სამინისტროებიდან საჯარო ინფორმაციის გაცემის მაჩვენებელი 14 %-ით შემცირდა

IDFI მედიაში 23 მაისი 2014

ინფორმაციის თავისუფლების განვითარების ინსტიტუტის (IDFI) მიერ გამოქვეყნებული კვლევის თანახმად 2013 წლის ოქტომბერი -2014 წლის მარტის პერიოდში საჯარო უწყებებიდან ინფორმაციის გაცემის მაჩვენებელი 2012 წლის სექტემბერი -2013წლის ოქტომბრის მაჩვენებლთან შედარებით 14 პროცენტით  შემცირდა.

IDFI-მ ისევე როგორც 2012 წლის არჩევნებამდე და მის შემდგომ პერიოდში, მიმდინარე წელსაც 493 მოთხოვნით მიმართა 29 საჯარო დაწესებულებას, რომელთა შორის სამინისტროები, პრეზიდენტის ადმინისტრაცია, პარლამენტი და აჭარის ავტონომიური რესპუბლიკის მთავრობა არიან. ორგანიზაცია თითოეულ უწყებას დაახლოებით 15 კითხვას უგზავნიდა და ითხოვდა ინფორმაციას ხელფასების, პრემიების სამივლინებო თანხების, ღონისძიებაზე დახარჯული თანხების და სხვა საკითხების შესახებ.

„კვლევის წინა პერიოდში, როდესაც ინფორმაცია ეხებოდა წინა ხელისუფლებას, გაიცემოდა საკმაოდ კარგად, ხოლო როდესაც ინფორმაციის გამოთხოვა უშუალოდ არსებული ხელისუფლების შესახებ დავიწყეთ, ინფრომაციის გაცემის მაჩვენებელმა 14 პროცენტით იკლო“, -აღნიშნა გიორგი კლდიაშვილმა 23 მაისს კვლევის შუალედური ანგარიშის გამართულ პრეზენტაციაზე.

ამის მაგალითად მან ეკონომიკის სამინისტრო დაასახელა. 2012 წლის არჩვენების შემდეგ როდესაც ინფორმაცია სამივლინებო ხარჯებისა და პრემიების შესახებ გამოითხოვეს, სამინისტრომ თანამდებობის პირთა მითითებით დეტალურად მიაწოდა ინფორმაცია, მაშინ, როდესაც მიმდინარე წელს მხოლოდ ჯამური რიცხვი გაუგზავნეს.

სწორედ ეკონომიკისა და მდგრადი განვითარების სამინისტროს აქვს ყველაზე დიდი კლება ინფორმაციის გაცემის თვალსაზრისით. წინა პერიოდთან შედარებით, ამ უწყებამ ინფორმაციაზე ხელმისაწვდომობა 61 პროცენტით შეამცირა.

როდესაც IDFI0-მ 2013 წლის 12 სექტემბერს გამართულ პრეზენტაციაზე წლის ყველაზე ღია და დახურული უწყებები დაასახელა, მაშინდელმა პრემიერ მინისტრმა ბიძინა ივანიშვილმა განაცხადა, რომ ინფორმაციის გაცემის მაჩევენებელი ყველა უწყებას 100 პროცენტამდე უნდა გაეზარდა, ვინაიდან გამჭვირვალობა და ანგარიშვალდებულება მათი მთავრობის პრიორიტეტი იყო. იმ დროს ინფორმაციის გაცემის მაჩვენებლი არჩევნებამდე პერიოდში 30 პროცენტით იყო გაზრდილი.

იმავე პრეზენტაციაზე თინა ხიდაშელმა განაცხადა: "რეალური ტესტი ახლა დადგება, როდესაც ახალი ხელისუფლების მიერ დახარჯულ თანხებზე, ჩვენ მიერ განხორციელებულ აქტივობებზე  მოითხოვთ ინფორმაციას". IDFI-მ მათ შესახებ ინფორმაცია მართლაც მოითხოვა და ხელმისაწვდომობაზე ჯამში 14 პროცენტიანი კლება დააფიქსირა.

მიუხედავად მთავრობის განცხადებებისა, რომ გამჭვირვალობა მათი პრიორიტეტია, კვლევამ აჩვენა, რომ 34 პროცენტით გაუარსედა იუსტიციის სამინისტროს მაჩვენებელიც. ეს ის უწყებაა, რომელსაც ინფორმაციის გაცემის თვალსაზრისით წინა პერიოდში კარგი კარგი ჰქონდა და თავად ხელმძღვანელობს ინფორმაციის თავისუფლების შესახებ ახალი კანონის შექმნას.

ყველაზე მეტი, 20 პროცენტიანი ზრდა აქვს პრეზიდენტის ადმინისტრაციას, 19 პროცენტით გააუმჯობესა ინფორმაციის ხელმისაწვდომობა მთავრობის კანცელარიამ.

ყველაზე დახურულ უწყებად შინაგან საქმეთა სამინისტრო რჩება. ინფორმაციის 100 პროცენტიანი გაცემით კი რეიტინგის სათავეში არიან რეგიონული განვითარებისა და ინფრასტრუქტურის, გარემოს დაცვის სამინისტროები, აგრეთვე ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტრო და აჭარის ა/რ განათლების, კულტურისა და სპორტის სამინისტრო.

IDFI საჯარო უწყებების რეიტინგს ყოველწლიურად აქვეყნებს.  გიორგი კლდიაშვილის თქმით, ვრცელი კვლევა, რომელიც საჯარო სამართლის იურიდიულ პირებსაც მოიცავს, რამდენიმე თვის შემდეგ გამოქვეყნდება.

 

იხილეთ ბმული

სხვა მასალები ამ თემაზე
სიახლეები

IDFI-მ ახალგაზრდებისთვის კარგი მმართველობის სკოლა გამართა

24.09.2024

რუსეთის მოქალაქეების მიერ დაფუძნებული კომპანიები საქართველოში - კავშირები და რეგისტრაციის თავისებურებები

17.09.2024

ეთნიკური უმცირესობების პოლიტიკური ჩართულობა და მათი ელექტორალური ქცევა

13.09.2024

ფარული მეთვალყურეობის ზედამხედველობა: კანონმდებლობა და პრაქტიკა

05.09.2024
განცხადებები

პრემიერ-მინისტრი ანტიკორუფციულ ბიუროს ქართულ არასამთავრობო ორგანიზაციებზე თავდასხმისთვის იყენებს

24.09.2024

კოალიცია უზენაესი სასამართლოს მოსამართლედ ნიკოლოზ მარსაგიშვილის არჩევას ეხმიანება

19.09.2024

მმართველი პარტია მართლმსაჯულების საკითხებს პროპაგანდისტული და პარტიული ინტერესებისათვის იყენებს

21.08.2024

რუსული კანონის წინააღმდეგ სამართლებრივი ბრძოლა საკონსტიტუციო სასამართლოში გაგრძელდება

17.07.2024
ბლოგპოსტები

დაბლოკილი ვებგვერდები საქართველოში: სტატისტიკის ანალიზი

19.08.2024

ბენეფიციარი მესაკუთრეების მონაცემების ხელმისაწვდომობის გამოწვევები უნგრეთში

29.07.2024

ბენეფიციარი მესაკუთრეების გამჭვირვალობა სლოვაკეთში: მიმდინარე მოვლენების ანალიზი და მთავარი საჭიროებები

29.07.2024

ბენეფიციარი მესაკუთრეების გამჭვირვალობა ჩეხეთის რესპუბლიკაში: მიმდინარე მოვლენების ანალიზი და მთავარი საჭიროებები

29.07.2024