.


GPSA-ის პარტნიორთა გლობალური ფორუმი ახალი იდეებისა და კონცეფციების შემუშავების მნიშვნელოვანი მექანიზმია. ამ ღონისძიებაში მონაწილეობა IDFI-სთვის უდიდესი შესაძლებლობა იყო, რადგან ორგანიზაცია აქტიურად არის ჩართული ღია მმართველობის პარტნიორობაში და მისი მიზანია ხელი შეუწყოს მთავრობის ღიაობას და გამჭვირვალობას ინფორმირებული საზოგადოებისა და დემოკრატიული ღირებულებების ჩამოყალიბების გზით.

სხვა მასალები ამ თემაზე
სიახლეები

IDFI-მა კვლევის „რუსული კაპიტალი საქართველოში“ პრეზენტაცია გამართა

28.11.2022

რუსული კაპიტალი და რუსული კავშირები ქართულ ბიზნესში

28.11.2022

DRIVE-ის საპროექტო წინადადებების პრეზენტაცია საქართველოში ციფრულ გამოწვევებზე საპასუხოდ

28.11.2022

IDFI-ს პროგრამების დირექტორმა ლევან ავალიშვილმა ინფორმაციის თავისუფლების შესახებ ღია ლექცია ჩაატარა

24.11.2022
განცხადებები

საქართველო ერთადერთი ქვეყანაა, რომელიც ჯერ არ შეუერთდა ანტიკორუფციული გარემოს შესახებ OECD-ის შეფასების პროცესს

21.11.2022

IDFI შემოსავლების სამსახურის განცხადებას პასუხობს

11.11.2022

მედიის ადვოკატირების კოალიცია მიმართავს პრეზიდენტს შეიწყალოს ნიკა გვარამია

03.11.2022

ნიკა გვარამიას შეწყალების ყველა კონსტიტუციური წინაპირობა არსებობს

03.11.2022
ბლოგპოსტები

რუსული დეზინფორმაციის ტაქტიკა 2008 წლის ხუთდღიანი ომის კონტექსტში

03.11.2022

ქაოტური მშენებლობები ბათუმში ახალ მასშტაბებს იძენს

18.10.2022

საჯარო ინფორმაციის ხელმისაწვდომობა და უფლება სამართლიან სასამართლოზე

11.07.2022

ქართული პრესისა და ბეჭდვითი მედიის ცენზურის ისტორია

03.05.2022