გაეროს მდგრადი განვითარების მიზნებთან დაკავშირებით სამუშაო შეხვედრა გაიმართა

სიახლეები | კორუფციასთან ბრძოლა | პუბლიკაციები | სტატია 22 მაისი 2017

2017 წლის 20 მაისს, სასტუმრო „ქორთიარდ მერიოტში“ გაიმართა საქართველოს სამინისტროებისა და მთავრობის ადმინისტრაციის წარმომადგენლების პირველი სამუშაო შეხვედრა გაეროს მდგრადი განვითარების მიზნების საკითხზე. შეხვედრის მიზანი იყო გაეროს მდგრადი განვითარების მე-16 მიზნის ეროვნული ამოცანების, მათი ინდიკატორებისა და ექსპერტის მიერ შემოთავაზებული შეფასების მექანიზმების განხილვა.


სამუშაო შეხვედრა მოეწყო IDFI-ის მიერ, საქართველოს მთავრობის ადმინისტრაციასთან და გაეროს განვითარების პროგრამასთან (UNDP) თანამშრომლობით და შვედეთის მთავრობისა და აშშ-ის საერთაშორისო განვითარების სააგენტოს (USAID) ხელშეწყობით.

 

რა არის მდგრადი განვითარების მიზნები?

 

2015 წლის 25 სექტემბერს გაეროს 193 წევრი ქვეყანა შეთანხმდა მდგრადი განვითარების დღის წესრიგის დოკუმენტზე - „ჩვენი სამყაროს გარდაქმნა: 2030 წლის დღის წესრიგი მდგრადი განვითარებისთვის“. მდგრადი განვითარების მიზნების ამოცანაა, გააგრძელოს ათასწლეულის განვითარების მიზნების მიერ დაწყებული საქმე.

 

საქართველო იყო ერთ-ერთი პირველი სახელმწიფო, რომელმაც 2015 წელს მხარი დაუჭირა გაეროს მდგრადი განვითარების მიზნების დამტკიცებას და დაიწყო მათი დანერგვა ეროვნული პოლიტიკის დღის წესრიგში. მდგრადი განვითარების დღის წესრიგი მოიცავს 17 მიზანსა და 169 ამოცანას.

 

მე-16 მიზანი - მშვიდობა, სამართლიანობა და ეფექტური ინსტიტუტები, აერთიანებს ისეთ მნიშვნელოვან ამოცანებს, როგორიცაა:


• კორუფციისა და მექრთამეობის მნიშვნელოვნად შემცირება;


• ეფექტიანი, ანგარიშვალდებული და გამჭვირვალე ინსტიტუტების განვითარება; 


• ძალადობის ყველა ფორმის და მასთან დაკავშირებული სიკვდილიანობის შემთხვევათა რაოდენობის შემცირება ყველგან;


• კანონის უზენაესობის დამკვიდრების ხელშეწყობა ეროვნულ დონეზე და თითოეული ადამიანისთვის მართლმსაჯულებაზე თანაბარი წვდომის უზრუნველყოფა.

 

სამუშაო შეხვედრაზე განხილული საკითხები

 

საქართველოს მთავრობის ადმინისტრაციასთან და IDFI-ისთან ერთად, შეხვედრაში მონაწილეობდნენ მე-16 მიზნის და მისი ამოცანების შესრულებაზე პასუხისმგებელი საჯარო დაწესებულებები. კერძოდ: შინაგან საქმეთა სამინისტროს, სასჯელაღსრულების და პრობაციის სამინისტროს, საგარეო საქმეთა სამინისტროს, ფინანსთა სამინისტროს და სპორტის და ახალგაზრდულ საქმეთა სამინისტროს წარმომადგენლები.
მონაწილეებმა განიხილეს მდგრადი განვითარების მე-16 მიზნის ის ამოცანები და ინდიკატორები, რომელიც საქართველოს უნდა მიესადაგოს. ასევე განხილულ იქნა მე-16 მიზნის და მისი ამოცანების შესრულების უფრო ეფექტური მონიტორინგისთვის საჭირო, ექსპერტის მიერ შემოთავაზებული დამატებითი ინდიკატორები. შეხვედრაზე აღინიშნა, რომ უწყებები განაგრძობენ მუშაობას დამატებით ინდიკატორების შესარჩევად.


გარდა ამისა, შეხვედრა დაეთმო ინდიკატორების შეფასების ფურცლის (ე.წ. სცორეცარდ) და ინდიკატორების მეტამონაცემების ცხრილის ანალიზს. IDFI-მ და საქართველოს მთავრობის ადმინისტრაციამ განიხილეს დოკუმენტების შევსების წესი და მათი საბოლოო მიზანი. ინფორმაციის დამუშავებისა და შეჯამების შემდეგ, დაინტერესებულ მხარეებს საშუალება ექნებათ, გაზომონ არსებული ინდიკატორების ხარისხი და ის, თუ რამდენად ეფექტურად მიმდინარეობს მე-16 მიზნის და მისი ამოცანების შესრულება.


მდგრადი განვითარების მე-16 მიზნის ამოცანებზე და ინდიკატორებზე შეჯერების შემდეგ, პასუხისმგებელი უწყებები შეავსებენ ზემოთ აღნიშნულ დოკუმენტებს, რაც მათ არსებული ვითარების ანალიზში დაეხმარება. გარდა ამისა, პროექტის ფარგლებში დაგეგმილია უწყებათაშორისი საკოორდინაციო პროცესის გაუმჯობესება, რაც ითვალისწინებს მდგრადი განვითარების მიზნების მონიტორინგის ელექტრონული პლატფორმის შემუშავებას.

სხვა მასალები ამ თემაზე
სიახლეები

IDFI გიწვევთ კარგი მმართველობის ფორუმზე 2021

04.12.2021

IDFI-ის აღმასრულებელმა დირექტორმა ღია პარლამენტის ფორუმზე დეზინფორმაციასთან ბრძოლაში პარლამენტის როლზე ისაუბრა

03.12.2021

ვებგვერდის პრეზენტაცია - www.historyproject.ge

01.12.2021

ბენეფიციარ მესაკუთრეთა მონიტორნიგის გზამკვლევი

26.11.2021
განცხადებები

დეზინფორმაცია და არჩევნები – 2021 წლის ადგილობრივი თვითმმართველობის არჩევნების შეჯამება

03.12.2021

კოალიცია უზენაესი სასამართლოს მოსამართლეების დანიშვნას კრიტიკულად აფასებს

02.12.2021

არასამთავრობო ორგანიზაციები საკონსტიტუციო ცვლილებებთან დაკავშირებით ირაკლი კობახიძის განცხადებას უარყოფითად აფასებენ

01.12.2021

კოალიცია პარლამენტში უზენაესი სასამართლოს მოსამართლეობის კანდიდატებთან გასაუბრებების დაწყებას ეხმაურება

24.11.2021
ბლოგპოსტები

ონლაინ ინფორმაციის მანიპულირების ეფექტები: ვინ უნდა შეიმუშავოს და განახორციელოს საჭირო მექანიზმები

20.10.2021

სამთავრობო OGP-ის რეგრესი საქართველოში

06.10.2021

სიკვდილი, როგორც საარჩევნო კამპანიის ძირითადი ნარატივი საქართველოში

29.09.2021

პირადი ცხოვრების ხელშეუხებლობის უფლების დარღვევა - სისტემური გამოწვევა საქართველოსთვის

16.09.2021